المحللين خسروني...!

[white soul]

للرفع

ازداد عدد المنتديات ومع زيادة عدد المنتديات زاد عدد المحللين حتى اصبحهم عددهم يقارب عدد المتداولين في البورصه..!!

ضعنا بالطوشه بين فيوبانشي وشمعة الدوجي

ارسي معطي اشارة بيع والماكد تقاطعه سلبي..!!

الكل قام يحلل وقام يفتي

محللين يوصون بالدخول على اسهم معينه بوقت التصريف

ومحللين اخرين يوصون بالخروج بوقت التجميع..!!

لا حسيب لا رقيب والضحيه منو ماكو غيرهم صغار المتداولين

محللين يوم وصل السوق 10100 قالو اخرجووووو

ومحللين قالو مقاومة السوق 10500 وبعدين زادو 100 وبعدين قالو 10700

محلل يفتح موضوع يحذر من السوق ويخرع هالفقارلى ويخليهم يبيعون وراها السوق يشلع ما يعترف بفشل تحليله يقعد يكابر يقول الماكد اعطى اشارة بيع..!!

زين الماكد شفهمه شعرفه شدراه باخبار السوق شدراه في استحواذات وصفقات ملياريه..!!

محللينا المخضرمين على العين والراس ماقصرتو رايتكم بيضا الله يرحملي والديكم

محللين 2007 خففو علينا شوي حتى احنا نقدر نشري الميتا ستوك ودرزن شموع ونقوم نحلل​

 

[Nagooshy]

هههههههههه

عدل كلامك​

 

[كويتي من ذهب]

اول شي انا مو ضد التحليل الفني ولا ضد اهل التحليل بالعكس ياما استفدنا من التحليل وقدرنا نطلع باقل الخساير
التحليل اذا ما فادك فما راح يضرك

انا مشكلتي مع بعض الاخوه المحللين الي يجزمون بنزول السهم او صعوده وكأنهم يعلمون الغيب ضاربين بعرض الحائط التحليلات الاساسيه للسهم والتوصيات الثقه

احد المحللين قبل فتره كتب تحليل لسهم الدار ذكر في انه من المحتمل نزول السهم لسعر 400 فلس..!!

ما دعاني لكتابة الموضوع هذا اليوم هو سهم الصناعات الوطنيه..!!

بفترة نزول السوق طلب مني احد الاخوه المقتدرين المالين ان ارشحله عدد من الاسهم الي وصلت لاسعار مغريه

ذكرتله عدة اسهم منهم صناعات وطنيه وبنك برقان وغيرهم

المهم الرجال الله يرزقه شرى كمية كبيره على اسعار بين 860 و900 فلس

المهم طلع السهم لاسعار فوق الدينار نصحته بعدم البيه قلت انشالله راح تبيع على 1400

قبل فترة دخلت صفحة الصناعات ولقيت احدد المحللبين الله يهداهم حاط تحليل للسهم وذاكر ان السهم لازم يلامس 960 وان هالدعم مو قوي الدعم القوي 860 فلس..!!

المهم الي فهمته من كلامه ان السهم رايح لل 860 لا محالة والسهم نام جم يوم

فدقيت على خوينا وليتني ما دقيت نصحته بالبيع وقلت ان السهم راح ينزل اجني ارباحك الرجال باع على 1100 و 1080 المهم من باع عينكم ما تشوف الا النور الله يرزق اهل الصناعات

هدفي من الموضوع هو العتب على ادارة المنتدى

كل من هب ودب قام يحط شارتات وقام يحط اهداف البعض يخوف والبعض يطبل وما شفنا اي ردة فعل للاخوه المشرفين

ليش ما يتم تعيين عدد من الاخوه كمحللين للمنتدى..؟؟ادري ان الاخوه مو مقصريتن منهم واو نون والفهلوي وكيو ايت ستوك بس اذا كل من هب ودب قام يحلل المستثمر راح يكون بحيرة من امره واحد يقول السهم طالع والثاني يقول السهم نازل

بالنهاية الي اطلبه من المحللين انهم يضعون نقاط الدعم والمقاومه اما مسال’ ان هالسهم لازم ينزل لهالنقطة فهالامر بيد رب العباد وثقو بالله ان تحاليكم اثرت على ناس وايد..

