انا رفعت الراية البيضاء

RAKAN tm

عضو نشط
التسجيل
27 فبراير 2006
المشاركات
92
خساير وري خساير وتقلبات فجائية واخبار علي كيفهم ولوبي يهودي يرقص العالم...مليت اعصاب ما ميش تعبني هالسوق...والمصيبة انه ماني طماع كل مره اطلب عشر نقاط يعكس معاي من ثلاثين الي ستين نقطة عكس العملية اللي داشها....تنطر خبر ويطلع سيء فتتوقع النزول..وتتفاجأ انه ما اثر بالسوق...والاخبار التافه تلاقيها اعفست حالنا الله يغربلهم....بالبداية كان طموحي الحصول علي 250 نقطة وتصاعد الي 350 نقطة والحين وصل 1500 نقطة...علشان اعوض خسايري
ادري بيقول واحد لازم اتدش دورات ويكون عندك خبرة
دشيت بدال الدورة خمس ثلاث منها تحليل فني
وقعدنا بالديمو لين انكسرت ظهورنا من القعدة
ومافي كتاب الا وقريناه من بداية الشموع اليابانية الي المؤشرات
ومنتديات وتوصيات واشتراكات ودشيناها وشاركنا وهم مافي فايده
هالسوق ماله حل..الكل يبي يلعب فيك وياخذ حصته منك
فهل من حل؟
 

FoReXpHiL

موقوف
التسجيل
13 أبريل 2006
المشاركات
22
الإقامة
الكويت
:) الله يعينك

اسمع اخوي...انا مثلك و مازلت لاكن حالتي تتحسن يوم بعد يوم:D

والله موضوع ال10 نقاط كنت افكر فيه مثلك....خصوصا بعد ما الأستاذ الوافي قالي على المسنجر خل اهدافك 10 نقاط كبدايه..انا قعدت افكر فيها شلون اخذ ال10 نقاط!! طبعا بالبدايه مسوي روحي خبير و قلت الباوند حركته قويه فوين ما افتح الصفقه اظمن ال10 نقاط لا و من غير ستوب...و النتيجه بعدها بشوي اشوف الخساره 50 و بعض الاحيان 100 نقطه:D و هذا اكبر غلط..ال10 نقاط سهله لاكن مع ابسط و اظمن الامور و اهي نقاط الدعم و المقاومه...

خذ مني النصيحه هاذي و افتح الديمو و اشتغل على نقاط الدعم و المقاومه و الستوب لوز خله فوق المقاومه او تحت الدعم و مايكون بحجم الهدف طبعا يعني 1:2 تمام..عندك جدول استاذ تايبان مثلاً في اكثر من 10 ازواج مع نقاط الدعم و المقاومه سوله برنت و حطه يمك و كل ساعه تعال شوف اي زوج واقف عند دعم او مقاومه مع نظره على الطاير للاخبار..شفت اليورو دولار مثلا واقف عند دعم و مافي اخبار تأثر على اليورو او الدولار تقوم تفتح صفقه لونق و الستوب لوز تحت الدعم و تروح تنام طبعا مع الاخذ بعين الاعتبار تصفح المنتديات و تشوف وجهات النظر بس لا تخليها تأثر برايك زياده عن اللزوم...جربها شهر على الديمو


و خذ الامور بسلاسه و لا تسوي لروحك قلق...شفت مافي فرصه روح نام روح السينما روح افتر على البحر...مو شرط كل يوم كل يوم



:cool:و شوف النتيجه اذا مو 80 نقطه باليوم لك مني اطلق الباوند:D

و سامحنه على الطواله
 

ralraja11

عضو محترف
التسجيل
29 يناير 2005
المشاركات
2,736
صراحة مثل ما قال اخوي اللي قبلي:rolleyes:

انا شخصيا الى الان ديمو ولا عندي نية احول الا بعد ما احقق مستوى مقبول

لكن رايي خلك على الين في الديمو فترة تراه سهل وحركته خفيفة

تحياتي
 

khalid592

عضو نشط
التسجيل
2 مايو 2005
المشاركات
701
الإقامة
kuwait
انا اشوف افضل طريقه للتجاره بالعملات انك تضع خطه لاداره رأس المال ..

