وضع السوق غير مطمّن

[MOHAMMED11]

ماادري ليش قلبي ناغزني من هالسوق
حركة امس غير مطمّنه ابد ،، صعود مفاجئ لاغلب الاسهم القياديه مثال بتروجلف
المال
المركز المالي
جراند
سلطان
صناعات
الخ الخ
ومن ثم نزول وبكميات كبيره نقطه او نقطتين

واليوم نفس الشي تقريبا ،، السوق ماتقدر تشتري فيه سهم ،،الطلبات قويه ولايوجد شراء والسوق متذبذب ولم
يتفاعل مع خبر وقف اطلاق النار ؟؟؟؟؟؟؟؟؟؟!!!!


والسؤال هل مايجري من استمرار التذبذب يعقبه نزول قوي
او محاوله لاخراج المستثمرين من جو المضاربه السائد والعوده للسوق كما كان بالسابق وهو الشراء والاستثمار طويل وقصير الامد والصبر على السهم اكثر من اسبوع بالنسبه للمستثمر وزرع الطمأنينه مره اخري في نفوس المتداولين ؟؟؟

او هي خدعه من خدع السوق يتعقبها نزووووووووووول مدوي



عن نفسي كل الاحتمالات جائزه وعندما اتذكر اشياء مشابه للسوق حاليا اجد نفسي متشائم


لاتبخلون علينا بآارائكم ومشاركاتكم ورؤياكم للسوق

شكرا لكم

 

[انور النقوشي]

تحليلي المنطقي
يقولون ان جم واحد لي الحين محتفظ باسهم
و الجماعه ناويين عليه
هذا السبب
سوق يهود​

 

[Moshaks_777]

تحليلي المنطقي
يقولون ان جم واحد لي الحين محتفظ باسهم
و الجماعه ناويين عليه
هذا السبب
سوق يهود​

وانت الصاج سوق جمبزه ، بس أنا ناطر لين أرجع راس مالي

 

[بوفلسين]

انت من صجك

بترو
المال
جراند
مركز مالي
اسهم قيادية

 

[صقرالبحر]

انت من صجك

بترو
المال
جراند
مركز مالي
اسهم قيادية

اذا هذوله اسهم قياديه راح السوق ملح

 

[سهم خسران]

انت من صجك

بترو
المال
جراند
مركز مالي
اسهم قيادية

اسهم بطيخ

 

[MOHAMMED11]

انا قصدت المجموعه وشركاتها ومخازن وشركاتها ،، هذيل بعد مو اسهم قياديه ؟؟ لكن ذكرت لك اللي كانت سمة التداول للسهم مريبه نوعا ما

والشي الاخر
اذا المركز والمال عندك مو اسهم قياديه اجل انتوا ماتعرفون شي بالسوووووق

ليست اسهم قياديه بالشكل الواضح لاكن المركز يملك محافظ تصعد لك السوق بالحد الاعلى لاغلب الاسهم لمدة شهر على الاقل
وبعدين سهم المركز والمال وهذي فوق البيعه للي مايدري
يتبعون بعض يعني اتحداك بيوم تشوف المال صاعد والمركز نازل او العكس
لاكن يلعبون بطريقه خفيه جدا
واذا شفت اي سهم منهم اليوم صاعد اعرف ان السهم الاخر راح يتبعه اذا مو بنفس اليوم بعد بيوم
ولاحظ ان صعودهم من السنه الماضيه كان نفس الشي والنزول ايضا نفس الشي
ناهيك عن محافظ وصناديق المركز العملاقه اللي تلعب لك بالسوق لعب
ويكون بعلمكم بعد ان اقوى صانع سوق بالبورصه هو المركز المالي
ومتى ماشفت المركز تعدل اعرف ان السوق بخير ومتى ماشفته نازل اعرف ان السوق رايح فيها


