ياشباب أنصدمت من قانون التقاعد .. من متى هذا ؟؟!!

[knm]

2038

فيه مذنب هالي بهالوقت

 

[الصريح والصحيح]

لو تنظر وتدقق عدل با التأمينات وقانونها تقول يلغونها أفضل للبلد وللعباد

لن الشئون الاجتماعيه والعمل أبرك منها وهي اللتي تتحمل مأسي العباد والتأمينات تحلب الدوله حلاب وتستثمر بأسهم وشركات الأسياد ؟

يجب ألغاء التامينات أو ألغاء الشئون الاجتماعيه

وبكل صراحه التأمينات نهيبه با النظام اللتي تتبعه الان

 

[BO-MUBARAK]

حول لوزارة الداخلية وتتقاعد بعد 20 سنه خدمة فقط العسكريين لان بعد الخدمة هذي صلاحيتهم تنتهي من المآسي والضغط

 

[الشجرة]

يعطيكم العافية ...
عندي سؤال ... يصير الواحد يشتري سنوات ؟
يعني لو باجي له 3 سنين على التقاعد ويبي يتقاعد الحين .. يدفع لهم الفلوس اللي كان راح يدفعها لهم خلال هالسنين الثلاث ويعطونه تقاعد؟

 

[بوسالم]

السلام عليكم

الموضوع جدا ممتاز

من يحاسب التامينات ومن يستطيع ارجاع حقوق الموظفين

الموظف يخصم منه نسبة شهريا عن الراتب الاساسى والعلاوات الاجتماعية وعلاوة الاولاد والعلاوات الاخرى بمعنى عن الراتب كاملا شامل الخصم التكميلى

1- عند التقاعد يحاسب الموظف فقط عن الراتب الاساسى والاجتماعية والاولاد فقط ويخصم منه كذلك نسبة تقارب 25% ، وين راحت النسبة المدفوعة والتى تخصم شهريا من راتبك عن جميع العلاوات والتكميلى ايضا ، يقولك تحسب فقط التكميلى بحسبة خاصة وهى لاتطلع الا مبلغ بسيط جدا بالدنانير ، واذا طلبت من الموظفة حسبتها لك تقولك ما اعرف لها حسبة ، وتنحسب بالادارة وليس عندى ، وكثير من الموظفين علاواتهم اكثر او تعادل راتبهم الاساسى واجتماعية والاطفال ------------> فعلى اى اساس قانونى تاخذ التامينات الاجتماعية نسبة عن العلاوات شهريا ولا تحسبها لك عند التقاعد ؟
2- كلما زاد بك العمر اولادك سيشغلون او يتزوجون بمعنى لو بحسبة بسيطة بنتك تزوجت 18 سنه عمرها وولدك اشتغل وعمرة 22 سنة وهذا اذا توظف بسرعة وبنتك يالها نصيبها بسرعة تخصم 50 دينار من راتبك عن كل طفل ولا تحاسب عليه عند التقاعد --------> وين راحت النسبة التى كنت تدفعها طية 18 او 22 سنه للتامينات على اى اساس قانونى لا تحسب ؟ اين حق الموظف ؟
3- بعد عمر طويل وتوفى الموظف بعد تقاعده تقوم التامينات الاجتماعية بتقسيم راتبه على زوجاته واولادة ، اذا كان عمره كبير يعنى اولادة اما كبار او اقراب من العمر الذى ياهلهم على الوظيفة او اذا بنت من الزواج وكذلك زوجاتهم اكبار بالسن والقريب من العمر ال ربك ياخذ امانه بعد عمر طويل انشاء للكل ----------> فعلى اي اساس تخصم راتب التامينات الذى يعد كورث من والدهم لهم من تحصيل عمره له ومن بعدة لعياله كامل ، اذا اشتقل واحد منهم او تزوجت البنت او توفت الزوجة ( الارملة ) يفترض يوزع نصيب الشخص الذى اشتغل او البنت التى تزوجت او الارملة التى توفت على باقى الاسرة ولكن مع اسف يروح فى جيب التامينات ويستمر الخصم الى ان يشتغل الجميع وتتزوج البنات خصم واحد تلو الاخر الى ان يتم خصم المبلغ بالكامل وين راح ؟؟؟؟