بالنهاية اتمنى تقبل هالنقد بصدر رحب لان الهدف هو المصلحه العامه مو انتقاد لمجرد الانتقاد​

مع احترامي لكلامك اخوي بس انا اخالفك بالراي واذا تبي تعاتب او تشره على احد لا تشره على ادارة المنتدى خل شرهتك على الناس اللي كلمة توديهم وكلمة تيبهم وبالنسبة للتحليل والمحلليلين تره التحليل الفني يختلف من شخص لي اخر انا قعدت مع كذا محلل وكل واحد كان عنده راي على سهم معين واحد يقول بيع والثاني يقول اشتر وطبعا كل واحد عنده المؤشرات التحليليه اللي تثبت كلامه .. فالتحليل الفني لا يعطيك نسبة 100 بالمية من صعود او نزل السهم يعطيك تقريبا 85 بالمية و 15 بالمية متوقفه على الاخبار السياسيه والاقتصادية وامن الدولة والمنطقه بشكل عام وصناع السوق .. يعن اللي بوصلك اياه انه لو منو عطاك تحليل هم راح تكون فيه نسبة انه التحليل يمكن ما يظبط .. انا واحد من الناس افهم بالتحليل لكن لما اشوف تحاليل الشباب وشارتاتهم استفيد صراحه وساعات اعرف معلومات اول مره اعرفها .. فا نصيحتي لك انك بدال ما تتكل على فلان وعلان وتحاليلهم ادخل لك دورة مدتها اسبوع او اسبوعين وتعلم انت طريقة التحليل وذيك الساعه الاعتماد راح يكون على الله سبحانه ثم على فهاميتك للشارت ثم على مشورة الشباب اللي ما يقصرون وفيهم البركة .. ومشكورين واسف على الاطالة ..​

 

[slack]

فتحت موضوع من قبل فترة ,
قلنا المحللين يزيدون مع ارتفاع السوق و يختفون وقت النزول والكوارث ,
كلهم نفس الطريقه ,
اول شي يحطلك خطين متوازيين ,
ثاني شي سهم يرسمه الى الاعلى , ويقولك السهم صاعد ,
و من مسطلحاتهم , (كوب مقلوب , راس وجتفين , ضب منقلب , راس حربه , لا هذي مالت القدم ’ )
المهم يعني مسطلحات مالها معنى بسوقنا كلش , الي يسمعهم يقول بحضرون يني

يعطيكم العافيه :d

 

[Q8 Stock]

واللي ما يعرف للصقر ... يشويه

 

[zgombi]

فتحت موضوع من قبل فترة ,
قلنا المحللين يزيدون مع ارتفاع السوق و يختفون وقت النزول والكوارث ,
كلهم نفس الطريقه ,
اول شي يحطلك خطين متوازيين ,
ثاني شي سهم يرسمه الى الاعلى , ويقولك السهم صاعد ,
و من مسطلحاتهم , (كوب مقلوب , راس وجتفين , ضب منقلب , راس حربه , لا هذي مالت القدم ’ )
المهم يعني مسطلحات مالها معنى بسوقنا كلش , الي يسمعهم يقول بحضرون يني

يعطيكم العافيه :d

ههههههههههههههه
حسبي الله على بليسك شرقتني
انا اتذكر عدل يوم كان السوق 6000 نقطه والله العظيم لو تراجعون اللي كتبوه بعض المحللين وحط قوسين بين كلمه بعض جان فهمت اللعبه عدل .
من ضمن كلامهم ديروا بالكم السوق يخوف و6000 نقطه سعر متضخم .
واحد من هالمحللين واول حرف من اسمه جاسم السعدون يقول
يقول 6000 نقطه مبالغ فيها .
تدرون شنو اللي يخوف ؟
ان نفسه السيد جاسم السعدون بالايام هذي يقول السوق الى ارتفاع ؟
والله كل شئ حاطه بالبي سي لكن للاسف سويت فورمات وماحطيت كوبي له .
وراح يوصل السوق ل11 الف نقطه والمصيبه راح ننسى الاسامي اللي يخوفونا بالسوق ؟
انا ماراح انسى ولا اعتب عليهم لان المثل يقول :
الي تكسب بوه العب بوه
كويت ستوك