ليش ؟ لانك انت تتعامل مع مارجن خيالي فلازم تتقيد ..

والشي الثاني لازم انت تنتظر الفرص تأتي اليك .. كيف يتم ذلك ؟ من خلال الباترن على الشارت وافضل طريقه بنظري الدخول من مستويات دعم ومقاومه على الفريمات الكبيره ..
 

باقي^تحبني

عضو نشط
التسجيل
6 يوليو 2006
المشاركات
120
السلام عليكم ورحمة الله وبركاته

نصيحه اخويه اذا ما زلت في مرحلة اكتشاف الفوركس وتعلم مبادئه لا تغامر بمالك . اذا عندك حساب فعلي في أحد الشركات فاتبع توصيات المحترفين على الاقل تجني ارباحا وتكلفك القليل من الخسائر , هذا السوق يحتاج لمعارك تدوم خمس سنوات حتى تصبح محترف فيه ذو صولة وجوله , نظرا لعدم وجود الوقت الكافي لدي للدخول ساحاول الدخول يوميا الساعه الثامنه والنصف صباحا وترك توصيات ارجو ان تدر عليك ارباحا ولا تنسى بان هناك اياما سيئه يجب ان تتقبلها لو لم يحالفك الحظ في توصية ما. فلا تعتقد بان محترف الفوركس يخرج من كل المعارك رابحا فلا بد من الخساره

اخوك باقي تحبني
 

999

عضو نشط
التسجيل
4 يناير 2006
المشاركات
40
الواحد يدرس 4 إلى 5 سنوات بعدها يحصل راتب بـــ 1800_ 2200 دولار

بعد 4 أو 5 طيب الفوركس أعطيه تعليم صح بإقل من 4 سنوات تحصل على خير
 

باقي^تحبني

عضو نشط
التسجيل
6 يوليو 2006
المشاركات
120
حاولت اكثر من مره أضيف موضوع وما يسمح لي النظام أرجو المساعده من قبل المشرفين.
 

أبو أنفال

موقوف
التسجيل
21 أبريل 2006
المشاركات
341
ممكن افيدك اذا تسمح

انا دخلت المنتديات المهتمه بالعملات ووجدت شي عادي بنظر البعض
وحتى انا كان بنظري عادي جدا هو عباره عن مؤشر يقولك اشتر سل او باي
المهم حفظت المؤشر ونسيته لكن بعد فتره مشيت عليه اذا قالي سل او باي بسرعه من غير تفكير أشتري
وحققلي الي ماتصورته ابدا انه ينجح دايما لكن مرات بسيطه جدا يخطأ لكن اذا عطاك عطاك فعلا ومن غيرالصبر ماراح تتحقق شي يالغالي


اهم شي الصبر اذا ماتصبر فافظل شي تسويه انك تتعلم الصبر قبل المظاربه الحقيقيه


وشكرا لك ..............
 

أختك همذان

عضو نشط
التسجيل
18 مايو 2006
المشاركات
17
أخي أبو أنفال مساء الخير:
هل تستطيع إرفاق المؤشر اللي ماشي عليه للتجربة إذا أمكن؟



أختك (همذان)
 

shy

عضو جديد
التسجيل
28 مارس 2006
المشاركات
6
الاخوان كفوا و وفوا انشاء الله

بس لا تنسى الاستوب لوز ترى مهمه جداُ

من كلامك تقول ثلاثين وستين

على فكره قبل لا اكتب ظرب معاي استوب لوز 25 نقطه لو مافي ستوب ممكن اعاند واخليه الله العالم لي وين بيوديني وعسى الله يرزقك انشاء الله
 
أعلى