توقع الغير متوقع بالشهر الفضيل .

[سوق الاوراق]

السلام عليكم

مبارك عليكم الشهر وعساكم من عواده .

غدا اول يوم من الشهر الفضيل . وكل سنة من بداية شهر رمضان نشاهد شئ غير طبيعي بطريقة التداول :-

1- قلة الطلبات .
2- ضعف بالكميات .
3-بطئ بالتداول .
4- نزول بالاسعار .

دائما وابدا كل سنة نفس الطريقة وبنفس النمط الا نادرا . ويتحسن السوق قبل نهاية رمضان بعدة ايام .

فماذا تتوقعون غدا .

1- هل السوق نفس كل سنة ؟

2- هل السوق راح يشعلل ويرتفع بشكل غير مسبوق ؟

 

[الععيد]

السلام عليكم
علينا وعليك يتبارك

بنسبه انه في كل رمضان يقل التداول
فهذا مخالف للاحصائيه الي ذكرها احد الاخون في المنتدى ما اذكر وين بانه رمضان 2005 و 2002 كان التداول اكثر من باقي ايام السنه

نرجو الرمضان هذا بعد

اتوقع شخصيا ان اتداول يزداد على الشركات الاسلاميه ولست متاكد

 

[الراقي]

امس كنت اسولف مع رئيس مجلس ادارة شركة من شركات وقلت له باجي اسبوع ماتبون تعدلون الأقفال
رد علي قال عندنا خسارة واذا ارتفع السهم انا اول واحد راح ابيع
قلت انزين متى تتوقع تتحرك مجموعتكم
رد علي وقال يمكن شهر نوفمبر اوديسمبر
قلت ليش
رد ان الراس الكبير وحنا معاه نبي السيوله الحين وعندنا التزمات لازم نسددها
هذا حال كل الشركات الدايخة الي عندها خساير مايشيلها البعير
لكن في المقابل هناك وجه مشرق لشركات المحترمة الي مابقى عندها وقت على نهاية السنه وتبي تعوض شي من اسعارها وخير دليل كلام دبدوب عن البنك الوطني انه عنده نمو 25% وتوقع ربحية 900 مليون دولار وان سهمه ظلم بسبب نزول البورصة وقال الرجل ان هناك اسهم كثير في السوق الكويتي اسهم محترمة راح تصعد وتترك ورها الأسهم الورقية خلال الوقت المتبقي من السنه