للمتابعه .؟؟
bo_walid قال:
اهلا فيك اخوي وحاضرين للتوضيح ولو انه شطينا عن الموضوع الرئيسي شويه ....
شوف حبيبي مثلا لو تشتري سهم وليكن صكوك بسعر 240 فلس بكميه تقريبا 20 الف سهم وبعد فتره السهم نزل الى 206 فلس وعندك فلوس ...في هذي الحاله تشوف هل هذا السهم هو تقريبا مناسب للتبريد على سعرك او ممكن ينزل اكثر وهذا طبعا تشوفه من التداول على السهم والكميات ...
المهم لو انت مثلا شاري كميه ولتكن 20الف سهم بسعر 240 فلس والسهم نزل معاك الى 210 فلس واشتريت مثلا 20 الف سهم على210 فلس ....في هذي الحاله يكون السهم طالع عليك بسعر تقريبا 226 فلس ..؟؟؟
في ملاحظه بعد مهمه... لو تزيد كميتك في اي سهم مثلا صكوك وتاخذ مثلا 40 الف سهم على سعر 210 فلس يكون السهم يطلع عليك بسعر 220 فلس .لو انت شاري مثلا 20 الف سهم على 240 فلس ..؟؟؟
بس خلك حذر من التبريد وما تبرد على اي سهم الا اذا وصل حده ..؟؟؟
انا اعرف واحد من الربع شاري مركز سلطان بسعر 2400 فلس ونزل عليه السهم ووصل الى سعر 1400 فلس واشترى وبرد على السهم وشوف السهم الحين كم سعره 580 فلس والله يعينه ويصبره يارب ويرزقه ...؟؟؟
الخلاصه : لابد من معرفه نقاط الدعم والمقاومه لاي سهم للتبريد ..واعتذر للاطاله وان شاء الله الصوره وضحت .....
والله المستعان..؟؟