داش داش .. ومافي أذني ماي

[تاجر نت]

أخواني أنا أبي نصيحه منكم .. واتمنى الكل ينصحني ..
أنا عندي مبلغ 16000 ألف .. تحويشة العمر ..
وأبي تنصحوني بسهم تكون 16000×4 هذا أقل شئ ..
وماعندي مشكله أنطر سنه سنتين ثلاث .. اذا الله عطنه عمر
واتمنى ما حد يقولي أحسن لك خل فلوسك عندك ..
أخواني أنا داش داش .. بس انصحوني ..
واحييكم بما أنها مشاركتي الاول

 

[صقرالبحر]

انصحك بان تكون هذي مشاركتك الاولي والاخيره
وخل فلوسك عندك وميطه لبيتكم
حطهم وديعه حق عيالك احسن لك والا

انضم لنادي عوار البطون اللي في المجموعه د

 

[أحمد بورصة]

أنصحك بأن تتبع نصيحة أخوك الصقر

 

[NBK]

احسن شي بالدنيا انك تحط راسك على المخده وتنام
لاتفكير ولا احلام ولا هم يحزنون
وخلك مريح بالك
لاحق على المقثه والحوسه​

 

[stillhamad]

أنا أقول سولك مشروع بهالمبلغ أحسنلك من السوق ودوخة الراس ..

أنا رأي أنك تبني مجمع تجاري أو فندق أضمن وأفضل .

 

[العوضى]

اسمع كلام اخوانك احسن , بس مدام انت مصمم وما بذنك ماى , استخير واشتر ( الصفوه ) سهم راس ماله كبير , وسعره رخيص , وله مستقبل انشاله والله يوفقك

 

[صقرالبحر]

أنا أقول سولك مشروع بهالمبلغ أحسنلك من السوق ودوخة الراس ..

أنا رأي أنك تبني مجمع تجاري أو فندق أضمن وأفضل .

يقولك عنده 16000 وتقوله تبني مجمع تجاري او فندق ؟
دقق بالاصفار شوي

 

[NBK]

أنا أقول سولك مشروع بهالمبلغ أحسنلك من السوق ودوخة الراس ..

أنا رأي أنك تبني مجمع تجاري أو فندق أضمن وأفضل .

حلوووووووووووووووووووووه
منك
يا مشاكس
عنده 16000 مو160000
بس مو الفندق اضمن
تحياتي لك​

 

[stillhamad]

يقولك عنده 16000 وتقوله تبني مجمع تجاري او فندق ؟
دقق بالاصفار شوي

أنا مدقق طال عمرك و أدري أنهم 16000 دينار

ليش بهالهمبلغ ممكن يبني فندق شعبي (( بنسيون )) بحيدر أباد أو مجمع تجاري ثلاث أدوار (( قيصريه )) بمقديشو

 

[أبو عبدالملك]

اسمع كلام اخوانك احسن , بس مدام انت مصمم وما بذنك ماى , استخير واشتر ( الصفوه ) سهم راس ماله كبير , وسعره رخيص , وله مستقبل انشاله والله يوفقك

ابعد عن الشركة اللي راسمالها كبير

هذه نقطة سلبية للشركة و ليست ايجابية خصوصا اذا ماعندها مشاريع توازي رأس مالها

انا اقولك لا تدش على سهم الا و انت متأكد 100% و الا خل السيولة برة افضلك الى ان تلقى خبر 100% هذيج الساعه دش و انت مطمئن

 

[سليمان الضيف]

حلوووووووووووووووووووووه
منك
يا مشاكس
عنده 16000 مو160000
بس مو الفندق اضمن
تحياتي لك​

والله لا 16000 ولا 160000 يشترون له فندق او مجمع تجاري ولا حتى بيت.


اخوي تاجر نت. اهم اسباب الخساره الإستعجال بإتخاذ القرار المؤشرات كلها تقول ان السوق هبوط. يعني اصبر شوي واشتر بعدين بأسعار ارخص. حاليا حتى لو فيه شركات تبي تصعد السوق ما راح يساعدها وراح ينزلها للأسفل. انطر شوي والشباب هني ما يقصرون بيقولون ان السوق تعدل ان شاء الله والسوق دخول لكن مو الحين. هذا رأيي وانت براحتك وعسى الله يكتب لنا ولك الخير والرزق بالحلال

اخوك بومحمد

 

[al7bebe]

علشان الحماس الي فيك انا اقولك

شيء اسمه عربي ابتعد عنه الا الاكتتابات فقط واذا تم ادراج السهم بالبورصه بيعه على طول.
لان البورصات العربيه حساسه جدا من اي اشاعه بثها احد كبار تجار السوق او اخبار خارجيه وجميع الاسهم تتأثر حتى الاسهم التي ليس لها علاقه بالحدث او الاشاعه او الخبر. !!!!!!!!!
ادخل البورصه الامريكيه وضارب على سهم قوقل على الخفيف وعلى المدى القصير تجمع ثروة لم تعتقد انك جمعتها.