4- اذا شخص كان يخصم من راتبة طيل فترة عمله وتزوجوا بناته واشتغلوا اولادة قبل ان يتقاعد حسب ما ذكرت اعلاه وعند تقاعده ما بقى الا زوجته واحدة يعطونها فقط 50% من الراتب المتبقى بعد ما يخصمون 25% من الراتب يعنى اذا راتبه 1000 مخصوم منه العلاوات يخصمون منه 25 % يتبقى 750 دينار يعطونها 50% اى 350 دينار -------> وين راحت الباقى ؟
اين حقوق الموظف ؟ الا يعد من الارث ؟ وبعد وفات الارملة يخصم بالكامل


اخوانى قانون التامينات غير واضح للعامه وتنصدم وقت ما تروح تسال وتستفسر .

1-اين حق الموظف بعد تقاعده اليس من حقة ومن حق اولادة وزوجاته ، يفترض ان تحسب المدة التى عمل بها الموظف والتى كان يدفع عليها تامين شهرى والمدة التى دفعوا لاولادة وارامله والفرق بدل ان يرجع الى التامينات تصرف كورث لولادة دفعة واحدة وتقسم عليهم بعد زواجهم او اشتغالهم بوظيفة ناهيك عن لزوم احتساب بالحسبة البدلات ولا يقتصر التامينات على الراتب الاساسى والاجتماعية والاولاد فقط وحفنه من الدنانير على التكميلى

3- يفترض ان لا يوجد حد اقصى للراتب المتقاعدين والذى لا يزيد عن 1250 وال راتبة كان يتقاضى اكثر بكثير ، فلماذا ادفع لشئ ما راح احصل منه عائد

بارك الله فيك اخوي عادل كلامك مضبوط حصل حق ناس اعرفهم مثل ما تفضلت بالضبط ,,,, لازم في محاسبة

الحين لو في أحد حل عليه قانون التقاعد
يعني لازم يتقاعد ،، ليش ما يقلعونه من مكانه غصب؟
ليش اغراءات وزيادات وفلوس عشان المحروس المعجعج بالكرسي يتشرف ويتقاعد؟

متى تصير عندنا سياسه غصبن عليك بتتقاعد

يعني خدم 30 سنه وصك عمره مليون ومكوش على كل شي
وبالنهايه الكرسي صار بحسبة ولده!! مايبي يعطيه احد!!

ياخي لو دامت لغيرك ما اتصلت اليك
شمعنا بالكويت نخليها لومسكته لا تهده؟؟؟

وحتى الناس الي طفشت من هالسياسه حكروهم بقانون ماصخ!!

اخوي Winchester
الظاهر الكرسي له طعم

 

[ليث متواضع]

يعطيكم العافية ...
عندي سؤال ... يصير الواحد يشتري سنوات ؟
يعني لو باجي له 3 سنين على التقاعد ويبي يتقاعد الحين .. يدفع لهم الفلوس اللي كان راح يدفعها لهم خلال هالسنين الثلاث ويعطونه تقاعد؟

تقدر تشتري بس أفضل تراجعهم وتأخذ الرد الأكيد وتخلص موضوعك

 

[الخاطر11]

راييي إذا فيه عضو من الاعضاء البصامه
نكلمهم دام الخير كثير ,,,, يثيرون الموضوع لعل وعسى
يمكن يردون قانون التأمينات القديمه
ومن باجر مقدمين على التقاعد
على شان نفتح الجال للدماء الجديده

 

[مضارب شجاع]

راييي إذا فيه عضو من الاعضاء البصامه
نكلمهم دام الخير كثير ,,,, يثيرون الموضوع لعل وعسى
يمكن يردون قانون التأمينات القديمه
ومن باجر مقدمين على التقاعد
على شان نفتح الجال للدماء الجديده

