اسهم بقيمة 7000 دولار اختفت من امريتريد؟؟

[قاهر الهوامير]

السلام عليكم
اخوي عنده حساب قديم جدا مع امريتريد
اشترى فيه مجموعة اسهم في كذا شركة بقيمة 7000 دولار في عام 1997
الان فتحت الحساب ماحصلت فيه الا 64 دولار بس
وين راحت فلوس اخوي ياجماعة
هو ما استخدم مارجن علشان ممكن تقولوا صار لها مارجن كول
حاولت افتح على الـ Positions ولا حصلت شي,,
وايضا الـOpen trades

رايكم؟؟؟؟؟؟؟؟؟؟؟؟

 

[الرجل المالي]

يمكن صار فيه منح أسهم ولا عطو أخوك ونزل سعر السهم

ويمكن نزلت اسعار الاسهم

ويمكن احد الشركات اللي كان يملكها اخوك فلست

ويمكن فيه شي غلط

 

[سهيل الدراج]

أخوي قاهر الهوامير .. الحساب صفر ؟؟ .. أم يوجد رصيد .. ؟ ماهي الأسهم الى كانت موجودة في ذاك الوقت ؟ .. وحساب أخوك كان مع أى بروكر .. لأن من تتحدث عنه قبل هذه المدة كان 3 وسطاء ، على النحو التالي :

قبل 2002م كان اسم الوسيط DATEK ثم اندمجت DATEK مع امريتريد في عام 2002م واصبح الكيان الجديد اسمه Ameritrade ثم قامت شركة Ameritrade بالاستحواد على شركة TD Waterhouse واصبح اسم الكيان الجديد TD Ameritrade .. وفي كل مرة كان يطلب تحديث جديد ..

اذا ماكانت الشركات قد خسرت وانتهت .. قد يكون حسابك مجمد والرصيد معلق عندهم بسبب عدم الحركة .. أو تكون ما حدثت ورقة الضرائب وحجز الرصيد .. عموما بعد اعطائي فكرة متكاملة ومعلومات وافية اقولك ايش تصلح .. وترا الأمريكان ما عندهم شيء يضيع حتى ولو بعد 100 سنة .. انا ما احب الامريكان لكن معجب بأنظمتهم ...

اخوك سهيل الدراج