تقرير خسائر متداول للاثنى عشر شهر السابقة(موثقة) ...

[baselko]

شالسالفه الكل خسران عيل منو ربح من هالسوق التعبان

 

[ابو رغوده]

شالسالفه الكل خسران عيل منو ربح من هالسوق التعبان

اتوقع انا ربحان للحين اللي شاري جيزان .0.305 ورايكم ابيع مادام الخساره 18% او انطر

 

[أحمد بورصة]

داش على مدار اب سعر فوق الدينار

و الحين اهيه اب 330 فلس :d

 

[انور النقوشي]

شباب يمدحون اسهم شركه الكلينكس الوطنيه
يقولون عليها مبيعات وايد و الارباح غير نمونه


من كثر الخسرانيين



الله كريم​

 

[rafat222]

الله يعوض عليكم وعلى الجميع

 

[نجم الراية]

رحال
صدقني يقولون اصعب صداقة يكونها الانسان مع نفسة

اهنيك علي الصراحة والمقارنة

احنا كلنا بالهوا سو نربح 200 ونفس الدقيقة خسرانين الف ومستانسين

بس هذا سوق صبر
اصبر وامسك السهم ولا تخلي خسارتك محققة

شوف للمشاركة بالاسية
كان عندي شركة ومحلات دخل شبة ثابت من 3000 الي 3500 شهريا

صفيتها عشان ادخل السوق

اذرب يعني


المحصلة النهائية 120 الف سهم جيزان بس
لا وخسارة 14 مليون 6/2006
شرايكك
سوقنا اصلة وطالع من سوق جت مكرم القاري
وتجار شاروليين ولا حلال ولا حرام يعرفون عدا 2
وحكومة شوفت عينكم
وشرقنا بوشهر وشمالنا الصدر
وزارة تجارة ضايعة
وغرفة مجيرة
ومركزي يتابع ويراقب بنوك بالمليارات وشركات وميزانيات وطلبات الدولة المالية موظفينة اقل من 300 اللي يفهم فيهم مقدم اجل
ياعمي

صلوا علي النبي
شركات بالملايين ماترد تلفوناتهم للسؤال عن شي يخص الشركة ضايعين


ما يرد الا البنوك عشان القروض والخصومات

 

[المضاربه فن]

أقدر اقولك ان اليوم تقريبا خسرة 95% من راس مالي
ويمكن باكر توصل 100% أذا ما راحت الكميه الي عرضتها في المجموعه
والي راح اصفا عليه هو المنحه فقط
والله يعوض علي وعلي الاخوان ويعطي كل واحد علي قد نيته​

 

[samsamia]

يا جماعه

يا شباب صبحكم الله بالخير

الحال من بعضه الكل خسران والحمد لله ربحان الصحه والعافيه عساها دايمه

المال يروح ويرجع وان شاء الله اليايات اكثر من الرايحات عساهاخير ان شاء الله

باجر ذكرى الغزو الله لا يعيده نستولى على البورصه (نغزيها بمعنى اصح) عل وعسى يطيحون عنا الخساير مثل ما بيسوون لجيرانا

ولا اقتراح ثانى،،،

يمكن الله يحب يسمع صوتنا ليش ما كلنا ندعى رب العالمين تنزاح الغمه ويرتفع سوقنا شهر كامل نطلع خسايرنا ونزيدها بالارباح ان شاء الله

العيب فينا ساكتين ومنصدمين وكل واحد منا يفرغ اعصابه بطريقه او اخرى الا الطريقه الصحيحه ...

