الصفوة ام الثمار؟؟؟

[NBK]

اذا اقروا حقول الشمال ابشر بسعدك بالنسبه للصفوة وانا اتوقع يوافقون على حقول الشمال في هذه الدورة وبعدها اتوقع لسعر سهم الصفوة بتاريخ 31\12\2007 فوق الــ 700 على اقل تقدير .
لان اصلا زياده راس المال ما زادوه الا لهذا الغرض بالذات وجاك العلم . والله اعلم

معقول هذا الكلام

صحيححححححححححححححححح​

 

[مساعد الجارد]

السلام عليكم

العزيز طير شلوة

ما علاقة الصفوة بحقول الشمال ؟


دمت بخير

 

[Dzlee]

اخوى بوعبدالله انا مااختلف مع الاخوان والكل له وجهه نظر ومن ناحيتى دامك بتستثمر طويل الامد اخذ وانت مرتاح ومالك شغل بكلام احد لانك ماخذ بسعر زين نزول اكثر من جذى مااعتقد يعنى اذا على كلام الاخوان بعد سنه يعنى شهر 12-2007 تاريخ مبالغ فيه حيل يوصل 130 ليش وشلون ححدو السعر مادرى بس هم انت ربحان 28 فلس اذا الصفوه:>
بينى وبينك للاستثمار الثنتين زينين

 

[خالد الشمري]

مجرد راي

يا اخواني

لو اي شخص عادي ولا له دراية ولا علم بالسوق سال هذا السؤال فهو يقصد بالنهاية انه يبي يحط فلوسة بشركة وبعد مدة يبيعهم برح جيد

وكل هذا بغض النظر عن نشاطات الشركة او ارباحها ان كانت تشغيلية او غير تشغيلية ولكن الي يهم هذا الشخص سهر السهم نفسه

فبالتالي الوالد يبي يشتري الصفوة او الثمار من باب ان اسعارهم رخيصة جدا وما عنده مشكلة ينتظر سنه او اكثر حتى فهل ممكن نلاقي سعر الصفوة بعد سنه كاملة 200 فلس ؟؟؟؟ او الثمار 200 فلس ؟؟؟؟ اعتقد اذا وصلوا هذي الاسعار ففعلا الاسهم هذي تستحق الاستثمار

واذا في اسباب واضحة الى ان اسهم هالشركتين ما تصعد ممكن تفيدونا يا اخوان

يزاكم الله خير


اخوكم


بو عبدالله

بوعبدالله انا افضل سهم ادنك اول شي شركه اسلاميه ولها مشاريع ومربوطه بشركة الدار وارباحها تشغيليه مجرد راي

 

[Nagooshy]

مبروووك بوعبدالله

على ما اعتقد نجحت بأختيار السهم المثالي للاستثمار

 

[مضارب شجاع]

سهم الثمار هو سهم دمار ما فيه خير
قبل كم شعر نزل سعره الى 110 فلس
وماله امان وممسوك من قبل ملاكه ويتلاعبون فى السهم يعنى مثل الصندوق الاستثمارى ماله شئ معين فى التعملات

 

[باش مهندس]

بوعبدالله

شباب عن الاحراج لحد يسألني عن الاسهم الغير شرعية

حسب بيت التمويل ... السهم مو شرعي

 

[مضارب شجاع]

بوعبدالله



حسب بيت التمويل ... السهم مو شرعي

نعم بو عبد الله كلامك صحيح سهم مو شرعى الثمار

 

[الوافى44]

الصفوه سهم اسلامى وسوف يوصل اسعار لم تطرى على بال احد باذن الله

 

[*بو عبدالله*]

شباب فقط للعلم

هالموضوع من شهر 7 عام 2006 واخونا نقوشي رفع الموضوع

من جذي تحسبوني سالت عنه الحين مع العلم انه كان شرعي في وقت سابق

عطلة نهاية اسبوع سعيدة

 

[الاسمنت الابيض]

بوعبدالله حاليا ايهما افضل الصفوه ام السياحيه وفقا للتوزيعه والسعر

 

[المانع]

بوعبدالله اشرايك بسهم صكوك ينفع للاستثمار

 

[*بو عبدالله*]

والله مادري يا شباب ايهم افضل

الصفوة

السياحية

صكوك

صافتك

كلهم اسعارهم رخيصة كما يقال

لكن لا بد من تحليل اساسي لهذي الاسهم حتى نعرف ايها افضل للاستثمار

لكني اشوف المستثمر للمدد الطويلة من سنه وطالع ما اظن انها تخسرة على اسعارها هذي والله اعلم


بالتوفيق

 

[بو عبدالمحسن]

شباب فقط للعلم

هالموضوع من شهر 7 عام 2006 واخونا نقوشي رفع الموضوع

من جذي تحسبوني سالت عنه الحين مع العلم انه كان شرعي في وقت سابق

عطلة نهاية اسبوع سعيدة

والله من دشيت شفت التاريخ علطول لأن استغربت إنك انت تسأل

 

[*بو عبدالله*]

والله من دشيت شفت التاريخ علطول لأن استغربت إنك انت تسأل

هههههه



هلا بو عبدالمحسن

ليش يا اخوي تر عادي كلنا نستفيد من بعض والله في امور كثيرة الواحد يتعلمها من الاخوة الموجودين هني وانا شخصيا ما فقه بكل شي ولو تدقق الاغلبية افضل مني بكثير بس ليش ان مشاركاتي زايدة بس

بالتوفيق ان شاء الله

 

[بو عبدالمحسن]

أنا توني جديد بالمنتدى ومواليد هالشهر
بس كنت متابع للمنتدى تقريباً ثلاث أشهر ، وكنت أشوفك تحط توصيات وأعضاء واجد تسألك
ولا مره شفتك تسأل إلا هالمره عشان جذي استغربت