2500 سهم لكل مواطن بمشاريع حيوية كبديل لإسقاط القروض

[طير شلوة]

بشرط تعويض الاشخاص الذين
ماعندهم قروض بنسبه تتوافق مع حجم اسقاط القروض

ليش بالله يعطونهم شنو ذنب اللي مقترض هم بعد يبون عداله . لا لا كافي اسقاط القروض وبس بدون لايعطون احد .الاجيال القادمه وين تروح .

 

[kh1976]

انا ارى مافيه مانع من اسقاط القروض بشرط تعويض الاشخاص الذين
ماعندهم قروض بنسبه تتوافق مع حجم اسقاط القروض وهذا حتى تكون فيه
عداله ومساواه وبرايي ان من يخالف هذا المقترح اما ان يكون اناني او طماع
وانشاء الله جميعنا كرماء ولايوجد بيننا طماع[/quote]


انا معاك بو عبدالله حتى تكون عداله

 

[العوضى]

ليش بالله يعطونهم شنو ذنب اللي مقترض هم بعد يبون عداله . لا لا كافي اسقاط القروض وبس بدون لايعطون احد .الاجيال القادمه وين تروح .

يخليك ربى , انا أفضل يسقطون القروض , المشكله كلما فاضت الميزانيه , راحت على اعمار لبنان ؟

 

[بوحسن]

اسقاط الديون مافيها عداله ..هالشي اكيد

بس زيادة الرواتب انا اؤؤيدها

بس الي باط جبدي في واحد وقف وقفه عنتر مع زيادة رواتب مدرسين الجامعه والدكاتره هناك وزادوهم قريب ال 750 دينار .. وما قال اثر هذه الزياده وين ولا قال شلون بتاثر على الاسعار

بس ليم بيزيد 50 دينار للموظفين .. قال خل ندرس ونشوف اثر هالزياده

صج ناس ما تستحي

... الديره بوق والبوق زايد اكثر من قبل ..وقاعد يزيد ومو قاعد يقل
منهم لتعويض خسائر الانتخابات وخسائر البورصه وحتى الخسائر الشخصيه في بعض المشاريع .
..وفي ناس تقول خل نلحق لان الاوضاع بالمنطقه ما تبشر بخير !!!!
وفي ناس متعوده تبوق وايدها تحكها

وحتى بالشركات العاديه والكبيره .. مو ملحقين من كثر ما المدراء طايحين بوق فيهم ..

على كثر الخير ... السوال هني .. ليش نبوق
والله الحرام ياكل الحلال .. الفلوس الحرام ان ما لقت مثلها فلوس حلال تاكلها بتاكل من حلال ربك عليك مثل الصحه والعيال والاهل

الله يتمم على الجميع بالخير والسلامه وحسن العاقبه ..ونبي الخمسين واسعار البنزين نبيها ترخص ..ومانبي اسقاط قروض لان ان طاحت القروض انا بنفسي بروح اقترض مره ثانيه وثالثه ... شسوي تعودت اعيش مديون

 

[طير شلوة]

يخليك ربى , انا أفضل يسقطون القروض , المشكله كلما فاضت الميزانيه , راحت على اعمار لبنان ؟

انا شنو قلت ؟!! انا معاك اصلا على طول الخط وودي بعد يقرون الـ 50 دينار . شوف يوم المدرسين الوافدين تظاهروا على طول زادوهم بدون دراسه ولاهم يحزنون صج حكومه تخاف ماتختشيش .

 

[العالم]

السلام عليكم

كل مواطن 1000 دينا افضل وفيه عداله

ورددو ياليل مطولك

 

[ولدهم]

اتمنى عدم ربط مصير المديونين الكويتيين بالديون العراقيه
واتمنى ان تكون المطالبه باسقاط القروض مالها علاقه بالديون العراقيه
لاننا هنا نطلب المساواة مع العراق ونحن لانقبل مساواة احد معنا
وخاصة في مدخرات بلدنا

يامعود ياليييييييييييييييييييييييتهم يربطون مصيرنا بالعراقيين ويعادلونا فيهم علشان يطيحون قروضنا مثلهم


يااخى حكومتنا دفعت لبعض ضحايا الارهاب فى العراق وكأنها هى اللى ذبحتهم

عاشت سياسة السجاد الإيرانى​

 

[sadsa]

