محتاج مساعدتكم

[خسران جداً]

يا جماعه انا عندي مشكله وبصراحه ماني لاقي لها حل
انا شريت الاسهم التاليه
المخازن 3080
كويت انفست 1040
المال 610

وانا اتعامل مع شركة الخليج للتداول الإلكتروني مع العلم اني شريت الاسهم قبل لا اشترك في خدمة التداول الالكتروني
المهم حاطين لي الاسهم اللي املكهم بأسعار ثانيه

المخازن 2860
كويت انفست 1060
المال 600

ولما رحت البورصه وطلبت كشف حساب طلعو لي الاسعار اللي شريت فيهم الاسهم..واخر شي كاتبين نفس الاسعار اللي محطوطين بالمحفظه مالت الخليج نفس التالي

المخازن 2860
كويت انفست 1060
المال 600

ولما سألت الموظف مال المحاسبه قالي عادي هذي بس اسعار الاقفال مو اسعار الشراء مالها شغل


المهم دزيت رساله حق من حسابي الخاص بالتداول الالكتروني وقلت لهم عن هالمشكله ردو علي وقالولي ان سعر الشراء يكون على سعر الاقفال كما هو معروف
وهذا الكلام اللي وصلني بالرساله مالت الموقع
<أخي الكريم بالنسبة لأسعار الأسهم ، فكما قالو لك المحاسبة بأن الأسعار دائماً تكون على الإقفال وليس على سعر الشراء ( إقفال السهم بالسوق ) >

شلون جذي؟؟؟ يعني انا لو اشتري اول السوق بدينارين و يرتفع بأخر السوق ويصكر على دينارين وامية فلس....اكون شاريه بدينارين وامية فلس؟

بصراحه شي ما يدش العقل!!!!!!!!!!!

 

[NBK]

هلا والله
ما في مشكله ان شاء الله
كشف الحساب اللي يعطونك اياه المكتب
يسجل فيه اسم السهم الكميه آخر اقفال للسهم
بس اذ اخذت الكشف بعد الشراء او البيع
من باكر يبين لك عملية الشراء و كمية الاسهم
وسعر الشراء
ان شاء الله اكون وضحتلك الموضوع​

 

[خسران جداً]

هلا والله
ما في مشكله ان شاء الله
كشف الحساب اللي يعطونك اياه المكتب
يسجل فيه اسم السهم الكميه آخر اقفال للسهم
بس اذ اخذت الكشف بعد الشراء او البيع
من باكر يبين لك عملية الشراء و كمية الاسهم
وسعر الشراء
ان شاء الله اكون وضحتلك الموضوع​

لا والله ما فهمت عليك.........يعني مثلا انا شريت بسعر 3080
ثاني يوم اذا صار ب 2860 يعني هذا السعر اللي شريته فيه؟
شالفرق بين اللي يطلبون بالحد الاعلى او الادنى مدام السالفه كلها على الاقفال مو على الحد الاعلى او الادنى؟

 

[NBK]

حبيب قلبي
اللي اقصده
انك اذا شريت المخازن اليوم ب 1.800
و المخازن سكرت ب 1.760
ويوم السبت طلبت كشف حساب يطلع
عندك كمية الاسهم والسعر 1.760​

 

[خسران جداً]

اخ ان بي كي

يعني انا الحين شاري بالسعر مال الاقفال والا السعر اللي شريت فيه يعني خذو مني شكثر؟

واذا كنت شاري بنفس سعر الشراء وليس الاقفال...ليش يحطون لنا سعر الاقفال؟ ماله داعي انا اقول

 

[NBK]

اخوي العزيز
انت شاري بسعرك اللي طلبت فيه
ونرجع لمثالنا اللي 1.800
وسعر الاقفال هذا شي
روتيني يبين السهم كم سكر فقط لاغير
ولك تحياتي
اتمنى اني وصلت لك المعلومه
و موفق خييييييييييييييييييييييير​

 

[العوضى]

أخى الكريم خير الكلام ما قل ودل , انسى سعر الشراء , أهم شى كميه الأسهم , عدد الأسهم اللى تملكها ثابته , وما راح تعرف قيمتها إلا بوقت التداول , يعنى اذا بغيت تبيع شوف السعر شم واصل وتعرف راس مالك , وانسى انت بكم شارى المخازن انشاله بعشر دنانير , المهم وقت البيع , واتمنه وضحت الصوره

 

[way way]

أخى الكريم خير الكلام ما قل ودل , انسى سعر الشراء , أهم شى كميه الأسهم , عدد الأسهم اللى تملكها ثابته , وما راح تعرف قيمتها إلا بوقت التداول , يعنى اذا بغيت تبيع شوف السعر شم واصل وتعرف راس مالك , وانسى انت بكم شارى المخازن انشاله بعشر دنانير , المهم وقت البيع , واتمنه وضحت الصوره

حبيبى شنو شم

 

[العوضى]

حبيبى شنو شم

ولا تزعل حبيبى , شم بالكويتى , وكم بالعربى , وشاند بالفارسى و ............ الخ ولا تزعل

 

[boali]

ولا تزعل حبيبى , شم بالكويتى , وكم بالعربى , وشاند بالفارسى و ............ الخ ولا تزعل

هههههههههه

ماشالله عليك يا العوضي متعدد اللغات

 

[NBK]

يا حلو تعليقاتك يا بو علي

مارد صديقنا خسران جدا
هل تم قبول النداء ولا لا​

 

[boali]

يا حلو تعليقاتك يا بو علي

مارد صديقنا خسران جدا
هل تم قبول النداء ولا لا​

ههههههههه

لالا للحين

الظاهر صادوه ؟ طلع مو بس خسران جدا

طلع مطلوب حق عدة شركات

شكله صايدينه بتفتيش أمس