أخوكم جديد على البورصة ... لا تحرموني من ارشاداتكم

الموضوع في 'السوق الكويتي للأوراق الماليه' بواسطة عبدالله العبدلي, بتاريخ ‏31 يوليو 2006.

  1. عبدالله العبدلي

    عبدالله العبدلي عضو جديد

    التسجيل:
    ‏12 مارس 2006
    المشاركات:
    5
    عدد الإعجابات:
    0
    السلام عليكم

    أخوكم جديد على البورصة والأسهم ولو إني متأخر جدا ، بس بهالمنتدى قديم ومتابع بعض المواضيع لكن أكتفي بالقراءة .

    البورصة مادشيتها إلا مرتين

    المرة الأولى كانت العصر جيد أبي أفتح حساب تداول وقالولي شخبارك يامعود فترة العصر من زمان سكرت كانت بسبب الزحمة وألحين مالك إلا الصبح .

    والمرة الثانية كانت الصبح لما فتحت حساب وشفت هالناس المتجمعة وإلي اتابع على شاشات الكمبيوتر وإلي وإلي ..... بسراحة قلت أنا وين ودوخة الراس والظاهر إني دشيت بالغلط ، لكن بسرعة استدركت الوضع وقلت على الأقل أفتح احساب وأنحاش ، وألحين فتحت احساب ومارديت للبورصة لي ألحين .

    اشرايكم أخواني أبي نصايحكم وارشاداتكم وين أروح شسوي أحسن مكتب أتعامل وياه ......إلخ

    مع جزيل الشكر مقدما :)
     
  2. Moshaks_777

    Moshaks_777 موقوف

    التسجيل:
    ‏26 أكتوبر 2005
    المشاركات:
    3,518
    عدد الإعجابات:
    0
    مكان الإقامة:
    الكويت
    وضع البورصه بالوقت الحالي مايطمن
     
  3. عبدالله الشمري

    عبدالله الشمري عضو نشط

    التسجيل:
    ‏29 يونيو 2005
    المشاركات:
    139
    عدد الإعجابات:
    0
    يالعبدلي انحش ترى السوق مخطور

    كثير من ربعك يبى راس ماله​
     
  4. hassan_abu3eed

    hassan_abu3eed عضو نشط

    التسجيل:
    ‏12 مارس 2006
    المشاركات:
    1,831
    عدد الإعجابات:
    25
    مكان الإقامة:
    الكويت
    حياك الله

    وموفق خير

    بس خلك مراقب بالفتره هذه
     
  5. سبع الليل

    سبع الليل موقوف

    التسجيل:
    ‏21 مارس 2006
    المشاركات:
    534
    عدد الإعجابات:
    0
    خذ نصيحه أخوك

    مبروك يالعبدلي.....تدري على سنو؟؟
    أحب أقولك إنك إنت الوحيد الربحان من البورصة في المنتدى ....شلون ربحان؟
    لأنك تملك راس مالك على الأقل.
    انحش بفلوسك (تعبك و شقاك) لاتروح عليك ببلاش و حزتها تقول ياليتني مسافر فيهم و صارفهم ...أو شاري سياره جديدة و مستانس فيها أربع سنين على الأقل .
    تخيل لو معاشك 800دينار و تشتري سهم الحين و ينزل يومين حد أدنى(الأسهم صارلها شهر حد أدنى) بتخسر ال800...يعني تعب و شقى و قعدة الصبح كل يوم و مجابل ويه المدير و صابر عليه لمدة شهر كامل راح بلاش...والله قهر.

    دامك شباب للحين روح و استانس بفلوسك (بالعافية) .
     
  6. المجحم

    المجحم عضو جديد

    التسجيل:
    ‏10 يوليو 2006
    المشاركات:
    123
    عدد الإعجابات:
    0
    السلام عليكم
    اخوي العبدلي
    أذا راس مالك كويس باجر روح للسوق الصبح واطلب المجموعه بـ 510 قبل لا يطير السهم وانتظر عليه جم يوم وبيعه وادعيلي
     
  7. عين السيح

    عين السيح عضو جديد

    التسجيل:
    ‏28 نوفمبر 2005
    المشاركات:
    244
    عدد الإعجابات:
    0
    مكان الإقامة:
    الــكـويــت الحـبـيـبـة
    وعليكم السلام

    حياك الله أخوي العبدلي ,,

    أنا مثلك بعد جديد على البورصة ,, بديت أتداول بشهر واحد بداية السنة ,,

    طبعاً قبلها بثلاث شهور تقريباً ركزت على مطالعة الكتب ودراسة أسرار

    البورصة ,, وأسباب إرتفاع السهم ونزوله ,, وتعلم التحليل الفني ومراقبة

    السوق .

