اطلع برا يامهمل .. ياللي فيك ومافيك

نوكيا

عضو مبدع
التسجيل
1 ديسمبر 2004
المشاركات
3,280
الإقامة
الكويت
العربجي يقووول ....


لاحظت وانا امشي في الشارع ولا اي مكان وجود أخطاء سلوكية في حياتنا ... فى الشارع فى البيت فى الجامعه عند الاصدقاء



فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ...

بسم الله نبدأ ..​





خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم .. تقوله شيل الكتب .. ومرة ثانية فتح عيونك ياخبـــل .....


خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد الليلة ...


ثم ...قول له مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..




خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..



ثم ..طلع راسك من السقف واضحك ..


خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يغربل ابليسك والله لارد لك المقلب ..

الصحيح : تمسكه ... مع رجليه ... وتمسحه بالارض مسح ... وتجيب علبة الببسي .. وترجه رجا مبرحا ... ثم تفتحه بوجهه ...

ثم ...تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم رج العلبه... وحطّها بمخباته ... وقله لاتطلعها من مخباتك الا اذا رحنا ...



خطأ : تحلق عند حلاق ... ومتحمس تعلمه شلون يسوى ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) .. ثم ..

قل بينك وبين نفسك ... ماعمري أحلّق عنده ...



خطأ : تمشي بالحارة .... مثلا رايح للمسجد ... ثم يجي طفل من هالاطفال ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول طفل ماعليه شرهه ...

الصحيح : تاخذ لك صخره ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... همن ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...




خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني]



خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل صحون دشاشه ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب 15 دش .. الليلة ..
ثم واصل للصبح ...



خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...



خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم

الصحيح :المفروض تكتب اذا طولت هذا شيء راجع لى وبكيفى وإلا من قال لكم تقرون موضوعي ......

منقول
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد الليلة ...


ثم ...قول له مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..



هههههههههههه

هذي ضحكتني

يعطيك العافيه على الموضوع
وعلى فكره بعض الاشياء ( الصحيحه ) صحيحه بالذات الحلاق اللي خرب الشنب هذا ،، وربي ادق حواجبه موووووس ،، كلش ولا الشنب عاد :)
 

Director

عضو نشط
التسجيل
21 مارس 2006
المشاركات
1,501
الإقامة
الكويت
شكرا على النقل :)

بس الاشارة صج عجيبة ..
 

ebjad

عضو محترف
التسجيل
29 أغسطس 2005
المشاركات
1,545
الإقامة
الكويت
هههههههههههههههههههههههه

توصيات قويه ، ترى يمكن يصدقها بعض الشباب المتحمسين لما يقرأونها ويجئ يوم ونكون الضحية .
يعطيك العافيه على هذه المشاركه
 

نوكيا

عضو مبدع
التسجيل
1 ديسمبر 2004
المشاركات
3,280
الإقامة
الكويت
هههههههههههههههههههههههه

توصيات قويه ، ترى يمكن يصدقها بعض الشباب المتحمسين لما يقرأونها ويجئ يوم ونكون الضحية .
يعطيك العافيه على هذه المشاركه



................
اخوىebjad هذى مو توصيات هذى حقيقه واقعيه بس احنا نتخيلها غير الواقع ونعتبرها دعابه
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
الحلاق لي خرب شنب بو جاسم بيدق حواجبه :d
بس الحين يابوجاسم راح زمن طوال الشوارب
وصار طير شلوى داقه موس وكحيلان ديرتي
 
أعلى