نشتكى لله من الظلام فى ليله ظلمه والله سميع الدعاء يورينا فيهم بلاعين البيزه وينصرنا عليهم ويزيدنا ويزيدهم بس اقل شويه وبدون ما يفلسون العالم



تحياتى لكل الخسرانيين فى مالهم ربحانيين صحتهم ان شاء الله

 

[rafat222]

رابطة المتكسرين سوق الاوراق المالية

 

[بوحسن]

رحالي ماني قايلك انا شلون خسران .. مالي خلق اسولف بشي صار ..عسى الصبر فيه ثواب لي ولك

وادم البلاء بالفلوس فهذا اهون البلاء برايي لانها تتعوض ان الله شاء


و ان دام عندك الصحه وسلامة العقل ... تستطيع دايما تبدي من جديد ..وهذي الدنيا

3 نتائج طلعت منها بالسوق وهو نازل حاليا

1- اشتر سهم سنع حالي من السوق ونام عليه بس اختر التوقيت السليم
2- بيع السهم ليم تشوف التحليل الفني يقول وصل حده بالارتفاع
3- اشتر سهم يديد على اصله وتوه يبي يندرج بالسوق

وعيد الكره مره ثانيه بالخطوات الثلاث ..باذن الله

يالله نعوض بعض الخساير ..والي تخسره بالبورصه باذن الله تعوضه فيها بس يبيله صبر

 

[عصويد]

عليكم بالسوق الامريكي ابرك من البورصه مليون مره هني ضايعه فلوسك وهناك ضايعه فلوسك بس الفرق علي الاقل الامريكي ميزاته وايد ساعات التداول اكثر ماكو عطله الايومين بالاسبوع موكل اشوي عطله عيد رمضان عيد الاضحي عيد وطني عيد راس السنه وراس السنه اذا صارت جمعه عوضوك السبت عطله وامير مسافر وامير مريض وجلس امه مخربها وزير مستجوب بايق جم مليون امير يلقط فقع وانت فلوسك كلاها الخرافي والبدر والبحر .

 

[rahaly]

الاخوان ... سمسمية ... وابو رغوده
رايي مع تجربتي الشخصية مع جيزان (اكثر سهم انضربت فيه بالبورصة) ... البحر عنده حب تغيير المراكز ... والشركات شركاته ... عنده لعبه حلوة جدا ... ينزل السهم في الحضيض ... تشتريه شركته الثانية ... يصعده ... تطلع الشركة الثانية ربحانه ............. وهكذا

اظن ان جيزان له رجعه للصعود .... والحين واصل فوق الصفر بدرجة .... يعني صبروا عليه والله كريم ....



حبيبنا بو حسن ......[/COLOR]
سوقنا ..... مستحيل مستحيل احد يقدر يحلله ..... لو عبقري زمانه ...
بس اللي يقدر على السوق اللي عنده ملايين وما عنده ذمه ... يشتري شقى الصغار المساكين .... بدون تحليل ولا شئ ....

اما نتائجك .... وبما انك معانا بنفس المركب .... اسمحلي بالملاحظة ....

تشتري سهم سنع .... حلو .... مية مية ..... بس المصيبة بالتوقيت السليم ...
(مثال) .... شريت الوطنية العقارية من 1320 - 1130 وبحسب المعطيات انذاك كان التوقيت اسلم من السليم

النتيجة؟
اليوم سعرها 540 !!!!!!


تشتري سهم توه يندرج بالسوق .....
أشتريت من جلوبال .... التعمير 230 فلس اليوم بسلامتك .... النص
اشتريت من جلوبال الوطنية القابضة ... وقالولي انها اليد اليمنى لجلوبال ولها فيها 25%... زيادة راس مال .... 480 اليوم ؟؟
النص

يعني ... ننتظر عشر سنوات على ما نستفيد؟؟

وخذ بالك اشتريتهم في رواج السوق وما حصلت مصلحة اصلا .... والحمدالله بعت بخسارة في بدايات النزول ...

بينما .... بينما ... بينما
اشتريت من جلوبال الامتيازات ب 130 بعت ب 120 نزل اكثر اليوم 330 ++

ليش ؟؟
رئيس الشركة .... زوج مها الغنيم مالت جلوبال









يعني يا بو حسن القصة لها حسابات ثانية


ومع هذا لو تقول أكتتاب ب 105 فلوس .... انا معاك 100% .... لان السهم وين بيروح اقل؟؟؟

(بس لاحظ التجارية العقارية شريناها ب 140 قبل الادراج بعد سنتين بعنا ب 75 ... لان الاسواق انذاك ميته)



والحل ؟؟؟

يا بو حسن عطنا حل غير هالحل ...
(( بدنا نوكل يا زلمة))

