بعد التفكير العميق قررت ان أوافق على القرار وبسوق تكسي وبروح يوم السبت لديوان الخدمه المدنية وبقدم طلب بس المشكلة مو جذيه شلون اذا طلعت شهادة راتب وبقدمها حق اي مكان مثلا والله المهنه : سائق تكسي والله فشله
سائق تاكسي مهنة شريفة والشغل مو عيب لكن العادات والتقاليد تفرض نفسها على المجتمع يعني بصراحه شلون اذا بغى يخطب من عائلة كويتية شقول لهم انا اشتغل سائق تاكسي ومنو البنت اللي بترضى بسائق تاكسي اصلا
لا والله خلنا واقعيين و بدون مجامله والله عيب وأكبر عيب دوله غنيه واعيالها سواق اصحى يا نايم اللي بيصير يبون طبقتين فقط طبقة فوق و وطبقه بالقاع هذه السياسه المستقبليه حسبي الله ونعم الوكيل
القصد من كلامي هو انه المهنة في حد ذاتها ليست عيبا يعني ما نعيب سائق التاكسي لانه سائق تاكسي لكن نعيب على الحكومة اختياراتها وهذا هو الفرق وبعدين ان مو نايم ليش تبي تصحيني
مع احترامي لك يا بوعلي وتقديري في جهودك اختلف معاك اختلاف 180 درجة ...... الشغل مو عيب سواء سائق تاكسي ولا فراش العيب مو في الشغل العيب فينا المشكلة ان نسينا انفسنا او تناسينا وتكابرنا بنفسنا في امور الحياة واصبحنا عميان في نظرتنا للحياة .... واصبحنا ناس مظاهر فقط اي نحب المظاهر ولا نرضى في غيرها ... اعطيك مثلا اصبح الشخص الردي واللي مافيه خير لنفسه واهله ويملك من المال والجاه والمنصب شخص مهم وينحسبله حساب ويترحب في كثير من الديوانيات والبيوت وحتى لو يتقدم للزواج يلقى كل ترحيب وقبول والسبب ليس للشخص الردي انما لما يملك من مال وجاه يعني النظرة اصبحت لما يملك وليس لما هو عليه سبحانه مغير الاحوال قبل 20 و30 و 40 سنة شنو وظايف اهل الكويت وشلون كانت الحياة بالكويت وعلى العمل الشاق اللي كانوا ينجزونه كل يوم وكانت وظايف مجهدة ويدوية وعمالية .... والدوام كان خصوصا بالنفط من الفجر الى بعد العصر والمعاش قليل الا كانو اهلنا ناس قانعين ومقتنعين ويحمدون الله ويشكرونه على النعمة والناس مرتاحة وعايشة بهنا وسعادة. بتقول الحين اختلف الوضع وحنا بخير ونعمة والاقتصاد فايض ماختلف معاك اللي بختصرة من كلامي اهو ان قمنا نجامل على حساب الحق واصبح الكثير من الناس تبحث عن المظاهر والمصلحة الشخصية على حساب حتى لو كان من اهله بمعنى اوضح اصبح اغلب الناس مصلحة شخصية يبي نفسه وبس وغيره لو يحترق ..... يوم السبت اللي طاف وصلت من السفر والساعة كانت بحدود 8 الصبح وواحد من الربع موصيني اتصل فيه وقعدة عشان يمرني بالمطار ونتريق هناك مره وحده .... من وصلت قلت بيني وبين نفسي اتصل فيه واقعدة من النوم مو صحيح تدري يا بوسعود خلني اخذ تاكسي وارجع البيت ... المهم طلعت من البوابة الرئيسية وشوف هالشايب وقالي تبي تاكسي اي نعم قال تفضل ورحت معاه.... راعي التاكسي شنو كويتي ومادة اولى ابا عن جد وعيالة بمناصب ومراكز قيادية بعد السوالف..... تبيه يقعد بالبيت عشان انه سائق تاكسي. المشكلة انه لما كنت بالطيارة المضيفين كانو كويتيين وناس كبار بالعمر فوق 30 واذا ماعندك خبر عن واجبات وظيفة المضيفين والمضيفات اهو حتى تكرم الحمام مال الطيارة ينظفونه ويحرصون على نظافته ايهو افضل بالنسبة لك وظيفة سائق التاكسي ولا المضيف !!!!!!!!!! واذا كان العمل عيب ياخوي محد بيشتغل وسلامتك وتعيش يا بوعلي
توضيح امر السلام عليكم اخواني الافاضل ..اردت توضيح امر يغيب عنكم بأن هناك فئه من البنات والشباب الكويتي .. يعتبرون من الفئات الخاصه او الاحتياجات الخاصه الذين يتعلمون طوال فتره حياتهم الدراسيه على مهن وحرف يدويه مثال النجاره والزراعه والتجليد والنتجيد واعمال الصالون والخياطه ..الخ من المهن التي تدرس بالموازي او التربيه الخاصه .. وهم يتميزون بالذكاء الاجتماعي ولكن قدراتهم الدراسيه متدنيه جدا ما دون الثاني المتوسط الامر الذي يجعلهم غير قادرين على مزاوله المهن الذي ذكرتها سالفاَ..فأغلبهم يجلس البيت حبيسا دون عمل وتقوم الشؤون بالصرف عليه حتى يجد العمل وبعضهم يعمل بعد تخرجه ولكن ليس بتخصصهم كنجار او مزارع او مزين صالون فنجدهم يعملون كمراسلين (مطراش) او مسؤول عن جهاز تصوير الاوراق ..ومطبعه الاعلام .. والجيش ..والتربيه .. والشؤون هم اكثر الوزارات الذين يقبلون بتلك الفئه الحديه .. وبما انه صدر قرار بالزام القطاع الخاص بتعيين الشباب الكويتي فقد وفرت لهم فرصه لقياده تاكسي الجوال حيث ان الغالبيه يمتلكون رخص قياده المركبات ..ولا اظن ان تلك المهنه سوف يقدم عليها حمله الثانويه العامه او الدبلوم او الجامعيين بالتالي هناك بالفعل فئه تحتاج لسد شواغر العمل عوضا عن مكوثهم في منازلهم دون جدوى او فائده .. واذكر عندما كنا نرجع من السفر في اوقات متأخره من الليل كان ابي يشجع التاكسي البرتقالي عوضا عن الليموزين حيث يقول كويتي انفعه ولا انفع اجنبي .. بالتالي مهنه التاكسي ليست جديده على الكويت قديما او حديثا ولا زالت التكاسي البرتقاليه تعمل بالمطار ...قد يؤيدي البعض وقد يستاء البعض وقد يكون هناك بدائل للحلول ولكن هذا مستوى تفكير رسم السياسه الاجتماعيه والتخطيط والرعايه .. تحياتي لسياسه السويد وبريطانيا في رعايه الفئات الخاصه ..
