الاولى للوقود اليوم الدمج 12/08/2006

[فارس العنزي]

يا إخوان الشغله بسيطة وجزاهم الله خير الإخوان مو مقصرين ويساعدون وخاصة السيد بو سعود مشرف ، اليوم دمجت وخلصت عندي شهادة بإسمي ووحدة بإسم زوجتي بروح ووحدة بإسم أم زوجتي هم بروح وشهادة بإسم الشايب ( والدي أطال الله في عمرة ) وشهادة بإسم إختي وولدها .
دمجتهم بيوم واحد وخلصت وما طولت ربع ساعة العملية بالكامل من إختي لأبوي من أم زوجتي لي على طول وزوجتي لي على طول العملية سهلة جداً
وسألت المشرف عن لو واحد عنده شهايد بإسم الإخوان شلون يدمجهم ، قالي يحول الأسماء إما للأب أو الأم حتى لو كانوا غير مكتتبين ومن الأب أو الأم لأسمك وبالهطريقة تحول الشهايد من إسم إخوانك لإسمك ، ذكرت هالشغلة يمكن تنفع أحد من الإخوان​

 

[boali]

اخواني الاعزاء الكرام

ايقولون انه الاخوان مو الدرجة الاولى صح :-

اولا : ادمج الكل الاخوان والاخوات باسم الوالد او الوالدة بس انت لا تدمج انت خلك من باجر

ثانيا : اذا كنت تبي تدمج باسمك تقدر اللعب على اللي ايقول الاخوان مو من الدرجه الاولى

اسمحولي القانون كله لعب والثقره موجوده ليش ما اسوي اللي يبونه باللعب ما يبون الناس سيييييييييييييييييييييييييده يبونا نلعب وندور مثلهم

علي فكره حتى عمامي دمجتهم باسمي اشلون باللعب عليهم حولتهم باسم العود ورديتهم باسم الوالد

ما تسمعون الغنية اللي تقول اللعب اللعب يا جوجو اللعب اللعب


هذا اللي صار وياي


ولكم التعليق والاحترام

اخوكم مرعوب بالسوق ​

انزين اعطيك اسهمي واسهم اخواني وتحولهم بأسمك

وبعدين تحولهم كلهم وحتى اسهمك بأسمي

 

[مرعوب بالسوق]

ما عليه اختلاف

انزين اعطيك اسهمي واسهم اخواني وتحولهم بأسمك

وبعدين تحولهم كلهم وحتى اسهمك بأسمي

اخوي العزيز

اطلب طلب اكبر من هذا ما تسوى يا الغالي

تبيهم ما يغلون عليك يا ولد الغالي

اخوك مرعوب بالسوق​

 

[boali]

تسلم حبيبي مرعوب

أدري فيك قدها وقدود

ومشكور على المقتطفات الحلوة

 

[مستشير]

طيب اللي دمجوا الأب والأم باسمه هذا شلون يدمج اخوانه يعني يحول الأول اسهمه باسم الوالد أو الوالده بس في هذه الحاله راح يقولون له مافيه تحويل قبل الادراج !!!!!!!!!!!!!!!!!!!!!!!!!!!!!!!!!!!!!!!!!!

 

[boali]

طيب اللي دمجوا الأب والأم باسمه هذا شلون يدمج اخوانه يعني يحول الأول اسهمه باسم الوالد أو الوالده بس في هذه الحاله راح يقولون له مافيه تحويل قبل الادراج !!!!!!!!!!!!!!!!!!!!!!!!!!!!!!!!!!!!!!!!!!

التحويل بأسم الام مو شرط يكون للام عندها اسهم

عادي يحولهم باسم الام وبالتالي يحولهم بأسمك مره ثانيه

لان الاسهم الاوليين اللي حولتهم باسمك خلاص صارت بأسم شخص واحد

اللي هو انت

وشكرا

 

[سعود222]

اهم شيء متى تندرج في السوق

 

[الجارح]

اهم شيء متى تندرج في السوق

الاخبار تقول بشهر 11 وسعرها لايقل عن 500 فلس ويمكن اكثر اشويه والله اعلم

 

[ebjad]

القانون حدد الاصول والفروع والزوج والزوجه فالاصول الاب والام وما علا والفروع ما نزل وترك المسائل التفصيليه والتنظيمه للقائمين على تنفيذه ، أصدرت ادارة البورصه قرار ادارى لدمج الاسهم فيما يخص الاصول والفروع والزوج والزوجه فقط ولم تسمح لاى صلة قرابة أخرى بالدمج بحجة القضاء على بيع وشراء حق الاكتتاب .
وهي بقرارها هذا تشددت في حق الاكتتاب وأمر الدمج ولم يعترض أحد على ذلك ، فالبركه فيكم يا شباب أضغطوا على النواب حتى يوجهون أسئله لوزير التجاره لايجاد حل سريع وناجع لمثل هذه الامور وسلامتكم

 

[hassan_abu3eed]

اذا بحول اخواني باسم الوالده وبعدين اسمي لازم حضور الوالده

 

[ناصرالدين]