 

[rahaly]

رحال
صدقني يقولون اصعب صداقة يكونها الانسان مع نفسة

اهنيك علي الصراحة والمقارنة

احنا كلنا بالهوا سو نربح 200 ونفس الدقيقة خسرانين الف ومستانسين

بس هذا سوق صبر
اصبر وامسك السهم ولا تخلي خسارتك محققة

شوف للمشاركة بالاسية
كان عندي شركة ومحلات دخل شبة ثابت من 3000 الي 3500 شهريا

صفيتها عشان ادخل السوق

اذرب يعني


المحصلة النهائية 120 الف سهم جيزان بس
لا وخسارة 14 مليون 6/2006
شرايكك
سوقنا اصلة وطالع من سوق جت مكرم القاري
وتجار شاروليين ولا حلال ولا حرام يعرفون عدا 2
وحكومة شوفت عينكم
وشرقنا بوشهر وشمالنا الصدر
وزارة تجارة ضايعة
وغرفة مجيرة
ومركزي يتابع ويراقب بنوك بالمليارات وشركات وميزانيات وطلبات الدولة المالية موظفينة اقل من 300 اللي يفهم فيهم مقدم اجل
ياعمي

صلوا علي النبي
شركات بالملايين ماترد تلفوناتهم للسؤال عن شي يخص الشركة ضايعين


ما يرد الا البنوك عشان القروض والخصومات

يا الراية .... ودي ودي ما ابتسم .... بس مو قادر


لانك الوحيد اللي اقتنعت اني اهون منك .......

3000-3500 شهريا ..... يعني عمارة قيمتها 750 - 800 الف .....

عموما .... كلنا بالهم سواء ..... الله يعوضك ويرزقك ويبعد عنك الهوامير وبلاويهم ..... يا زميلنا الزوري ....





فكرة ......

ليش ما نؤسس اتحاد ((( المدافعين عن حقوق الزوري)))
وندافع عن نفسنا ضد ظلم واستغلال الهوامير ....


بس أكيد يدسولنا عملاء .... هم زوري بس يصيرون معاهم

 

[مراقب فقط]

في البداية مشكور يارحالي على موضوعك الجميل .

انا خسران تقريبا 60% من راس مالي ولكن ولله الحمد الارزاق بيد الله سبحانه وانا راح اصبر الى ان يكتب لنا الله الرزق .

ولكن مو ملاحظين ان في الكويت اللي مايطالب بشي ماياخذ شي ويكفينا مثال شباب نبيها خمس اللي وقفوا الحكومه والمجلس والبلد على رجل وحده الى ان حققو مطلبهم !!!!

 

[المجموعي]

اليوم ... واليوم فقط ... عرفت كيف يمر العمر سدا مع سوق الاسهم... واذا لم تعتبر سوق الاسهم للتسلية وتضييع الوقت فقد خسرت العمر ...والمال .. معا


ما ودي لكم الخسارة .... بس ودي واحد يقولي انه كان اسوء من حالتي عشان احس اني احسن من احد .....




الله يوفقكم ويرزقكم جميعا .......

رحالي عزيزي

الخيره فيما اختاره الله
ولله مااخذ ولله مااعطى
وانت ان شاء الله انسان مؤمن بذلك

خذ عندك
ثلاث اشخاص اعرفهم شخصيا عندهم المخازن من ايام العز الى يومنا هذا
واللي عندهم آجل
وقعدوا يجددون الى ماحل عليهم العقد الاخير وتفصخت عليهم العقود او اهم خلاص ماعندهم يجددون مع اي نزول قادم ف تخلصوا من الاسهم!!!!!او تفصخت عقودهم
الشاهد الخساير تقدر بشيئ وشيات من الدنانير
وطلعوا من المولد بلاحمص والمده دبل مدتك
ناهيك عن القروض اللي تندفع الى المدد اللي بالي بالك
وتبي اكمل
في واحد ماذكرته لك
رابعهم شاف الدعوه ماشيه معاهم بالبدايه
ف دخل السوق
بال70 الف قرض الاسكان +فلوسه الشخصيه
وعينك الان ماتشوف الا النور الان

شووووووووووووف هم غيرك تهون عليك مشكلتك




والله يوفق الجميع لما يحب ويرضى

 

[rahaly]

هلا بالمجموعي ......

