ماهي توقعاتكم لسهم مركز سلطان يوم السبت5\8

اخواني مشرفين واعضاء المنتدي الكرام ماهي توقعاتكم لسهم مركز سلطان يوم السبت5\8\2006 مع العلم اني اشتريت السهم بسعر 560 فلس اصبر عليه ولاابيع؟ وهل توقعاتكم انه يرتفع او ينزل؟
ولكم جزيل الشكر

 

اتوقع حتى الساحر ما يقدر قولك اذا بيرتفع السبت

بس انشالله يرتفع علشانك

شكلك وايد متضايق

 

اولا اشكرك اخوي علي سرعة الرد وبالعكس انا وايد متفائل انه بيرتفع الي دينار

 

الله يعطيك العافيه

وانشالله يرتفع

الله يسمع منك

 

ما ادري شنو اقولك .. بس انا كنت متفائل من سنه بالمجموعه الذهبيه . والنتيجه كانت الي الوراء سر .

 

إنشاالله سليطين موبس يرتفع حد أعلى بعد

 

شوف حبيبي اذا الوضع يوم سبت نفس ماعليه الأسبوع الي طاف اذا انا كنت مشتري سلطان 560 راح اعرضه 570 طول الأسبوع لن ينباع ان شاء الله بربح تكه وحده احسن من الخسارة ...لكن؟؟؟؟ الوضع تغير واصبح طيب والله مابيعه لو يموتون

 

يعني اعرضه ب570 وابيع علي هالسعر ولاانطر عليه؟؟؟؟

 

نقول أن شاء الله ولا نقول انشاء الله يتحسن السوق ومعه هذا السهم
يرجى الاجلاع على هذه الوصله للفائده :
http://www.indexsignal.com/vb/showthread.php?t=52349

 

أن شاء الله

 

بصراحه طلعتوا ماعندكم سالفه ولاعندكم خبرة بالسوق بس مهايط والشرهه علي اللي يعتمد علي ارائكم انتوا اللي خربتوا السوق بمهايطكم وماتدرون الله وين قاطكم كاني اشتريت سهم سلطان يوم الثلاثاء اللي فات ب560 وبعته اليوم ب600 فلس وضربت ضربتي ولو اني سامع كلامكم جان ضعت بس الحمدلله اني ماسمعت كلامكم
وانصح اي عضو بالمنتدي ان لايسمع كلام احد من المهايطجيه لانهم ماعندهم سالفه بس مهايطين علي الفاضي

 

الأخ متداول جديد
مبروك على هالربح وعساها دوم
ولكن ما يصير هذا ردك وبهذا العنف !!
غالبا يتم تجاهل لمشاركات اللي تطلب المشوره بالبيع أو الشراء ولكن الأخوان جزاهم الله خير تجاوبوا معاك وكتبوا وعلقوا حسب قناعتهم وللأمانة لم أشاهد مشاركة سلبية تزعلك

عموما أغلب كبار المحلللين محتارين بوضع السوق ككل وموقادرين يعطون تصور للوضع المستقبلي فما بالك بأخوانك الأعضاء المجتهدين ... هذا سوق أموال تطلع من جيب هذا وتدخل بجيب ذاك والوضع الآن مضاربي وحظك الطيب دلك على سهم طيب وواصل للقاع ومنتظر إي لون أخضر حتى يرتفع وحصل هذا معاك ووفقك الله بالقرار الصائب وطلعت ربحان .

أتمنى إنك تراجع نفسك وتعتذر لأخوانك .

 

يا الحبيب ضربت ضربتك وبعته على 600
طلعت انت اللي تهايط يبي يرتفع لي دينار
واخرتها بعت على 600
اقول احمد ربك على الربح
والاخوان اللي نصحوك والله مافيهم واحد قال كلمة غلط
الا انت يابو دينار وين خسران 400 انت الحين
تدري شلون هذا منتدى هياط وكل اللي فيه يهايطون
علشان جذي لا تسأل أحد مرة ثانيه
ولو ما تشارك بعد يكون احسن
والله رفعت ضغطي مع اني ما كنت مشارك بالموضوع
بس اللي انصحوك والله ما يستاهلون الكلام اللي قلته

صج يابو تفاؤل متى الدينار لاتكون انت مهايطي بعد

 

مساء الخير

الاخ/متداول جديد مع احترامي للكل اللي بالمنتدى انت (تايه)او بمعنى اخر انت امدوج او معوكس او ضايع اختار اي وحده فيهم وانا اشوف انهم كلهم فيك وشكرا لجميع المحلليين الموجودين

 

المفروض ادبك واخلاقك يا متداول جديد يخليك ترد رد محترم على الناس اللي كاعده تحلل وتساعد بدون مقابل حتى لو اخطأ احد فيهم مثل ما تقول كان المفروض تحسن النية بالناس ويكون ردك الطف من الرد الي يعكس شخصيتك

 

مثال حي للي اذا ربح ينغر و اذا خسر يبجي..لاحظوا كلامه قبل الربح و بعد الربح

مايجوز يكون ردك بهذا الشكل على اخوانك

ضربت ضربتك!!!! تكفة لا تقولي عندك 5000 سهم

 

عزيزى متداول جديد

انت ربحت مال

ولكن الاهم ان تربح كل شئ

 

الحمدلله انك ربحان شلون لو انك خسران بس من ردك انت ماكان هدفك تسأل عن سهم مركز سلطان انت فيك حقد على المنتدى واعضائه روح الله يكفينا شرك

 

عسى ما شر !! الاخ مضيع شضربته هذه اللي تتكلم عنها !

أقول الله معطيك على قد نيتك .. 40 فلس حلوه على قدك .. ضربتها من قلب .. صراحه صعب اللي سويته .. محد يقدر يضرب اللي ضربته !! واسلوبك يدل على انك واحد راعي ضربات ..

الشره مو عليك الشره على الشبيبه اللي ردوا عليك وكل رد أحلى من الثاني .. ليش كلامك هذا عليهم مادري .. بس امبين عليك منت راعيها

ما تشوف شر ..

 

الله يسامحك