أختي الفاضلة/ almostabeda اشكثر صارلج مو رايحه المطار ؟؟ التاكسي البرتقالي انقرض من مده الله يرضالي عليج.. مو هذا المهم.. المهم إن في وظايف أفضل من هالوظيفة لكنها حكر لفلان وفلان.. خل أفيدج بنقطه.. المتعارف عليه في دول العالم الموانئ سواء جوية أو بحرية أو برية يكون موظفيها من أبناء البلد.. عندنا بالكويت وبالذات الموانئ البحرية يشغلها عمال آسيويون.. هذيل يمثلون واجهتنا البحرية للأسف.. قسم بالبحرية في شركة نفط الكويت موظفينه بلمح البصر تحولوا من كويتيين إلى آسيويين !! وين راحوا ؟؟ واذا وفرت لهم فرصة أفضل ليش ما عينت غيرهم من عيال ديرتك ؟؟ هذا مصدر رزق أولى فيه ولد هالبلد.. والبحر كله أرزاق والحمدلله يقدرون يوظفون فيه أغلب العاطلين ويحلون هالمشاكل.. لكن السياسة للأسف تغيرت وشعارها شلون أذل ولد هالبلد أخوج/ ويلاه
أخوي بوعلي من الأفضل أن تقول والباجي من الله وثاني شي مهنة سايق تاكسي مو حرام ولا عييب بس العييب هو ان يقعد الواحد في بيتهم واللله يوفقنا واياك
صراحة سائق تكسي مو عيب ... لكن ... هل وصل المواطن الكويتي لهذا المستوي والديرة مو لاقين فيها وظائف جزء بسيط راح ناخذ عليه مثال ومو علي الوزارة ككل : المدرسين اتفاقية سنوية لتوظيف 1000 مصري و 300 سوري و*** تونسي وغيره من الدول هذا بس سلك التدريس فما بالك بالوزارة بشكل عام في التربية وما بالك بجميع الوزارات في الدولة ... ما اقول الا حسبي الله ونعم الوكيل بس هيهات هيهات ... بإذن الله تتشرشحون في مجلس الامة ... والله خوش تخطيط من وزارة التخطيط ... خطط طموحه للمواطن الكويتي والرقي به .... يمكن السالفه لتعديل متوسط دخل الفرد بحيث ناس في العلالي وناس في الدواني مو ناقص إلا يوظفون الكويتيين خدم ... تذكرت الستينات والسبعينات كانت دولة ... يشتغلون خدم وفراشين والحين ولله الحمد الله يزيدهم من افضل الدول ... بس احنا كل يوم نمشي وراء ... بعدين أنتم التكسي اللي يكد عليه الواحد يحارب في كل مكان الشارع المصافط العبرية اللي بالشارع المطار ... بس التكسي الجوال حق التجار محد يحاربه وسياقته 100% وما يسرع ولا يحذف عليك ... واذا شلت احد بالعربانه يااااااااااااااااااااااا ويلك تحميل ركاب = جريمة قتل يعني بالعربي تنفيع ... ما ادري ليش تذكرت طفايات الحريق . بالتوفيق للتكسي الجوال بس علي اي درجة راح ينحط - 9 .
بالتوفيق للتكسي الجوال بس علي اي درجة راح ينحط - 9 انا سألت مدير بالخدمة المدنية اليوم بالدوانية قالي اذا انت جامعي المفروض على الدرجه الرابعه بس لان سائق التكسي يعتبر من التخصص النادر راح نعطيك الدرجة الرابعة مع ثلاث علاوت وعداد حسابي ديجتل
صباح الخير بوعلي بس الشغله يبيلها واسطه وجنه فيها دوره في مصر والله يوفقك ويوفقنا يارب وصح أذا واسطتك قويه يدزون دورة على تكاسي لندن
انا من رايي دام ان الحكومة حريصة على رفاهيتنا وسعادتنا (( اقص ايدي)) انها توظفنا سواقين في بيوتنا... بحيث يكون المسمى الظيفي سايق منزلي واخر الشهر تعطينا الراتب الخاص بدعم العماله الوطنية
والله يا أخ نبيل شي أكيد يبيلك واسطة ؟ الواسطات ما تخلى انا سمعت لكثرة الطلبات للدوره في (مصر و لندن ) التسجيل أغلق في أحتمال كبير راح يفتحون دورة بالهند (ومكلملي عضو علشان يتوسطلي) والله كريم بس يقولو ن أهم شي وشرطهم الرئيسي لازم تشتري كيلو دهن - شهري لزوم الشغل وتسريحة الشعر
