سؤال: بيع اسهم بوبيان بدون فتح محفظه او مكتب وساطه؟؟

[المعرس]

السلام عليكم
بس بغيت اسأل لانه الوالد مكتتب بوبيان ويبيني ابيع له اياهم بالانترنت
اهو عنده رقم تداول بس ولا مره تعامل مع اي مكتب وساطه بالبورصه ولا محفظه لانه بوبيان اول تجربه له.. يعني اللي عنده مجرد رقم تداول وشهادة التخصيص.. والمشكله انه مقفلها ما يبي يروح البورصه ويبيعهم مصمم يبيني انا ابيع له اياهم
كلمت الاوسط قالو لي ما يقدر يحول اسهمه بمحفظتك
انا اللي ببالي انه افتح له محفظه بالاوسط بس اتوقع شويه لويه الموضوع لانه فلوسه (فوق ال5000) اسهم مو كاش .. وبعدين اول ما ابيعهم يبيني اسحب الفلوس كلها واخاف الاوسط ما يخليني اسحبهم كلهم..

فما ادري يعني شرايكم؟ شنو اسهل طريقه ابيعهم؟

 

[سهم كويتي]

سهله

روح اي مكتب وساطة بما انه عنده رقم تداول وعطه شهادة التخصيص ورقم التداول وعلى طول بتبيع وبعد كم يوم ينزل له شيك من المكتب روح استلمه

 

[المعرس]

سهله

روح اي مكتب وساطة بما انه عنده رقم تداول وعطه شهادة التخصيص ورقم التداول وعلى طول بتبيع وبعد كم يوم ينزل له شيك من المكتب روح استلمه

بيني وبينك اخوك غشيم بمكاتب الوساطه ولا مره تعاملت وياهم كل شغلي بالانترنت
بس ماعليه فهمني .. اذا عطيته الشهاده ورقم التداول وقلت له بيعهم مو لازم يطلب حضور مالك الاسهم (الوالد) شخصيًا عشان يوافق عالبيع؟
انا سألت واحد قبل جم يوم قالي لازم الوالد يكون موجود.. فما ادري شرايك اخوي؟؟

 

[تجاره]

سهله

روح اي مكتب وساطة بما انه عنده رقم تداول وعطه شهادة التخصيص ورقم التداول وعلى طول بتبيع وبعد كم يوم ينزل له شيك من المكتب روح استلمه

بالضبط كما قال الأخ سهم كويتي 100% سليم

 

[المعرس]

يعني اكيد انشالله ما راح يطلب حضوره شخصيًا؟

 

[Bo_Rashed1]

لا يالغالين

اخوي .. روح لاي مكتب وساطه بالسوق .. وخل وياك البطاقه المدنيه للوالد الله يحفظه أو على الأقل رقمه المدني .. راح يطلعونك ورقه استفسار على رصيد الاسهم .. الشغله ما تاخذ ثواني عندهم .. بهالورقه ورقم التداول تروح للدلال وقوله يبيعهم.
راح يعصلق وياك شوي ويقولك توكيل او لازم حضوره .. ان شاء الله تطيح لك بواحد زين.

ما تحتاج الشهاده الاصليه للاسهم اقصد ورقة الاكتتاب
اهم شي إطلع ورقه اسمها استفسار عن رصيد الاسهم لدى المقاصه.بالرقم المدني

بس عند استلام الشيك .. الظاهر لازم حضوره.. بس ما عليه .. وإذا درى ان السالفه فيها شيكات وفلوس .. بروح قبلك لا ويصفط السياره عند الاشاره حق المخالفات

وعسى الله يوفقك

 

[سهمكووو]

من استشار

بو راشد

وصل

 

[المعرس]

لا يالغالين

اخوي .. روح لاي مكتب وساطه بالسوق .. وخل وياك البطاقه المدنيه للوالد الله يحفظه أو على الأقل رقمه المدني .. راح يطلعونك ورقه استفسار على رصيد الاسهم .. الشغله ما تاخذ ثواني عندهم .. بهالورقه ورقم التداول تروح للدلال وقوله يبيعهم.
راح يعصلق وياك شوي ويقولك توكيل او لازم حضوره .. ان شاء الله تطيح لك بواحد زين.

ما تحتاج الشهاده الاصليه للاسهم اقصد ورقة الاكتتاب
اهم شي إطلع ورقه اسمها استفسار عن رصيد الاسهم لدى المقاصه.بالرقم المدني

بس عند استلام الشيك .. الظاهر لازم حضوره.. بس ما عليه .. وإذا درى ان السالفه فيها شيكات وفلوس .. بروح قبلك لا ويصفط السياره عند الاشاره حق المخالفات

وعسى الله يوفقك

مشكووور اخوي عالتوضيح
خلاص انشالله انا باجر رايح هناك واعرف واحد كان شغال بمكتب وساطه يضبطني انشالله
ويعطيكم العافيه

 

[q8q822]

مساعدة

شباب نبي واحد يفهمنا شوي وياريت يكون نفسة طويل ويعرف يوصل المعلومة .......... اسهم باسم قاصر عندة شهادة بروحة وابي ابيهم علما ابو الولد عايش شلون يقدر يحولهم باسمة ويبيعهم الدمج خلص نبي الطريقة وياريت بالترتيب ) وشكرا

 

[Bo_Rashed1]

شباب نبي واحد يفهمنا شوي وياريت يكون نفسة طويل ويعرف يوصل المعلومة .......... اسهم باسم قاصر عندة شهادة بروحة وابي ابيهم علما ابو الولد عايش شلون يقدر يحولهم باسمة ويبيعهم الدمج خلص نبي الطريقة وياريت بالترتيب ) وشكرا

السلام عليكم


مشكور اخوي سهمكو وكلك ذوق طال عمرك


اخوي كويت كويت .. اذا الأب وصي على الولد .. يعني لا سمح الله مافيه طلاق او حظانه للزوجه. بإمكانه يروح مكتب نقل الملكيه بالدور الارضي جنب الكافيتيريا وراح يحولونها له .. بشرط يحط دينار عمولة نقل الملكيه قبل التحويل

وما فيه غير العافيه وسلامتك