يا جماعه أخوكم أبيض بالبورصه وودي ادش يقولون لي فيها خير شتنصحوني اشتري في الوقت الحالي علما بان المبلغ اللي عندي مو وايد 5 آلاف بس مشكورين على النصيحه مقدما
أخوي أول شي إذا انت مالك بالبورصه ترى عوار راس والله نصيحتي لك دش دورة اول شي في التحليل الفني وراقب الأسهم لا تعرفها عدل أحسن من لا تتحسف بعدين بالنسبة لي انا ما عندي خبره بالاسهم بس الي اشوفه ان بيت التمويل الكويتي زين على الأقل يحفظ لك فلوسك خصوصا إذا انت مستثمر ويمكن أكون على خطأ الأخوه أفهم مني بالمنتدى إن شاء الله يفيدونك والقرار راجع لك
اذا انت طماع وتبي ارباح سريعه اشتر انابيب ولا سفن (بأي سعر تحصله) واصبر مو اكثر من 3 اشهر.. ولا مثل ما قال اخوي هم التمويل زين
أنصحك أخوي أسلم على خمستك ووخر عن السوق ترى ما منه أمان شوف كل واحد شارك بالموضوع أقص ايدي اذا مو خسران وانا أول واحد فيهم
مو من طبعي أعطي نصائح بالشراء .. وأنت اكيد لست مجبور بالأخد بالنصائح ممكن تتجاهلها ولكن حط عينك على أسمنت الخليج باجر إن شفته فوق 405 أشتر ..
قبل ما ادش البورصة راقب الشركات والصفقات ويستحسن انك ادش دورا وعلى فكرة المنتديات فيها الخير. دروس وتعليم.