 

[Master-Leo]

انا ما ألوم المحلليل صراحه اذا ماقاموا يحطون توصيات بالمنتدى

أولا : لكثرة الشماته والناس الفاضيه اللي تحب تتطنز وتنتقد على

الفاضي في حالة عدم نجاح التوصيه فالمحلل يقول انا شلي بعوار الراس !!

ثانيا : شنو ذنب المحلل اذا السوق فيه ناس ماتحترم أصلا قوانين البورصه

هالدور تبيها تحترم تحاليل فنيه !!؟؟ بالله عليكم شوفوا تداول اسمنت

الخليج بآخر دقيقه اليوم شوفوا الصفقات وحكموا أي محلل يقدر

يفسر اللي يسوونه من تلاعب بالأسعار !!؟

ثالثا : كل تحليل يحط لك أسعار دعم ومقامه اذا التزمت فيها

راح تربح أو تخسر وهذا من رب العالمين مو المحلل اللي قالك

تعال غصبن عليك اشتر !! كل واحد عنده طريقه بالتحليل وكل

واحد عقله في راسه ياجماعه وبعدين كافي اللي قاعد يحلل

ماخذ من وقته وقاعد يعطيكم التحاليل هل اهو بضيع وقته

يعني عشان يخسر الناس هذي وظيفته يعني !؟

يعطيكم العافيه ومشكورين للردود

 

[وحش السوق]

سلام
بوووووووسة
ما عاش الى زعلك
ودمتم

 

[khalid2002]

ياجماعة مو بكيف المحلل يرفع سهم وينزل سهم 00 السوق تتحكم فية السيولة المالية اذا دشت السوق المحلل مالة ذنب 00 المحلل يعطيك الصح على ان السهم ( مأسس ) 00 المحلل مايقدر على السهم اذا صار علية مذارب حتى لو المحلل دارس بامريكا 10 سنوات ( وجهةنظرى )00

 

[khalid2002]

ياجماعة مو بكيف المحلل يرفع سهم وينزل سهم 00 السوق تتحكم فية السيولة المالية اذا دشت السوق المحلل مالة ذنب 00 المحلل يعطيك الصح على ان السهم ( مأسس ) 00 المحلل مايقدر على السهم اذا صار علية مظارب حتى لو المحلل دارس بامريكا 10 سنوات ( وجهةنظرى )00

 

[Master-Leo]

انا نسيت أضيف شغله وايد اتغيب عن بال الجميع

الخبر يقتل التحليل .... !!! الأسهم اللي ارتفعت

أغلبها عليها أخبار زينه اما أرباح ممتازة أو استحواذ

أو تبادل ملكيات وهذي أشياء من البديهي انها

ماتنعرف من التحليل ومثال بسيط يعني

الخرافي لما رفع شركة المال الى 700 فلس

أحد يقدر يقوله لأ التحليل بس قال توصلها 400 ؟!

 

[KUWAITI MAN]

بس ابي اعرف

سؤال بسيط وابيك ترد بشفافية وصراحة

جم مرة ربحوووك المحللين وجم مرة خسروك ؟

انتظر الرد بفارق الصبر

 

[malek]

