النائب عبدالواحد العوضي يدعو الميسورين إلى تخصيص جزء من المنحة للشعب اللبناني

العوضي يدعو المواطنين الميسورين إلى تخصيص جزء من المنحة لمساعدة «الشعب اللبناني المنكوب»
أهاب النائب عبد الواحد العوضي «بميسوري الحال وعموم المواطنين الراغبين في مساعدة الشعب اللبناني» تخصيص جزء من المنحة الأميرية التي سيحصلون عليها، والبالغة 200 دينار لكل مواطن، «لمصلحة هذا الشعب الشقيق والمنكوب جراء العدوان الإسرائيلي المتواصل منذ أكثر من 15 يوماً»,
وأكد العوضي في تصريح أمس ان «أهل الكويت جبلوا على فعل الخير ومساعدة المحتاجين والمتضررين من الحروب والكوارث الطبيعية».

 

ما يجيبها الا رجالها
سلمت يا عبد الواحد العوضي
مبادرة طيبة ،،، من رجل طيب​

 

اولا السعب اللبناني يستاهل كل الخير
و شعب طيب

بس احب ان اوضح
هذه منحه من الامير الى الشعب الكويتي .
فقط

شغل الطراره اللي رايح يسونه هل اليومين من العوضي و الجمعيات الخيريه علشان يشفطون المنحه.

و بعدين الحكومه الكويتيه ما رايح تقصر مع الحكومه اللبنانيه و لاالشعب اللبناني.
و كفايه قبل يومين 20مليون
و الخير ياي


فرجاء الى السيد العوضي ان تشوف اهل الكويت في ناس محتاجه و عن الحركات القومجيه اللي مالها داعي.


عن نفسي انا منحتي و عيالي بعطيهم ناس بالكويت افج ضيقتهم و اونسهم برمضان.​

 

قرار المنحة الأميرية مطول شوي يمكن برمضان
المهم المبدأ
الى الان ما سمعنا عن جهة تجمع تبرعات لمتضرري لبنان
الناس لبعضها ،، وكل واحد على راحته
وأهل الكويت معروفين بالكرم والطيبة وأول ناس يفزون للمساعدة​

 

من فرج عن مسلم كربة من كرب الدنيا فرج الله عنه كربة من كرب يوم القيامة​

 

كلامك 100%

وخل عنك هالسوالف يبي يتجمل على حساب الشعب الكويتي وجدام ابناء

دائرته يا اخي انت لو تتنازل عن وحده من هالعروض اللي قاعده تحوشك ولا المناقصات تصدق انك بتسكر الجزء من مبلغ المنحه اللي اتكلم عنها

انا اقول العبها على غيرنا

 

اقول ترى الاعضاء صدقم نفسهم وسوها سالفه 00كلها 200 دك ونتبرع بجزء منها بعد 000انا عني نفسي انشالله بتبرع ب 500 دك للبنان وبلا 200 مالتكم

 

ياجماعه النواب عبالهم المنحه 2000 دينار مو 200 دينار

 

خل يتبرع اهو وغيره من النواب واولهم الخرافي بيسدون عن كل الدول العربية وليش ما يجبر الحريري واللي اهو مليونير انه يتبرع لبلده

مالقوا غيرنا نتبرع بروحنا نناشب نبي نطيح القروض هالمرة كلها ميتين وناشبونا فيها
صج مايستحون

 

إذا طيحو قرضي أنا مستعد آخذ قرض وأتبرع فيه حقهم

 

حبيت اذكر المعلومه فقط

اغنى امراه صغيره بالعالم هي ابنه الحريري في هذا العام .
----------------------
سين سؤال:-
لماذا منحه 200 دينار يطلبها اعضاء مجلس الامه؟
جيم جواب: يتحدث اعضاء مجلس الامه بان المواطنيين عليهم ثقل في المعيشه ونرى ان 200 دينار حل مؤقت لمدة اسبوعين لهم ويسكتون عن اي متطلبات اخرى ويشكروننا اعضاء المجلس ومنها ضربنا عصفورين بحجر واحد رضاء الحكومه بالسكوت عن اي مشروع او قرار يفيد المواطن ومنها كسب المواطن.
---------------------
تعليق :-
انا استغرب من بعض الاعضاء والناس الاخرى :- هل يعتقدون ان المواطن الكويتي مغفل الي الدرجه !!!!!!!! ولايعلمون ان الكويت هي منزل واحد مكون من غرف متصله في بعضها ونشوف ونسمع كل شيء.!!!!!!!!