أنا مطلوب أقساط سياره وأقساط تورق ب عشرة ألاف دينار
شنو الاشكال أو المشكله اذا عطونى كاش عشرة ألاف دينار
وخليت القسط أدفعه شهري
----------------
يا أخوان اسقاط الاقساط يعنى يعطون البنوك قيمة القروض اللى على المواطنين كاش ويرجع المواطن بلا أقساط
بس البنوك ما راح تخليه راح تجر المواطن عبر اغراءاتها الى الدين مره أخرى

 

[bu3teeg72]

الكل اخذ القرض بكامل قواه العقلية
شنو ذنب اللي ماعليهم قروض وحارمين انفسهم من امور كثيره لأنهم تجنبو القروض
كل واحد ماخذ قرض يقولنا وين صرف هالقرض
سيارة كشخه-سفر-اثاث كل سنة-خرابيط وحجي فاضي

كلامك 100% لا واللي بطيحون القرض عنه ثاني يوم رايح ماخذ له قرض ثاني غيره..

بو طبيع مايخلي طبعه

 

[نجم الراية]

بصراحة
وللاسف ديرتنا ديرة حسسسسسسسسد
الفقير حاسد الغني علي املاكة
والغني حاسد الفقي علي اسقاط ديونة
الصناديق وصناع السوق حاسدين الناس علي تعويض وترجيع راس مالهم
ومتوهقين مايبون يرفعون السوق الابالاقفالات والميزانيات والتصريف
اولا وليس اخيرا/
يكفي ان الحكومة تطيح الفوائد علي المواطنين للبنوك والي هي اصلا
42% من الدين
فكرة الشركات واسهم منحة مانبي ومجاس ادارات وخربطة مجربينها
يبون اسهم نعطيهم نبي شي ملموس ومباشر وواضح
اسقاط ديون مانبي بس لاتطيح اي سنت علي الدول والحيتان
ولا توزع اراضي البلد
الي يبي ارض يتقدم ويدفع قيمتها السوقية للدولة والله يوفجة
افتح فروع للبنوك الخارجية لوقف نهب البنوك للمواطنين والبقاء للافضل
افتح المناقصات للجميع بدون شروط تعجيزية ونفذ واخذ افلوسك
افتح مادة واحدة اقامة علي عمل حر علي وزارة الشئون رسمها 1000 دينار
بالسنة تروح للدولة توقف تجارة الاقامات
شد علي الشركات والزمها بالشفافية
------------
العدل اساس الحكم نبي العدل بس
وعلي فكرة اسقاط القروض ماتمنع البنة التحتية وغيرها بس منو ينفذ
البنية التحتية مدرسة دور واحد تكلف 10 مليون دينار كويتي
مسخرررررررة
ذزوهم لندن 400 طفل لمدة عشر سنين احسن اقل شي يطلون مايحسدون

 

[dcnaq]

انا ابي قرض علشان اغطي قرضي

احسن شي

ابي سيارة كل سته اشهر
ابي لاب توب كل شهر
ابي اتزوج كل اربع سنيين واطلق كل اريع سنيين مرة
ابي يزيدون بدل اطفال من 50 الى 550
ابي اسافر كل ثلاث اشهر مرة
ابي انام في البيت شهر رمضان
ابي شاليه ومزرعة وبيت في الضاحية
وابي عالج في بريطانيا لاي وعكة صحية
عيالي في مدارس اجنية وتصرف لهم بدل لغة اجنبية
ابي بدل ملابس ماركات وايضا ساعة ماركة كل يوم
ابي اكل احسن رز واحسن لحم عربي واحسن دجاج وروبيان محلي
وشيم وسبيطي وزبيدي طوال الاسبوع
ابي تلفزيون بلازما من دم اسرائيلي
وابي اشرب عصير كوكتيل في جز المادلديف سابقا
وابي اتريج كله باجة ( كراعين ) من محل بجانب راعي الفحم بالديرة مع خبز ايراني
ابي ......اشرب ماي من احسن منابع تركيا او مياه مثلجة صناعة اليابان

طبعا انا مو طماع ما راح اقول ابي اتزوج ملكة جمال بوتوريكو

ابي شاي رد ليبل
وكونوا مطمئنيين لا اسقاط للقروض ولا راح نرتاح من الديون وصدقوني ما راح تصينا عين الحسود

وبس قولوا الحمد الله احنا كوييتيين واشكروا على النعمة الي انتوا فيها وبس

 

[ibrahimi]

انتو واللة امعورين راسكم من صجكم هذى الحكومة يطلع منها فلس يبة اشترولكم اسهم في شركاتهم افيد لانها راح تاكل العقود الي بالدولة وخل اشوف واحد ايبطل حلجة