السوق لامريكي واللغة الانجليزيه

[bo_walid]

هل أستطيع التداول في السوق لامريكي ولاكنى لا أعرف شي باللغة الانقليزيه بالعربي ماعرف افرق بين الدي والبي ) هل يعني يعيقني مثلا او باجر اتوهق نبي رايكم

 

[FreeTrader]

تعلم وتدرب وما اعتقد راح يعيقك شي
بالتدريب او متابعه السوق راح تعرف نفسك اذا تقدر تستمر او لا
لا تجازف وبس

 

[wasmi_6]

مهم جدا اللغه

انا احسن منك شوي وكثر الخساير تعلمنا من هالسوق مع قليل من الصبر

 

[bo_walid]

مو المشكله اهنيه القمنده لازم نغامر على شان نتعلم الناس تغامر على شان تربح وانا العكس والمشكله ماعرف عن السوق وله شي حتى اسامي الشركات وحتى لو اعرفها مادري شنو وظيفتها بسبت اللغه جان احد من الاخوان يوصيني على جم شركه ومن هشغلات جان زين قبل لانغامر

 

[قانوني]

قبل لا تغامر اذا ما تملك ادوات السوق من لغة و طرق معرفه اسامي الشركات و نشاطها و بياناتها الماليه و تحليلاتها الفنيه و الأخبار .. فنصيحه اخويه دش دورات و تعلم و تدرب حتى لو بمحفظه وهميه .. و تالي توكل على الله اذا حسيت انك تمكنت من الموضوع ..
حتى لو تاخذ وقت طويل في التعلم و الدورات و سؤال اهل الخبره و الاختصاص و تعرف التوصيه الجيده من التوصيه السيئه ..مو مشكله السوق موجود و الفرص كل يوم .. لكن اذا دشيت و انت مو متمكن فخسارتك تكون شبه اكيده ..
اخذ وقتك و دش دورات متخصصه .. و تعلم اللغه او الكلمات المهمه و طرق ترجمتها بالانترنت ..و ان شاء الله يوفقك بالربح بالشركات الحلال و تكسب الرزق الطيب

 

[well off to be]

بالتوفيق ان شاء الله

السلام عليكم ,

طبعا اخواني الي قلبي ردو عليك , ما قصرو , و ما عليهم من زود , بس ودي اقول لك شي , اللغة الانجليزية شي مهم اذا تبي ادش السوق الامريكي, هذا شي طبيعي , الطريقة الوحيد هي عن طريق التدريب و "الممارسة" بس هذا راح ياخذ فترة طويلة , بس الفكرة انك تحاول تتعلم طريقة البيع و الشراء و الاشياء الاساسية التي تمكنك من التداول بعدين مع الوقت راح تتعلم ان شاء الله , يعني موجد عنك اشلون تفتح حساب مع اكثر من شركة و كيفية البيع و الشراء ,
, ثانيا , عندك ها المنتدى الاكثر من رائع , حاول ادور في المواضيع الي تخص المبتدئين "على فكرة تراني مبتدى نفسك"  , فيها الشي الكثير الي تحتاج تتعلمة , و اذا سالت سؤال , اتاكد انك بتحصل من يرد عليك , بصراحة يعجز اللسان عن شكرا الاخوان على مساعدتهم .

على فكرة كتاب الدكتور فهد الحويماني "المال و الاستثمار في الاسواق المالية" بالعربي و كلش مفيد حق المبتدئين يعني مثلي و مثلك  , انا للحين ما كملتة , بس مفيد صراحة , شكر للدكتور على الجهد الواضح في الكتاب .

اذا بغيت كتب لها علااقة بالانجليزي , التوصية علي ,
بالنسبة حق الاسهم , اخوك يحتاج من ينصحة بتوصية  ,

و بالتوفيق لنا و لك و لجميع الاخوان ان شاء الله.

تحياتي
WeLL oFF tO bE