ان لم تكن لي والزمان شرم برم ----- فلا خير فيك والزمان ترللي

[مبرمج]

السلام عليكم ورحمة الله وبركاتة <--- حـ يعيط من كـتر الايمان

اخواني ذوي الخبرة في سوقنا المبجل

سؤال من مركز قيادة الثورة و اتمنى تردون علي بسرعة<--- أصل أخوكم مزنوووءءء

انا ماخذ الصفوة على 150 من 26-12-2005 و ليما الحين مجكر فيه و محرّم و مطلـّق ما ابيعة الا اذا عدى سعر المخازن

الحين ابي المشورة من اهل المشورة ..


هل أنطر و أحافظ على ام العيال و يمكن اوصل الهدف و أصير (مطنطخ و فسقان) ؟؟

أم أطلـّق و أبيع و بعدين يرفعون علي قضية نفقة وتصير الخسارة خسارتين ؟؟


ساعدوني الله يساعدكم و أتمنى ما تتزنئوش الزنئه المنيله اللي وئعت فيها

وشكرا ً ​

ملاحظة : حاولت عدة مرات وضع سؤالي ضمن الموضوع المخصصة لمجموعة الصفوة لكن الـ Browser عندي تنح فلم أجد وسيلة أخرى غير كتابة السؤال في موضوع منفصل .. عذرا ً يا مشرفينا الاعزاء

 

[kkekke]

ان لم تكن لي والزمان شرم برم ----- فلا خير فيك والزمان ترللي

مسكينه ام العيال اللي حتى بالبيع والشرا ينحلف عليها

فلا خير فيك والزمان ترللي ......يا حبيبي السوق مولي

 

[hassan_abu3eed]

انا انصحك طلق وتزوج خدامة جاركم :d

ياخوي خسارتك راح تكون كايده اذا بعتها مالك الا هيفا قصدي مزنه قصدي تنطر

 

[bo fawaz]

ياخوى ليش ماخذيت عراق قابضة مدام انك حالف اتطلق

 

[bofattom]

بيع واشتر دوليه م ا, اتجوزها متعه وانا اقولك متى توهبها باقي المده
او تدري شلون بيع الصفوة واشتر بعشرة قروش خس بس تره الدوليه (حلوة وصنبوره)

 

[boali]

بيع واشتر دوليه م ا, اتجوزها متعه وانا اقولك متى توهبها باقي المده
او تدري شلون بيع الصفوة واشتر بعشرة قروش خس بس تره الدوليه (حلوة وصنبوره)

بوفطوم علامك قلبت مصري

 

[sultan2007]

وهذا البيت الصحيح

ان لم تكن لي والزمان شر مبرم ----- فلا خير فيك والزمان تر ائلي

 

[bofattom]

بوفطوم علامك قلبت مصري

اندميجيت حبتيين

 

[مبرمج]

وين ذوي الخبرة يالربع .. لالالا الحجي هذا ما زين

وبعدين الشباب جنهم ما صدقوا اني بطلق المرة .. العموووم يقول طلق

كل هذا عشان الحريم خذوا حقوقهم السياسية و ولا وحدة فازت بالانتخابات

عموما ً شكلي بنطر ليما يحلها ربكم و أمري على الله

Sultan2007 بدال ما تصلحلي بيت القصيد (مو هين المبرمج بالفصحى )

جان قايلي ان سعرك راح يوصل 750 جان شريتك ليما كنت 510

عموما ً مشكورين على مشاركاتكم الحلوة و ادعوا لنا تنحل معركة الصفوة ( ام المعارك ) بإنتصار ساحق ان شاء الله ​

 

[سليمان الضيف]

يعطيكم العافيه جميعا ... اخوي المبرمج

هذي ترجمة عنوانك بالفصحى الإنجليزيه
If not me, the time el-- - - - - Baram is the best in you and time Trlli

بو علي الحق علي ترى اي شي اشوفه صرت اترجمه عقدني حبيبنا ريل ستوك الله يذكره بالخير

 

[ترندر]

ياجماعة الرجل مزنوووووووووء وأنتم طايحيله ضحك صج اللي ايده بالماي مومثل الايده بالنار

أخوي مبرمج أنصحك

لاتكن أسير أي سهم أنا مادري ليش ماسك السهم للحين السهم عندك من 9999999999 شهور
يعني السهم سيطر عليك وحولك الى مستثمر طويل الامد
أنا مادري ليش مابعته لليوم

الزبده السهم بعيد جداا من 150 فلس وأمامه الكثير من حواجز المقاومه الى أن يصل الى هذا السهم هذا أذا وصل أصلاااا

أنا ماأبي أحبطك بس أبي أنصحك وانت بكيفك

بعدين لوأنك مضارب بالسهم بدل موقاضبه كل هالمده جن مافي غيره بالسوق وينك عن الشارتات والتحليل الفني
999999999999999999999999999999999999999999 شهور
لو مضارب لو مطلع فلسين بالشهر أبركلك هذا اذا حاب السهم ومافي غيره ببالك والشارتات والتحليل الفني مايوصي على غيره

9999999999999999 شهور الله وكبر عليك
أسمحلي والله بطيت جبدي

 

[الفارس 2]

طلقها واخذ اختها الثمار بس خاف تقول (الله يلعنها هي واختها)

 

[يوسف خالد]

من صبر ظفر انشاء الله تبيع فوق بس طف الجهاز وجهز نفسك للشهر الفضيل وراح انشاء الله تلقاها غير :d :d :d

 

[bo fawaz]

اخوى مبرمج الضاهر منت مطلق منت راعيها اقولك شتسوى اخذلك قرض 100000 واشتر المعروض كله مال الاسبوع الجاى وبرد على السهم ولاتنساء تخليلك 10000 متع نفسك فيهم ( يعنى حط لك جاخور فى كبد وكم عنز وحمامه وثلاث دجاجات وديك هندى واستثمرهم)