ما يقدرون الاعضاء البصامه يتكلمون فى هذا الموضوع !! تدري ليش ؟
الانهم قبضوا ثمن سكوتهم وموافقتهم على هذا القانون الظالم !
ولكن فعلا يجب ان نطلب من الاعضاء الغير بصامين والمنشغلين فى امور ما تخص المواطنيين
وكل يوم يجتمعون فى دوانية واسطبل وما ادرى وين
نبيهم يطالبون فى نقاش هذا القرار الصادر منت مجلس الامه ويرجعون القانون القديم اوعلى الاقل تكون فيه عدالة بين الموظفين
الان فيه قرارات غير عادله مثل من ولد فى سنة 1965 يتقاعد قبل مواليد 1966 بست سنوات وهذا ظلم على هذه الفئة ويجب ان تأخذ حقها
ولكن المشكلة ان اعضاء مجلس الامه عميان ولا يعرفون ان الطريق واكثرهم مشغولين فى جمع الثروات والعقارات والمزارع والشاليهات والمناقصات وتوظيف الاهل والازواج والاولاد والاخوان فى مناصب مختارين المناطق على حساب المواطنين

 

[سهمك اخضر]

ما يقدرون الاعضاء البصامه يتكلمون فى هذا الموضوع !! تدري ليش ؟
الانهم قبضوا ثمن سكوتهم وموافقتهم على هذا القانون الظالم !
ولكن فعلا يجب ان نطلب من الاعضاء الغير بصامين والمنشغلين فى امور ما تخص المواطنيين
وكل يوم يجتمعون فى دوانية واسطبل وما ادرى وين
نبيهم يطالبون فى نقاش هذا القرار الصادر منت مجلس الامه ويرجعون القانون القديم اوعلى الاقل تكون فيه عدالة بين الموظفين
الان فيه قرارات غير عادله مثل من ولد فى سنة 1965 يتقاعد قبل مواليد 1966 بست سنوات وهذا ظلم على هذه الفئة ويجب ان تأخذ حقها
ولكن المشكلة ان اعضاء مجلس الامه عميان ولا يعرفون ان الطريق واكثرهم مشغولين فى جمع الثروات والعقارات والمزارع والشاليهات والمناقصات وتوظيف الاهل والازواج والاولاد والاخوان فى مناصب مختارين المناطق على حساب المواطنين

بس تبي اجادل وبس

اشوه اني مو عضو بتمويل الخليج ولا بمجلس الامه

ولا عضو بجمعيه سلوى

 

[bo7mdQ8]

يعطيكم العافية ...
عندي سؤال ... يصير الواحد يشتري سنوات ؟
يعني لو باجي له 3 سنين على التقاعد ويبي يتقاعد الحين .. يدفع لهم الفلوس اللي كان راح يدفعها لهم خلال هالسنين الثلاث ويعطونه تقاعد؟

للرفع عندي نفس الاستفسار ؟

 

[الراقي]

هذا القانون في البداية كان نقمة على الكويتين ولكن الان اصبح نعمة وسبب فرق الراتب الكبير بين الموظف والمتقاعد
خصوصأ لوظائف الفنية اللي تميز بكثرت البدلات
الموظف يقدر يقعد اكثر من ٣٠ سنة ومايقدرون يطلعونة بسبب ارتباط التقاعد مع العمر ٥٥سنة

 

[longinvestor]

افضل شي الواحد يشتغل 15 سنة ، ياخذ مكافاة تقاعد بعدين يعيد قيدة
اول شي يستانس بالفلوس واوه صغير و الدينار "يسوى"

ثاني شي ما يخلي سنين من عمرة تضيع

شبي براتب تقاعدي كبير وانا عمري 60؟!

 

[السعد محمد]

المفروض يكون فيه .... مدد اعتبارية 5 سنوات تخفيض من الجدول

بحيث يدخل مواليدما قبل 70 من ضمن القانون القديم ... وبعد 5 سنوات يدخل مواليد ما قبل 75 كذلك ثم مواليد ما قبل 80 . ثم مواليد من تعين قبل القانون .