 

[boalons]

أخواني أنا أبي نصيحه منكم .. واتمنى الكل ينصحني ..
أنا عندي مبلغ 16000 ألف .. تحويشة العمر ..
وأبي تنصحوني بسهم تكون 16000×4 هذا أقل شئ ..
وماعندي مشكله أنطر سنه سنتين ثلاث .. اذا الله عطنه عمر
واتمنى ما حد يقولي أحسن لك خل فلوسك عندك ..
أخواني أنا داش داش .. بس انصحوني ..
واحييكم بما أنها مشاركتي الاول

اخوي الي يقولك عن سهم يدوبل جداب هالمره اربع !!!

ما انصحك الحين تدخل انطر الاوضاع السياسيه تتعدل شوي افضل

 

[يا باغي الخير]

انا اقول اشتر ارض بمصر ترا هاليومين هابين بالاراضي
وفك نفس عالاقل ما تخسر فلوسك ومتى ما تبي تبيع تلقى احد يشتريها

 

[الراقي]

أنا مدقق طال عمرك و أدري أنهم 16000 دينار

ليش بهالهمبلغ ممكن يبني فندق شعبي (( بنسيون )) بحيدر أباد أو مجمع تجاري ثلاث أدوار (( قيصريه )) بمقديشو

بحيدر اباد لايدش البورصة ارحم

 

[اف16]

عربى قابضه

عربى قابضه تدوبل 3 مرات

 

[سبع الليل]

توصية 100%

أخواني أنا أبي نصيحه منكم .. واتمنى الكل ينصحني ..
أنا عندي مبلغ 16000 ألف .. تحويشة العمر ..
وأبي تنصحوني بسهم تكون 16000×4 هذا أقل شئ ..
وماعندي مشكله أنطر سنه سنتين ثلاث .. اذا الله عطنه عمر
واتمنى ما حد يقولي أحسن لك خل فلوسك عندك ..
أخواني أنا داش داش .. بس انصحوني ..
واحييكم بما أنها مشاركتي الاول

أفا عليك .......أنا بضبطك.
دش على المنتجعات و المجموعة بالي عندك...و خل قلبك جامد

علشان إذا كنت مو مصدق ....راح تقتنع بكلام الشباب فوق إلي يقولون لك لا تدش......(

على هالحركة راح يسموني في مصري (( المصيعاتي))

 

[Director]

اخوي العزيز ..

ماتبي فلوسك يعني مايهمك الخسارة
دش على الشركات التشغيليه ..
وطبعا الاحسن فلوسك بالبنك جذي ما ينقصون

 

[أبو ناصر]

البك رأيي المتواضع.......

اذا تبي تدبل فلووسك اربع مرات...لا تدش البورصه احسن.... لأنه يقولون من طمع طبع.

انا برايي تقسم راس مالك الي اربع اقسام.... وتختار اربع شركات تستثمر فيهم..... ويا كثر الشركات الي واصله اسعارهم الى درجه انه الواحد يتمنى فلوسك عنده. من هذي الشركات:

1- المجموعه الدولبه.... تم توزيع المنحه والسهم حد ادنى ....يعني اذا قدرت الدش على السهم بالتوقيت الصحييييح.... اتوقع راح تدوبل فلوسك.

2-اعيان ....سعرها مناسب للشراء وفيه زياده 20% لراس المال ... يعني اذا تبي تنطر سنه علي استثمارك راح يكون العائد جيد جدا.

3- تمويل خليجي... ايضا سعر جيد للدخول.

4- جيران القابضه... توزيعاتهم النقديه دائما جيده وشركه عندها عقود كثيره وارباحها التشغيليه مناسبه جدا لسعر الشركه الحالي 360 فلس.

5- الشركات ذات الاسعار القريبه من الاكتتاب مثل الصفوه 102 , الثمار 102, عقار , اصول وصل الي 150 فلس وهي شركه راس مالها 33مليون يعني جيده اذا ما قارناها بالصفوه والثمار.

اللي يقولون السوق نازل كلامهم صحيح....بس اتبع الكلام اللي يقول اطلب من تحت وبيع بجم وحده اعلى يعني اذا السعر واصل مثلا اعلى طلب شراء 400 انت اطلب 390 او 380 واذا شريت على طول بيع بربح 10 أو 20 فلس.

هذا رأيي المتواضع اللي متأكد انه في ناس يخالفونه خصوصا بالنسبه للشركات اللي ذكرتها وتقدر تستفيد من اراء الاخوه بخصوص شركات كثيره بالسوق يمكن افضل من الشركات اللي ذكرتها لك.

 

[Moshaks_777]

أخوي أحسن شي تحط فلوسك وديعه بالبنك