ياخوي كلامك يضيق الخلق ... وفعلا الواحد يشوف بلاوي الناس تهون عليه بلاوية ........

الحمدالله بعدنا ندفش .... وممكن نشتري ونبيع بباقي راس المال الخسران ....


الله يعوضنا معاكم جميعا .... بس لازم افكر جديا بقصة اتحاد المتداولين ..... شرط الخسرانين
:d

 

[baselko]

شالسالفه الكل خسران عيل منو ربحان

انا العن اليوم اللي عرفت فيه البورصه بس المشكله صارت ادمان

ماني عارف شلون اطلع .

 

[قاروه]

رحالي حالك ياخوي الحمدلله احسن من ناس وايد غيرك واهم ما في الواحد الصحه والعافيه ولا الفلوس نفس ما راحت ترد وبزياده ان شاء الله .. اسمع هالمأساة

واحد محاري ال 30 (عزوبي) رجل كون نفسه بنفسه عصامي وداش بالسوق والريال ماشاء الله كان شغال ويضارب وآجل( و مأطع السمكه وديلها ) الشاهد ان صاحبنا الله فتحها عليه وماشاء الله شراله بيت من السوق ونوى الزواج بعد ما استقر ماديا , قال خل اخذلي اجل بالشيء الفلاني وهذي بتكون اخر طقه لي بالسوق وعقبها الزواج وبدا السوق بالنزول والريال يقول اليوم نازل باجر يصعد وعلى هالحال لين ما تفصخت عقوده والريال الحين مطلوب والبيت راح ولا زواج ولا هم يحزنون والله يعوض عليه

 

[الخمعلى]

اذا ضاقت فرجت 000000000000000000 فصبرا جميلا والله المستعان

 

[rahaly]

رحالي حالك ياخوي الحمدلله احسن من ناس وايد غيرك واهم ما في الواحد الصحه والعافيه ولا الفلوس نفس ما راحت ترد وبزياده ان شاء الله .. اسمع هالمأساة

واحد محاري ال 30 (عزوبي) رجل كون نفسه بنفسه عصامي وداش بالسوق والريال ماشاء الله كان شغال ويضارب وآجل( و مأطع السمكه وديلها ) الشاهد ان صاحبنا الله فتحها عليه وماشاء الله شراله بيت من السوق ونوى الزواج بعد ما استقر ماديا , قال خل اخذلي اجل بالشيء الفلاني وهذي بتكون اخر طقه لي بالسوق وعقبها الزواج وبدا السوق بالنزول والريال يقول اليوم نازل باجر يصعد وعلى هالحال لين ما تفصخت عقوده والريال الحين مطلوب والبيت راح ولا زواج ولا هم يحزنون والله يعوض عليه

ان لله وانا اليه راجعون ....

فعلا الواحد يحمد الله سبحانه على النعمة والصحة والعافية وكل نعم ربنا علينا .....



بس ياخوي اللي يقهر ان الواحد تعب على ماله وجمعه بتعب وشقى بره السوق ..... عشان يجونك كم واحد مالهم شغل بالذمة ويلعبون بالسوق ويلطشون شقاك !!!

مو لانك ما تفهم .... لان صار عندك ثقة في بلدك ......... وهذي المأساة




تصدق ياخوي يا قاروه ... حاشني سوق المناخ ... وبطلت اسهم كويته واتجهت للامريكي ... وذاك يوم الى 2004 رجعت السوق ... قلت تغير الحال والناس والقوانين .......


الى ان صار اللي تشوفه .......
عرفت ان الطمع والجشع وانعدام الضمير .... ماله شخصية تمثله

والناس هم الناس بس تغيرت الاسماء .,,
واللعبه هي اللعبة ... بس تغيرت الطريقة ....

والخسارة هي الخسارة .... بس صارت اقوى لانها من اللحم الحي....


والحبل على الغارب ......

وااااااه ........... يا بلد