واذا كلامي غلط تابع السوق وشوف





ونرجع لوضع السوق

الحذر الحذر وامسك الكاش لو شفت ان السوق صاعد حتى تتضح الرؤيه
يعني لاتشتري بنفس اليوم لان ممكن تكون خدعه جديده للسوق
وسبق اني ذكرت بالمنتدى موعد وتاريخ انطلاق السوق وكنت سباق بالشي هذا وصدق التوقع وماودي اقول اي شي يدعوكم للتشائم
لكن انصحكم بعدم الانجراف وراء اي لون اخضر حتى تتضح الرؤيه
يعني لو شفت السوق اخضر اليوم لاتشتري حتى تصبح الرؤيه واضحه

يااااااااابيض يااااااااااسود


ربي يوفق الجميع

 

[MOHAMMED11]

انا الان متفائل ولله الحمد
هناك شي ان شاء الله يكون حقيقي وسترونه الاسبوع القادم وماله شغل لا ابمخازن ولا غيرها هو للسوق عامه

ان شاء الله ان شاء الله يكون خير على الجميع
ماني متأكد من الخبر مئه بالمئه ولاّ جان قلته
لكن هي دعوه للتفائل وانتظار العشر آلاف نقطه وبقوه
يارب يصدق ابو فلان هالمره بعد ؟؟
بس لاتفائلون واجد لان ابو فلان بعض المرات وهي قليله جدا يقعد يخورها شوي

 

[عنتر7]

أخوي أبو الثانية شيقول ظنك هالمره صاحبك خبره مضبوط والا خواره

 

[مستشير]

السوق فعلا غير مطمئن يعني قالوا الازمة اللبنانية هي السبب انتهت الازمة والسوق للحين في ازمه

 

[MOHAMMED11]

أخوي أبو الثانية شيقول ظنك هالمره صاحبك خبره مضبوط والا خواره

الاربعاء 16 \ 8 الساعه 10 صباحا



ولله ياخوووي اهو للحين توصيته لي ماشيه بالسليم ،، من يوم الاحد قال بيع اللي عندك السوق راح ينزل واقعد في بيتكم لي الاسبوع القادم وتابع السوق وان شاء الله فيه انطلاقه حلوه وانا سويت اللي قالي عليه وبعت الاسهم وفعلا الاسهم اللي بعتها انزلت كلها
لكن واقسم بالله اهو نفسه وحسيت من كلامه انه مو متاكد مع انه شقووول ؟؟ من اهل الاختصااااص ومو شويه
لكن يقولي هذا سوق ومصلحته وحده والاسهم جميعها مرتبطه في بعض
ويعتمد على العرض والطلب وووووو ؟
لكن سمة التفائل كانت طاغيه على الحديث
وهذا انا ناطر الاسبوع القادم وان شاء الله يكون كلامه صحيح



ربي يوفق الجميع

 

[mish3al_99]

الحين الازمة السوريه اليديدة .... مع زأرة الاسد ,,,, ؟؟؟؟؟؟؟؟؟!!!!!!!!!!!!!

 

[Moshaks_777]

الحين الازمة السوريه اليديدة .... مع زأرة الاسد ,,,, ؟؟؟؟؟؟؟؟؟!!!!!!!!!!!!!

وإيران بعد

 

[MOHAMMED11]

اقضب ربعه
اقضب ربعه

 

[الصـــــالح]

صعود السوق بالفتره الاخيره كان من بركات سيولة الحكومه إلي حبت تنقذ السوق من الانهيار وعلشان تعطي تشجيع حق المحافظ والصناديق انهم يدشون السوق ،، بس للاسف المحافظ لما الحين معتزلة سوقنه واكيد في سبب ورا هالموضوع..... وبنسبه لنا ياصغار المستثمرين السوق صاير لنه سوق المقاصيص نشتري بالعالي وانبيع برخيص

 

[MOHAMMED11]