    وبشهر 1 اللي فات رحت للاوسط وفتحت حساب تداول عندهم وبديت

    اشتري وابيع ,, وكانت عندي قواعد حطيتها لنفسي والتزمت فيها .

    القاعدة الأولى : ليس مهم أن أربح بل المهم أني لا أخسر .

    القاعدة الثانية : ربح قليل وعدم الطمع .

    القاعدة الثالثة : عدم الإستعجال بالشراء والسوق به فرص كثيرة لا تنقطع.

    القاعدة الرابعة : عند شراء السهم احدد سعر إذا نزل على السهم للسعر

    المحدد أبيع على طول ولا أتمسك فيه نهائياً .

    طبقت جميع القواعد والتزمت فيها والحمد لله شهرياً أربح مبلغ جيد ولم

    اخسر مالي ,, وهذا من فضل ربي أولاً وآخراً .

    ونصيحة لك تريث ولا تستعجل وعليك بالدراسة والمتابعة ,, ومثل ما قلتلك

    الفرص كثيرة بالسوق ولا تنقطع .

    والله يوفقك ويرزقك رزقاً حلالاً مباركٌ فيه ,, بالتوفيق .



     
  8. ebjad

    ebjad عضو محترف

    التسجيل:
    ‏29 أغسطس 2005
    المشاركات:
    1,543
    عدد الإعجابات:
    2
    مكان الإقامة:
    الكويت
    أحسنت أخوى مبارك ، طبق هذه الطريقه يالعبدلي
     
  9. بوعدول

    بوعدول عضو نشط

    التسجيل:
    ‏22 ديسمبر 2005
    المشاركات:
    927
    عدد الإعجابات:
    14
    مكان الإقامة:
    منتهيه
    اخوي عبدالله العبدلي
    نصيحتي خلك بره السوق وراقب من بعيد
    السوق مايطمن كلللللللللش
    وذا ناوي تشتري اسهم انصحك مو الحين ,,, على بداية شهر 9 احسن
     
  10. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0

    مع كامل أحترامي لشخصك ..

    فكلامك سطحي ولم تأت بجديد ..

    يعني هالنقاط اللي ذكرتها تحصيل حاصل وما توكل خبز


    مثل اللي يقول فيه بالمحيط كنز ... ولا يقولك أي محيط ولا يقولك وين مكان الكنز ولا يقولك الكنز عباره عن شنو وين مكانه وعلي عمق جم وشلون تستخرجه .. ...



    ندري السوق متروس فرص وندري الطمع مو زين في كل شيء وليس فقط بالسوق ..

    وندري أن الحياة بمختلف نواحيها مليئه بالفرص وليست فقط بالسوق .. لكن السؤال هو كيف يعرف الأنسان أن هذه فرصه أم قرصه :D ..

    وندري العجله بالندامه في كل شيء أبتداء من قيادة السياره ألي أتخاذ القرارات ألي الأكل والشرب .. العجله دائم غير محمودة العواقب وليست في السوق وحده ..



    مخلص الحجي

    نصيحه للعبدلي ولوجه الله

    لا تدخل السوق نهائيا وألي أن يبين ألي أين يتجه السوق .. صعودا أم هبوطا ..

    نصيحه لوجه الله .. لا تدش السوق حاليا .. و هالكلام اللي يقوله الحبيب فوق ماخوذ خيره ولو كان يوكل خبز جان ما لقيت أحد خسران ..

    الحجي سهل ..
     
  11. Director

    Director عضو جديد

    التسجيل:
    ‏21 مارس 2006
    المشاركات:
    1,501
    عدد الإعجابات:
    0
    مكان الإقامة:
    الكويت

    اخوي العزيز ..
    صارلي أكثر من سنة اركض ورا راس مالي
    وعمري ما سمعت بواحد ربحان بسنة 2006
    لي الحين على الأقل ..
    نصيحة من اخوي بعد عن السوق بالوقت الحالي

    كلام اخوي بوعدوول ميه بالميه
     
  12. Director

    Director عضو جديد

    التسجيل:
    ‏21 مارس 2006
    المشاركات:
    1,501
    عدد الإعجابات:
    0
    مكان الإقامة:
    الكويت
    اخوي العزيز ..
    كلامك ميه ميه
    وكنت ماشي عليه
    بس لما تشوف راس مالك بيوم واحد بس طار منه
    آلاف الدنانير شلون تقدر تمشي على هالحجي
    المال غالي ومو بسهولة يهون
    وهذا اللي قاعد يضيعنا بس الواحد مايقدر
    اذا الخسارة جايده يسوي ستوب لوز
    والله مو بهالسهولة الكلام غير الفعل
    ومشكور على المشاركة الطيبة