سؤال لأهل الخبرة؟ كميات الأجل

[بو موسى]

ياجماعة الخير بالنسبه لكميات الأجل على السهم ؟

في حالة زيادة الكميه على السهم هل هذا يدل على قوة أداء السهم

في المدة اللي عليها الأجل ؟ وهل الواحد يقدر يعتمد على نسبه الأجل

في الدخول والخروج من السهم؟ أرجو الأفادة

[لتعم الفائدة . والله الموفق

 

[NBK]

نرجوااااااااااااااااااا
الاجابه لتعم الفائده
و شكرا مقدما للي يجاوب
و له دعوه منااااااااا ​

 

[بو موسى]

شدعوه ياشباب

نرجوااااااااااااااااااا
الاجابه لتعم الفائده
و شكرا مقدما للي يجاوب
و له دعوه منااااااااا ​

شدعوه ياشباب يعني محد يقدر يفيد أخوانه با الأجابه......! ! !

 

[الجارح]

مافى سؤال غير السؤال سؤالك صعب :d

 

[بو موسى]

مافى سؤال غير السؤال سؤالك صعب :d

أخوي الجارح مساك الله بالخير وعلى الاخوان جميعا

ما أعتقد السؤال صعب على أهل الخبره واللي صار لهم سنين بالسوق

والشي اللي خلاني أسال هالسؤال أهو أخونا بوجاسم يزاه الله خير

اللي كل أسبوع يعطينا كميات الأجل ولو تلاحظ صفحته ماشاء الله زوارها وايد

ومعناته اللي يهتمون بها الموضوع عدد كبير من المتداولين فاكيديعني نسبه

الاجل قاعده توضح لهم اتجاه السهم .......! ولا شرايك؟

أنا الصراحه حبيت ان أحد الأخوان القدامى بالسوق والمنتدى أو أي

واحد فاهم الموضوع عدل يجاوبنا على شان الكل يستفيد

ومشكورين........

 

[سهم مضاربة]

مساكم الله بالخير
انا ماني بقديم بالسوق بس اعرف فيه شوي
الاجل كل مازاد على السهم كل ماصارت حركه السهم بطيئه بالصعود
((الصعود والنزول )) على حسب صانع السوق للسهم
العام : سهم استثمارات ماصعد صعود يستاهله على ارباحه
من كثر الاجل اللي فيه
سهم المشاريع صعد من 400 الي 700 والاجل اللي فيه 50 مليون
((بعض الشباب يشوف كميات الاجل في الاسهم على شان يعرف اذا
السهم عليه طلب في الاجل يعني فيه توصيات على السهم ))
في اعتقادي كل مازادت كميات الاجل على السهم كان هذا من صالح
السهم

ودمتم

 

[NBK]

مشكووووووووووووووووووور
الله يرزقنا برزقه​

 

[بو موسى]

مساكم الله بالخير
انا ماني بقديم بالسوق بس اعرف فيه شوي
الاجل كل مازاد على السهم كل ماصارت حركه السهم بطيئه بالصعود
((الصعود والنزول )) على حسب صانع السوق للسهم
العام : سهم استثمارات ماصعد صعود يستاهله على ارباحه
من كثر الاجل اللي فيه
سهم المشاريع صعد من 400 الي 700 والاجل اللي فيه 50 مليون
((بعض الشباب يشوف كميات الاجل في الاسهم على شان يعرف اذا
السهم عليه طلب في الاجل يعني فيه توصيات على السهم ))
في اعتقادي كل مازادت كميات الاجل على السهم كان هذا من صالح
السهم

ودمتم

مشكور أخوي سهم مضارب والله يوفقك أن شاءالله

بس انت قلت زيادة كميات الاجل معناته في توصيات على السهم يعني

شغله ايجابيه للسهم......حلو

ونفس الوقت قلت زيادة الاجل يبطء الصعود والنزول...؟ ؟ ؟

أكيد أحد من الشباب عنده نظره ثانيه للموضوع ......

 

[دليل البورصة]

ناس وايد خسرت كل فلوسها بسبب الأجل وصارو مفلسين

الحذر من الأجل أصحاب الشركات اذا شافو زادت كمية الأجل علي شركتهم يتعمدون ينزلون سعر السهم حتي يتفصخ السهم علي صغار المستثمرين

الحذر اشتر السهم كاش واملك السهم حتي لو ينزل تكون خسارتك دفتريه وفي اي يوم راح ترجع فلوسك ومعاهم ربح

أبتعدو عن الأجل هو سبب نزول السوق

 

[بو موسى]

لا توصي

ناس وايد خسرت كل فلوسها بسبب الأجل وصارو مفلسين

الحذر من الأجل أصحاب الشركات اذا شافو زادت كمية الأجل علي شركتهم يتعمدون ينزلون سعر السهم حتي يتفصخ السهم علي صغار المستثمرين

الحذر اشتر السهم كاش واملك السهم حتي لو ينزل تكون خسارتك دفتريه وفي اي يوم راح ترجع فلوسك ومعاهم ربح

أبتعدو عن الأجل هو سبب نزول السوق

مشكور أخوي دليل البورصه ولا توصي حريص



الأجل ما أقرب له .....بس أنا أقصد يعني لو بأتخذ قرار شراء(كاش) أقدر أني

أستندعلى كميات الأجل على السهم في الشراء .....؟ وشكرا

 

[الراقي]

الأجل سلاح ذو حدين اول شي راح اتكلم عن شي الأجابي وهو قليل لأسف في السوق الكويتي هو ان صانع السوق اذا كان يبي يصعد السهم وعارف ان في اخبار طيبة في الطريق يبدئ يشتري اجل حتى يكون عنده اكبر كمية من الأسهم وهذا شي صار عام الماضي على سهم بيت التمويل الخليج كان السهم يتداول بين 730 -820 حتى جاء اليوم الموعود صار هجوم على الأجل بدون سابق انذار وطار السهم الى 1260 وتم بيع الأجل وكان شرى الأجل بنفس يوم الصعود
الشي السلبي في الأجل هو انا الكمية تزيد وسهم مايتحرك مع زيادة الأشاعات واول من لازم تاخذ حذرك منهم الجرايد مثل ماصار العام الماضي مع سهم المال العقارية (الأنجازات) كان سهم يتداول عند 440-475 وكل يوم يزيد الأجل وكل واحد يفتي على كيفة الي يقول 700 والي يقولك عندهم مشروع بنك في البحرين راح يودي السهم دينار بس صار العكس السهم راح الى الربع دينار
ولعلم كان في سابق اذا سهم يبي يصعد ماكان احد يبيعك اجل وكان شباب يدورون واسطه بس الحين السوق تعبان يبوسون ايدك اذا اشتريت اجل
العيب الكبير في الأجل انك ممكن تفقد كل فلوسك وهذا شي صار مع شخص اعرفه اشتري المشاريع 710 وكان وقتها الأشاعه تقول هذي شركة امير البلاد بس يثبت في الحكم راح تشوفها فوق ولكن صاحبي خسر 270 الف والحين المسكين طلع بره السوق

 

[NBK]

الله يجزاكم خير اخواني
دليل البورصه , الراقي
على النصايح و الخوف و التنبيه
على اخوانكم من الاجل
جزاكم الله خير و سمح دربكم
وسهل اموركم
اللهم ارزقنا وارزق جميع اخواننا المسلمين​