الأخ ناصر الدين
يتم دمج الأخوان باسم الأب أو الأم ثم في اليوم التالي يتم دمج الأب أو الأم بأسمك
ودمتم

جزاكم الله خير

 

[خلك شقردي]

بما ان معظمنا يطيع ماما امريكا و (الدول المتحضرة) فبغيت اذكر اللي يسوون هذي القوانين ان تعرف القريب من الدرجة الاولى حسب القانون هو

A first degree relative is a spouse or common-law spouse, parent, step parent, child, step child, brother, sister, step brother, step sister, grandparent, step grandparent, grandchild, step grandchild, legal guardian, foster parent, father-in-law, mother-in-law, son-in-law, and daughter-in-law​

فليش الحين طبقوا نظام خالف تعرف؟؟

 

[مستشير]

اذا بحول اخواني باسم الوالده وبعدين اسمي لازم حضور الوالده

سؤال مهم جدا المعروف ان الأم والأب درجة اولى واثنينهم قابلين للدمج فهل حضورهم شرط للدمج ؟

 

[فارس العنزي]

سؤال مهم جدا المعروف ان الأم والأب درجة اولى واثنينهم قابلين للدمج فهل حضورهم شرط للدمج ؟

تبي تحضرهم كيفك أو إعتماد توقيع من البنك إللي فيه حسابهم وتمشي المعاملة​

 

[سليمان]

طيب اللي دمجوا الأب والأم باسمه هذا شلون يدمج اخوانه يعني يحول الأول اسهمه باسم الوالد أو الوالده بس في هذه الحاله راح يقولون له مافيه تحويل قبل الادراج !!!!!!!!!!!!!!!!!!!!!!!!!!!!!!!!!!!!!!!!!!

عادي اخوي اتصير توني امسويها ... كل المطلوب منك انك اتحول اخوانك باسم الوالد والمطلوب صور المدنية واقرار تعبيه موجود هناك للي فوق ال 21 سنة وبعد ذلك اتحولهم كلهم لاسمك والمطلوب ارقرار تنازل من الوالد لك واتصدق توقيع الوالد من البنك وهم بعد اطلبوا مني شهادة ميلاد حق اي شخص من اخوانك او شهادة ميلادك

للعلم ترا مافي زحمة في البورصة نهائيا .... انصح الجميع ان يروح الحين يخلص شغله قبل الزحمة ... روح على الساعة 6 المغرب

موفقين ...

 

[aloood]

اخواني فارس العنزي وسليمان مشكورين والله يعطيكم العافية على سعة صدوركم بس علمونا شنو الاوراق الي لازم ناخذها معانا من البداية سواء حقنا اوحق اخوانا او للاب لاني بدمجهم باسم ابوي بعدين باسمي ومابيهم يردوني ...
ويصير ادمج بوبيان مرة وحدة ولابس الاولى ؟
الي عنده معلومات من الاخوان لا يبخل علينا وله الاجر انشالله ...

 

[aloood]

يااخوان اذا الوالد مايقدر يحضر وهو اصلا مو مكتتب شنو يطلبون من اوراق عشان احطهم باسمه ؟

 

[boali]

عادي اخوي اتصير توني امسويها ... كل المطلوب منك انك اتحول اخوانك باسم الوالد والمطلوب صور المدنية واقرار تعبيه موجود هناك للي فوق ال 21 سنة وبعد ذلك اتحولهم كلهم لاسمك والمطلوب ارقرار تنازل من الوالد لك واتصدق توقيع الوالد من البنك وهم بعد اطلبوا مني شهادة ميلاد حق اي شخص من اخوانك او شهادة ميلادك

للعلم ترا مافي زحمة في البورصة نهائيا .... انصح الجميع ان يروح الحين يخلص شغله قبل الزحمة ... روح على الساعة 6 المغرب

موفقين ...

تسلم والله

نعتمد يعني بعد 6

 

[bo-sahm]

إستفسار يا جماعة

اذا انا مكتتب بإسمي وعيالي فقط وصدرت لي بطاقة واحدة (سند تخصيص أسهم)
1- هل يجب أدمج الأسهم؟
2- إذا في حالة عدم الحاجة للدمج هل هذه البطاقة (سند تخصيص أسهم) تكفي للتداول بمعنى اّخر ما المعني بما هو مذكور أسفل البطاقة
"هذا السند غير قابل للبيع او التداول او الرهن او التصرف فيه باي تصرف اّخر"

 

[boali]

إستفسار يا جماعة

اذا انا مكتتب بإسمي وعيالي فقط وصدرت لي بطاقة واحدة (سند تخصيص أسهم)
1- هل يجب أدمج الأسهم؟
2- إذا في حالة عدم الحاجة للدمج هل هذه البطاقة (سند تخصيص أسهم) تكفي للتداول بمعنى اّخر ما المعني بما هو مذكور أسفل البطاقة
"هذا السند غير قابل للبيع او التداول او الرهن او التصرف فيه باي تصرف اّخر"

1-نعم

2-نعم

الشهاده اللي عند تكفي ولا يحتاج الدمج