سؤال عن استكمال دراسة

[AYAM ZAMAN]

السلام عليكم ورحمة الله وبركاته

اخواني في احد يعرف شلون اكمل دراستي بجامعات مصر

علما باني حاصل على بكالريوس تربيه وابي اكمل ماجستير
وانما الحين موظف يعني عادي وشلون الحضور مهم او لا

وشكرا لكل معلومه منكم

 

[Dublin]

اي تقدر

بما انك تربيه ... قدم على جامعه طنطا
اتوقع السنه تكلفك 1300 جنيه استرليني واخر سنه يمكن 2000 استرليني

وتقدر تسافر حزه الامتحانات بس ===>
تشوفلك عذر طبي وامتحانات اخر السنه ماتحتاج اعذار لانه بتكون عقب المدارس


الامر سهل .. مافيه تعقيد انشالله
واذا محتاج اي شي طرشلي على الخاص

 

[*بو عبدالله*]

يا اخوان انا ودي ادرس Mba ادارة اعمال وودي تكون بالكويت

هل في جامعة تعطي ماجستير ادارة اعمال غير جامعة الكويت لانهم بصراحة طالين معدل عالي وانا ماكو معدل

واذا في بره وين افضل مكان مع العلم اني موظف


يعطيكم العافيه

 

[الامبراطور]

في بالكويت جامعة ماسترخت عريقة معترف بها اكثر من الكويت موجودة خلف جمعية المعلمين اللي بالدسمة يبون كذا شرط بس الدراسة عندهم ممتعة قدمت لهم اوراقي بس طلع قبلوني جامعة الكويت كشت فيهم لان جامعة الكويت ببلاش بس هم ماادري كم.

 

[*بو عبدالله*]

الله يوفقك اخوي الامبراطور

انا حاولت جامعة الكويت ماكو معدل الله كريم ان شاء الله

دراست جامعة ماسترخت تقريبا مدة سنتين وبتكلفة 6400 دينار تقريبا غير تكاليف الكتب ومطلوب التوفل والجيمات و3 سنوات خبرة في مجال عملك


طيب يا اخوان جامعة الخليج مافيها؟؟؟

 

[al7bebe]

لاتوهق في اي جامعه قبل ان تسأل التعليم العالي

بعضها غير معترف فيها بالكويت..
ثانيا يجب ان تأخذ موافقه من عملك ومن ثم الذهاب الي مركز التعليم العالي. والاستفسار منهم.

 

[مغامرجي]

في جامعة بالبحرين

بس عيبها مو معترف فيها

ودوام 3 ايام بالشهر

على العموم انا اعرف شباب كويتيين يدرسون فيها وسالتهم عن سبب

دراستهم في جامعة غير معتمدة في التعليم العالي

قالوا : احنه واثقين من اعتمادها.... وعن سبب ثقتهم لا تسألني !!

 

[AYAM ZAMAN]

مشكورين كل اللي مرور وردووو على الموضوع

زين اذا البحرين مو معتمده

عيل وين بالخليج معتمده؟

 

[كويتى وبس]

شباب الموضوع قديم لكن لدى سؤال اللى عنده دبلوم عالى بعد البكالريوس هل هناك جامعات تقبل يكمل ماجستير للعلم الدبلوم العالى لمدة سنة ونصف من الامارات مع الشكر

 

[كـــيـــــوت_25]

اي والله للرفع

مافي ماستر اداره اعمال بالكويت غير ماسترخت و جامعه الكويت ؟!؟!

 

[Director]

روح الاردن سنه ونص تخلص
الدوام اربعاء خميس

يعني طيران الجزيره ..,