ملخص السوق

السوق مغلق

المؤشر السعرى ( 91.30 ) 9,523.5
المؤشر الوزنى ( 4.37 ) 494.12
الكمية المتداولة 73,492,000
القيمة المتداولة 32,993,730
عدد الصفقات 3,383



نشوفكم الاسبوع المقبل

 

[مستشير]

صعود السوق بالفتره الاخيره كان من بركات سيولة الحكومه إلي حبت تنقذ السوق من الانهيار وعلشان تعطي تشجيع حق المحافظ والصناديق انهم يدشون السوق ،، بس للاسف المحافظ لما الحين معتزلة سوقنه واكيد في سبب ورا هالموضوع..... وبنسبه لنا ياصغار المستثمرين السوق صاير لنه سوق المقاصيص نشتري بالعالي وانبيع برخيص

هذا هو حقيقة واقع السوق الكويتي مع الأسف

 

[FastTrenD]

طريقة نزول السوق في الفتره السابقه كانت بطريقة مضغوطة

نفس السبرينق لما ينضغط بعد فترة تفتر الايد من الضغط ويفلت

بالاتجاه المضغوط فيه

 

[MOHAMMED11]

زين ياجماعه خلونا نكون واقعيين اكثر

احنا نقول ان السوق سوق جمبزه وسوق نصابين ومش عارف ايش
وانا اقول بالعكس السوق عمره ماكن واضح نفس الان

احنا متى خسرنا خسرنا يوم كان السوق الكل يمدح فيه لكن الحين اعتقد ان الكل بدا يعرف اللعبه ويعرف شلون يطلّع الربح ،، لان الاغلبيه اصبحت لاتثق بالسوق لاكثر من يومين ويقتنع بالربح القليل وبالسابق كانوا الاغلبيه يعلق معاه السهم يومين ومايبيع واقسم بالله ان واحد من الربع طلّع ربح اربعتش الف ومو راضي يبيع السهم اترجاه يبيع ومو راضي لين باع السهم بربح 300 دينار !! بنزلة السوق

لكن الحين الوضع اختلف الكل بدأ يتخوف من السوق ومتى ماصعد سهمه نقطه او نقطتين باع السهم

يعني الحمد الله السوق مازال فيه رزقه لكن الحذر واجب والقناعه ايضا واجبه
خلّكم مع التحليل الفني للمؤشر ونقاط الدعم والمقاومه وحركة الاسهم وان شاء الله احنا الربحانين ولاتصبرون على الاسهم اكثر من اللازم واذا ربحان بيع لو بنفس اليوم لان زمن الاستثمار ولىّ والان احنا في زمن المضاربه ولا شي غير هذا

واهم شي في هذا كله انّك تحط عينك على كم سهم وتدرسهم دراسه وتضارب معاهم ولله ولله ابن امّه مايقدر يخسرك واهم شي مع المضاربه ان الطمع مايغريك وتتعشم بالسهم اكثر من اللازم


وايضا لاتدخل مع سهم صعد فجأه بالسوق وانت ماتعرف منين جاي هذا السهم ويين كان وشنو الدعم وشنو المقاومه لان بعض الاسهم خوّانه تصعد فجأه ثلاث نقاط وبنهاية التداول تلقاه مسكر على نفس تسكيرة امس ويجرفك معاه باليوم الثاني بنزول ماتعرف منتهاه وين


حط في بالك كل هذي النقاط وان شاء الله بتشوف خير

وشكرا

 

[MOHAMMED11]

السوق مغلق

المؤشر السعرى ( 70.80 ) 9,594.3
المؤشر الوزنى ( 2.91 ) 497.03
الكمية المتداولة 86,924,000
القيمة المتداولة 34,459,690
عدد الصفقات 3,791



صدق ابو فلان

لكن صراحه صعود بايخ وماله طعم يعني لو امكمل احمر افضل
وابو فلان يدق علي بالعشر ويقول لاتشتري شي اليوم اصبر
قلت شالسالفه قال : اصبر وبس