 

فرجاء الى السيد العوضي ان تشوف اهل الكويت في ناس محتاجه و عن الحركات القومجيه اللي مالها داعي.



حركات قومجية.

 

ورثة الحريري .... تقريبا

الإبنة ............ 1.7 مليار دولار
الأبناء ........... 3.4 مليار دولار ..... لكل واحد ( للذكر مثل حظ الأنثيين )
الزوجة ......... أعتقد أكثر من الكل

ملاحظة :
- لو أقرضوني 200 ألف دولار لمدة سنة
- راح أتبرع بقيمة 5% للشعب اللبناني
- وبعد سنة أردهم ال 200 ألف دولار + نسبة أرباح لاتقل عن 10%
- وإذا أعطوني أكثر أزيد نسبة الأرباح

 

مع أحترامي للعضو العوضي أقوله أستررررررررررررررررريح شوي بس الاوله انك أنت وغيرك من الميسورين الحال يتبرعون مو حاط دوبك ودوب الشعب الكويتي بعيد شغل الطراره بطل منه وتبي تصير بطل قوي علي حساب الشعب الكويتي لا لا وترة ريحتك فايحه بالمنطقه الي انت عضو فيها
وأقول الله يستر علينا من الغزو القادم منك ومن نوعيتك بالمجلس
يالحبييييييييييييب

 

انا اللي باط جبدي ان الاعضاء الخمة مصدقين انهم ضحكو على الشعب الكويتي بالميتين مالتهم 00جلسة استثنائية 00وحملة من العوضي للتوقيع على الحضور لاقرارها 00شدعوه ترى اهل الكويت شايفين خير و هالميتين زين يرضى فيها السايق البنغالي اللي عندك راتب له000 ندري مستعجل حق المناقصات بالملايين وتبي تنومنا بالميتين

 

العوضى هذا والله موعارف شلون يلمع صورته بس أقولك

إستريح أحسلك

 

صباح الخير

أنا أقول خل إنشوفهم يصير خير

والله يوفقكم ويوفقنا يارب

 

قبل لانستلم المنحه طارت

 

على فكره النائب العوضي مليونير وتاجر قبل لايصير نائب ولامره سمعت عنه انه يتبرع ولا حتى يزكي الزكاة الواجبة من هالملايين الي عنده اراهنكم انه حتى اهو ماراح يتبرع بهالميتين

 

أولا وهو الأهم


شلونج اختي هند و شلون الحموله ؟؟؟

//////////////////


ثانيا


مالكم كيف تحكمون ؟؟؟


ليش ما تتبرعون يا أخوان .. ليش .. شنو السبب .. شنو القضيه ..

يا أهل الكويت لم لا تجعلون من أمير البلاد الشيخ صباح حفظه الله وطول عمره أسوة حسنة لكم فبه تقتدون وعلي هديه تسيرون .. ..

ليش ما تقتدون فيه .. أفلا تتذكرون حينما تبرع حفظه الله هو وعياله هم حفظهم الله بالميتين دينار المنحه علي أيام الشيخ جابر حق وزارة الأوقاف .. وهالشي مو من عندي ولا أشاعه .. هالكلام حقيقي وكل الناس درت فيه و صرح به الشيخ صباح حفظه الله في الصحافه ..


ليش ما تصيرون نفس أميركم .. وتتبرعون .. ليش .. ليش .. قولولي ليش .. تكفون ليش .. ليش .. علموني ليش .. ليش .. فهموني ليش ... نوروني ليش .. ليش .. وضحولي ليش .. ليش .. ليش .. ليش


شهالبخل