وزير التجاره

[hassan_abu3eed]

اخواني تتوقعون ان النائب مرزوق الغانم يصير وزير التجاره

واذا صار تتوقعون يتعدل السوق ؟

نبي رايكم

 

[.osama]

والله اليوم سمعت ان النائب احمد لاري مرشح لشغل هذا المنصب

والله اعلم

 

[FOCUS]

اخواني تتوقعون ان النائب مرزوق الغانم يصير وزير التجاره

واذا صار تتوقعون يتعدل السوق ؟

نبي رايكم

آفا عليك أهو اتعدل بس ... ماراح اشوف اللون الأحمر ابد


وشكرا لكم .




ــــــــــــــــــــــــــــــــــــــــــــــــــــــــــــــــــــــــــــ

ونبيها خمس

 

[knpcMAA]

السلام عليكم ..



ايقولون دكتوره رولا الدشــــــــــــــتي



والله اعلم ..

 

[البواردي]

الاب بالغرفخ والولد بالوزاره

ما يصييييييييييييييييييييييييييير

 

[hindkwt]

الاب بالغرفخ والولد بالوزاره

ما يصييييييييييييييييييييييييييير

ولاتنسى الأم بالجامعة

 

[stillhamad]

اخواني تتوقعون ان النائب مرزوق الغانم يصير وزير التجاره

واذا صار تتوقعون يتعدل السوق ؟

نبي رايكم

وليش يعدل السوق وشحقه .. دفعة بلا ولا غلطان بحقكم ويبي يراضيكم ولا طالب القرب ولا مسووين فيه معروف قبل ويبي يرده ولا كاسرين خاطره ولا ناذر نذر أذا دش الوزاره يرفع السوق .. وأخرا وليس أخيرا هل بالفعل أصلاح السوق هو بيد وزير التجاره وهل أقامة المشاريع الأسكانيه وأيواء الناس هي بيد وزير الأسكان وهل أقامة المشاريع الصحيه هي بيد وزير الصحه .. أن أقصي ما يستطيعه الوزير في الكويت ويمون عليه هو نقل أو أنتداب موظف ..

.. هل يمون الوزير علي شيء ؟؟

التجارب من السنوات الماضيه تقول لا وألف لا ... ما هم سوي موظفين بدرجة وزراء ليس أكثر .. ولا يملكون حلا ولا عقدا .. ومن يقل غير ذلك فأنما يضحك علي نفسه ..

الله يلوم اللي يلومك يا أخي عبيد من كثر الخساير في السوق الناس قامت تراهن علي أي شيء ..


علي العموم شكرا علي طرح هالموضوع اللي خلانا نشوف الأخت هند من جديد

شلونج أخت هند وشخبارج .. شخبار الصناديج ؟؟

 

[بورصراتي]

الغانم رافض انه يصير وزير

 

[مستثمر اسلامي]

التجاره مايصلحها الا الحميدي

 

[Moshaks_777]

مرزوق الغانم ،، الرجل المناسب في المكان المناسب

 

[marine_q8]

اخواني تتوقعون ان النائب مرزوق الغانم يصير وزير التجاره

واذا صار تتوقعون يتعدل السوق ؟

نبي رايكم

راح يكون غير دستورى لأن المادة 131 من الدستور تقول

لا يجوز للوزير أثناء توليه الوزارة أن يلي أي وظيفة عامة أخرى أو أن يزاول، ولو بطريق غير مباشر، مهنة حرة أو عملا صناعيا أو تجاريا أو ماليا. كما لا يجوز لـه أن يسهم في التزامات تعقدها الحكومة أو المؤسسات العامة، أو أن يجمع بين الوزارة والعضوية في مجلس إدارة أي شركة.ولا يجوز لـه خلال تلك المدة كذلك أن يشتري أو يستأجر مالا من أموال الدولة ولو بطريق المزاد العلني، أو أن يؤجرها أو يبيعها شيئا من أمواله أو يقايضها عليه.


والأخ مرزوق رئيس مجلس ادارة بوبيان وغير ملكيته الغير مباشرة لبعض الأسهم

 

[bu-abdullaziz]

اتمنى مدير البورصة الركيبى يصير وزير التجارة....

 

[المعوشرجي79]

آفا عليك أهو اتعدل بس ... ماراح اشوف اللون الأحمر ابد


وشكرا لكم .


شقاعد تقول يا بو خمس
اصلا الحرامية ما يحبون انسان نظيف يمسك هالمنصب .

 

[Bo Tasneem]

مرزوق الغانم ،، الرجل المناسب في المكان المناسب

ياجماعة توّه على هالمنصب اشفيكم .. لحمه طري اخواني !!

وإللي لحمه طري لو يغلط أقل غلطة مايعدوله أي حساب وسييييييييده استجواب ربعنا الله يهداهم !!

يبيله الحميدي أو الحميضي أو اسماعيل الشطي صراحة ..

مرزوق يبيله 4سنين بالمجلس يشوف الدنيا فيها وبعدين يالله يمسك وزاره .. من نادي الكويت تبونه وزير يا أخي بالعقل مايصير ..

ولاّ أهو والنعم بس يبيله يشوف المجلس اشوي وبعدين يرزونه أحسن .. رأينا لا أكثر ..


بوتسنيم​

 

[FOCUS]

آفا عليك أهو اتعدل بس ... ماراح اشوف اللون الأحمر ابد


وشكرا لكم .


شقاعد تقول يا بو خمس
اصلا الحرامية ما يحبون انسان نظيف يمسك هالمنصب .

اى والله كلامك عدل المعوشرجي


آنا فكرت قلت الريال واصل من الصوبين الأبو والأم ... إي صح ماترهم




ماقول إلا ............................


ـــــــــــــــــــــــــــــــــــــــــــــــــــــــــــــــــــــــــــــــــــــ

نبيها خمس

 

[fhdtur]

الحميدي فعلا خوش وزير

إضافةً لكلام الأخوة بوتسنيم و مستثمر إسلامي .. أقول بأن كلامهم هو عين الصواب و إن وزارة مثل التجارة أو الأشغال و الإسكان أو وزارة الدولة لشؤون مجلس الأمة و الوزراء يبيلها وزير مخلص مثل بدر الحميدي .. شخص خايف الله و مخلص و يحب الكويت و لا يحابي لأحد ..الله يكثر من أمثاله لمصلحة بلدنا الغالي

 

[hassan_abu3eed]

سؤال ليش امريكا الرئيس مايصير يقعد بالحكم اكثر من دورتين (8) سنوات ؟

الجواب : علشان يعطون سداح فرصه :d