على هامان يا فرعون

[العوضى]

لا والله انت الوحيد اللي الواحد يقدر يتغشمر معاه مع الاختلاف الحاد في الآراء

الاختيار مختفي واهو قال مسافر
الطالب الظاهر طفش وماعاد يكتب (ممكن أنا السبب)
بوصالح حبيبنا ما ادري وينه فيه مع انني بعثت له على الخاص وسوينا له نداء بس المنتدى السياسي فرق بين الاعضاء
المخازن مسوية الحين صيحة تذكرني بايام اكتتاب بنك الريان في قطر وايام طابور الناس في الجمعيات اول بداية رمضان

مشكور على النصيحة وموفق ان شاء الله

الظاهر الكل طفش , سوء اداره , بالمنتدى لازم تكتب الشى اللى يبونه او يوقفون عضويتك , بس الحمد لله المؤشرنت الله يبارك فيهم وبالمراقبين .
المهم باشر الثلاث المضارب على المربع الذهبى راح يكون حلو مثل اليوم , بس الأربعاء اذا عندك سهم احتفظ فيه او عرضه بالحد الأعلى والله يوفقك ويوفق الجميع

 

[العوضى]

اليوم الوضع كان متوقع , ولو انى كنت متوقع طلوع بسيط (اخضر) مع نهاية التداول , المهم الأربعاء الكل ناطر شنو الوضع بعد عطلة الخميس والجمعه , ومعنى هالكلام وضع التداول باشر وبالأخص فى الربع ساعه الأخيره من التداول , شكله والله اعلم راح يكون فيه طلوع مفاجأ للمجموعه والسبب راح يكون بسبب التجميع اللى راح يسير على المجموعه و بالأخص الوطنيه العقاريه و مركز سلطان , وهذا مجرد رأى شخصى والله اعلم
ارجوا مراقبة الوطنيه ومركز سلطان وبيان و بالأخص النصف ساعه الأخيره لتداول يوم الأربعاء والله يرزقنا و يرزق الجميع

 

[العوضى]

فرعون : ها هامان , والحين شرايك بالسوق , يا هامان شيل
إيدك , ترى هالعناد ما يفيدك , ولا تحشر نفسك مع
الكبار .
هامان : بالعكس , اللعب كلماله ويحلو , والناس واعيه ,
صحيح فيه ناس باعوا بخساره , بس الحمد لله الناس
فتحت من ألاعيبك يا فرعون .
فرعون : هامان صدقنى انت كاسر خاطرى , مسكين ما
تدرى شللى يدور خلف الكواليس ,
هامان : ذاك أول , والحمد لله انا شريت بالنازل , ونصحت
ربعى يضاربون بالنصف ويحتفظون بالنصف الثانى
فرعون : عموما انت عزيز عليى يا فرعون , واللى يسير كله
فيه رزقه حلوه لنا , ونصيحتى لك لا تبيع , ترى
الخير جدام والمستثمر هو الربحان بس بنى آدم
طماع , تدرى هامان شرايك تبيع الحين على
هالأسعار وتنقذ باجى فلوسك
هامان : هذا اللى تبونه , مو قلتلك , على هامان يا فرعون

 

[يقولون]

يا فرعون وجان تبي حتى هامان بقعدمضارب بهالبورصه لي آخر يوم بالبورصه اذا دشوا دشيت واذا باعوا بعت وياهم وهالطريقه صارلي اربع سنين فيها والحمدلله ماشي صح ومو معناته ما انصدت لا انصدت بس صايدهم اكثر بدبلات ولله الحمد