سؤال : متى افضل فرصه للشراء ؟

Q8 Stock

مشرف
طاقم الإدارة
التسجيل
12 يونيو 2005
المشاركات
25,895
الإقامة
Q8
السلام عليكم

اكيد جميعنا نبحث على افضل فرصه لشراء الاسهم
لتحقيق افضل عائد من الربح
وهذه الفرصه لابد ان تتوفر بشكل يومي
لانه حركة البورصه في الصعود والنزول
لا تعكس ان جميع الاسهم فوق او جميعها اسفل
هناك حركة متعاكس لبعض وبعض
وغير الاسهم الخامله التي تتحرك من فتره وفتره
وهي تعتبر من الفرص :)
لكن ما يدور في ذهني هو
متى نقول انه السهم هذا فرصه ؟
ماهو الاعتماد الذي نقوم عليه بشراء السهم
لتحقيق العائد الجيد ؟

بنظرتي الخاصه والمتواضعه
اعتمد من بعد الله - سبحانه وتعالي
على التحليل الفني في عملية الشراء
سواء بقراءة الشارت او متابعة سجل الاوامر والصفقات
لانها راح تفيدني كثيرا
صحيح هنالك ربح وايضا هنالك خساره
ولتحقيق الربح لابد من التعرض الى صفعات الخساره
بالطريقه السابقة استطعت اعوض جزء كبير من الخساره
ولكن تعلمة امر Stop Loss قلل خسائري

هذي طريقه من الطرق التي استخدمها في عملية الشراء


الموضوع عام للكل
علشان الاستفاده من خبرات الاخوان

كل واحد يكتب طريقته بعملية الشراء التي يعتبرها فرصه
وهل تحقق منها الربح او الخساره

خلونا انفكر بكتابه مقروئه :) <<<< كاني غيرت المثل ؟؟؟ :D :D

والله يوفق الجميع
 

white soul

عضو نشط
التسجيل
6 ديسمبر 2005
المشاركات
1,213

انا عن نفسي لي اكثر من طريقه

1_مراقبة التداول وسجل الاوامر واذا حسيت ان السهم خلصو من تجميعه وراح يتحرك ادخل معاهم

2_التركيز على سهم معين ومعرفة نطاقه السعري يعني مثلا صناعات متحده قبل فتره كان سعره يترواح بين 285_305 عرفت نطاقه السعري اشتري عالدعم وابيع عالمقاوه

3_مراقبة اسهم صارلها فتره تنزل واول ما ترتد احاول اني ادخل معاهم نفس الصفاة صج انه طافني بس كان سعره فرصة ارتد يوم الاحد من سعر 206 واليوم سعره 232 ...الحين اتوقع لصكوك ارتداد حلو :)

.........................................................

الحين الي يقرى الحجي يقول ما تعطيني شوي من شطارتك

والله العظيم الخساير ذابحتني اخذ منهم 500 ياخذون مني الف :(

الحمدلله عالصحه والعافيه

حبيت اشارك معاكم لعل وعسى افيدكم

2_​
 

المهذب جداً

عضو مميز
التسجيل
28 مارس 2004
المشاركات
3,017
الإقامة
مانشستر يونايتد
.


بعد عيد الفطر المبارك إن شاء الله



.
 

sayer

عضو نشط
التسجيل
6 أكتوبر 2005
المشاركات
2,513
المهذب جداً قال:
.


بعد عيد الفطر المبارك إن شاء الله



.


بعد العيد!!!! شنو العيدية :D
 

Director

عضو نشط
التسجيل
21 مارس 2006
المشاركات
1,501
الإقامة
الكويت
السلاح الذهبي للشراء

اخوي العزيز ..
عندي طريقة مختلفة للشراء والبيع
بعد متابعة سهم وتحليله (( اساسي اهم شي ))
ادش المنتدى عندي لسته بنكات تطبيل بس محترفة
من يتحجون على سهم على طوووول عكسهم
والحمدالله الطريقة ناجحة يا تطلع ربح او ماكو خسارة

ليش اعتمد على هالطريقة .. ؟؟
اشوف اخوي اللي قاعد يطبل لا يمكن بيوم يتعدل
تلقاه طوووول حياته جذي

ليش ما اعتمد على الصادقين ؟؟

لانهم يخفون الواحد منهم اذا قلب على الشباب
تلقى خسارة الواحد تحت 50 % اقل شي هذا
ف أسلم شي ابعد عنهم مع انه فيهم خير وبركة

وبس وللعلم هذا احسن طريقة من دشيت
السوق بس تتعب واااااااااااايد .. :)
 

الراقي

بوعبدالله
التسجيل
3 ديسمبر 2004
المشاركات
18,012
الإقامة
بيتنا
2% ربح وافرك والحمدلله ربح قليل دايم احسن من ربح اكبير منقطع
 

Q8 Stock

مشرف
طاقم الإدارة
التسجيل
12 يونيو 2005
المشاركات
25,895
الإقامة
Q8
الراقي قال:
2% ربح وافرك والحمدلله ربح قليل دايم احسن من ربح اكبير منقطع

الاخوان ماقصروا حطوا طريقتهم
طيب شلون تعرف انك بتحقق 2%
او السهم اللي شريته شدراك انه بيرتفع ؟
هذا القصد اخوي الراقي
نبي نعرف دراستك على اي اساس :)
 

الراقي

بوعبدالله
التسجيل
3 ديسمبر 2004
المشاركات
18,012
الإقامة
بيتنا
Q8 Stock قال:
الاخوان ماقصروا حطوا طريقتهم
طيب شلون تعرف انك بتحقق 2%
او السهم اللي شريته شدراك انه بيرتفع ؟
هذا القصد اخوي الراقي
نبي نعرف دراستك على اي اساس :)
مايبيلة من يوم ماتعلمنا من الحبيب بوريم التحليل الفني وانا ماشي على ابصط شئ في التحليل الدعم والمقاومة وستوب لوز ياحلو اللوز:)
 
أعلى