وهذة افضل طريقة لانصاف الذين تعينوا قبل القانون

 

[bo7mdQ8]

يعطيكم العافية على الردود

طيب لو كان مثلا ٢٠ سنه خدمة بالقطاع المدني وليس العسكري وقدم استقالته ماهي الحقوق ؟

 

[السعد محمد]

يعطيكم العافية على الردود

طيب لو كان مثلا ٢٠ سنه خدمة بالقطاع المدني وليس العسكري وقدم استقالته ماهي الحقوق ؟

ياخذ مكافاة تقاعد .. لمدة 12 شهر وبعد 12 شهر ياخذ جميع المبالغ اللي دفعها للتامينات دفعه واحدة ولها حسبة معينة ( وهذا اختياري طبعا ) .

ولكن ... لو لا سمح الله وتوفى بعد تقديم الاستقالة لا يستحق الورثة راتب تقاعدي ولكن لو توفى قبل الاستقالة فان الروثة يستحقون راتب تقاعدي
واذا توظف مرة اخرى بعد الاستقالة ... امامه خياران
اذا حب يضيف خدمتة السابقة .. يدفع اشتراك مضاعف للتامينات وبمبلغ اعلى من الذي قام بصرفة
او يبدا من جديد بدون اي خدمة سابقة واذا كمل 55 سنة يستحق راتب تقاعدي بشرط الخدمة تتجاوز 15 سنة

 

[longinvestor]

ياخذ مكافاة تقاعد .. لمدة 12 شهر وبعد 12 شهر ياخذ جميع المبالغ اللي دفعها للتامينات دفعه واحدة ولها حسبة معينة ( وهذا اختياري طبعا ) .

ولكن ... لو لا سمح الله وتوفى بعد تقديم الاستقالة لا يستحق الورثة راتب تقاعدي ولكن لو توفى قبل الاستقالة فان الروثة يستحقون راتب تقاعدي
واذا توظف مرة اخرى بعد الاستقالة ... امامه خياران
اذا حب يضيف خدمتة السابقة .. يدفع اشتراك مضاعف للتامينات وبمبلغ اعلى من الذي قام بصرفة
او يبدا من جديد بدون اي خدمة سابقة واذا كمل 55 سنة يستحق راتب تقاعدي بشرط الخدمة تتجاوز 15 سنة

كلام 100%

ومثل ما ذكرت اشتغل 15 سنة ، تقاعد واخذ مبلغ محترم تستانس فيه , و رد قيدك بالتامينات وتقاعد عند عمر 55 او 60 واذا واسطة 65

لان يقولون الحياه بدون عمل كئيبة

 

[السعد محمد]

ودائما وابدا ... اسأل التامينات لوجود تفاصيل قد تغير في الموضوع تختلف من شخص لاخر

 

[السور]

شخبار الرجعان ؟؟؟
عسي بس المعازيب راضين عنه

 

[longinvestor]

شخبار الرجعان ؟؟؟
عسي بس المعازيب راضين عنه

محكمة الكويت ما رضت تعطيه حق التصرف باملاكه و عقاراته بالكويت وفلوسه بالبنوك و فلوس زوجتة و ابنائة

الحين هو بلندن يسرح و يمرح بالفلوس الباجية

يدخن سجارة وره سجارة . تهقون مقهور؟

 

[bo7mdQ8]

ياخذ مكافاة تقاعد .. لمدة 12 شهر وبعد 12 شهر ياخذ جميع المبالغ اللي دفعها للتامينات دفعه واحدة ولها حسبة معينة ( وهذا اختياري طبعا ) .

تسلم على لرد لكم ممكن توضيح ماعليك أمر ؟

هل المقصود الراتب مضروب في ١٢ ؟ وهل تشملها مكافاه نهاية الخدمة ام هي واحدة فقط ؟
ومالمقصود وبعد 12 شهر ياخذ جميع المبالغ اللي دفعها للتامينات دفعه واحدة ولها حسبة معينة ( وهذا اختياري طبعا )

هل ينتظر ١٢ شهر ؟