والله العظيم انا ولله الحمد خذيت دورة والحمدلله مااستفدت منها لأن الكلام اللي بالدورة الكل فاهمه وعارفه ، المهم أنا اعتمد على خبرتي المتواضعه واشوف السوق اول ساعه واتابع الأخبار حتى بالمطبخ حاط لي تلفزيون وراديو صغير لمتابعة اي خبر زين أو مو زين ، وبعد ان اتأكد أن السوق أفتتح رسمي وبعد أول ساعه ألاحظ الأسهم وين فوق تحت شنو في خبر وأين الهوامير والمحافظ والصناديق مسويين أقتحام على طول اتخذ قرار واشتري مع دخولهم بالملايين ، واخلي لي خطة بحال تراجع السهم أقط على طول قبل أن تستفحل الخسارة ، لكن إذا صعد أشوف والله الربحية حلوه مرضيه لو أن المبلغ من الـ 50 دينار إلى الـ 150 دينار يعنى فوق الزين ابيع واروح بيتنا أتغذى وأحط رأسي وأنام ، وأنتظر لثاني يوم نفس الكرة دخول مع المقتحميين وايضا لاتطمع واخرج بسرعة ولو بخسارة طفيفة مومشكلة ولاتقعد فلوسك مربوطة لأخر العمر .
اللي ابي اقوله انني لاأنظر للشموع اليابانية ولا الشارت وين رايح ومع احترامي للمهتمين بالرسومات البيانية أنا اسوي اسكيب بسرعه للرسوم هذه ، وانا مريح راسي من المعلومات هذه ، وروحوا البورصة شوفوا الشياب أيضا لا يتابعون الأنترنت ولا الرسوم البيانية .
وسلامتكم

 

[zgombi]

بس ابي اعرف

سؤال بسيط وابيك ترد بشفافية وصراحة

جم مرة ربحوووك المحللين وجم مرة خسروك ؟

انتظر الرد بفارق الصبر

انا عمري مااشتري سهم بناء على توصيه من محلل او غير محلل .
اذا اقتنعت بالسهم اشتريه وكلام المحللين مجرد تطمين ووناسه .
على سبيل المثال سهم الشارقه وورقيه والمعدات اشوفهم على ارتفاع .
الشارقه ماقلتها عشان اسمنت الخليج مرتفع لا لان جذي اخسر .
الشارقه بترتفع لل400 فلس انشالله بناء على اداء السهم الغير منظور
اي انسان راح يعرف شنو المنظور اذا فكر بالمستقبل القريب .
في مشاريع بالامارات تحتاج اسمنت والانتاج القومي مايكفي .
منها نفق كبير بدبي .

 

[white soul]

بس ابي اعرف

سؤال بسيط وابيك ترد بشفافية وصراحة

جم مرة ربحوووك المحللين وجم مرة خسروك ؟

انتظر الرد بفارق الصبر

اخوي انا بحياتي ما حملت احد سبب فشلي وخسارتي

خسارتي انا اتحملها المحللين استشيرهم واذا ما صابت توقعاتهم ما الومهم لاني انا صاحب القرار بالاول والاخير

اخوي انت الظاهر ما فهمت قصدي من طرح الموضوع..!!

بعض المحللين الله يهديهم يفتحلك موضوع شطوله شعرضه ويقولك طلعت نجمة الصباح ونجمة المساءوشمعة دوجي ومن هالسوالف وان هالسهم لا محالة راح ينزل للسعر الفلاني والا العكس ان هالسهم رايح للدبل الارسي وصله حده والماكد اختنق والشموع احترقت

الي اطلبه منهم عدم الجزم بوقوع امر ما..!!

يعني عند تحليل سهم معين يذكرون الدعومات والمقاومات

مثلا المجموعه دعمها الاول 380 الثاني 350 مقاومتها الاولى 420 في حال تجاوزها راح تروح لل 455 مو يقولك ان المجموعه رايحه 200 فلس والا المال رايحه 216...!!​

 

[مساهم جديد2007]

والله العظيم انا ولله الحمد خذيت دورة والحمدلله مااستفدت منها لأن الكلام اللي بالدورة الكل فاهمه وعارفه ، المهم أنا اعتمد على خبرتي المتواضعه واشوف السوق اول ساعه واتابع الأخبار حتى بالمطبخ حاط لي تلفزيون وراديو صغير لمتابعة اي خبر زين أو مو زين ، وبعد ان اتأكد أن السوق أفتتح رسمي وبعد أول ساعه ألاحظ الأسهم وين فوق تحت شنو في خبر وأين الهوامير والمحافظ والصناديق مسويين أقتحام على طول اتخذ قرار واشتري مع دخولهم بالملايين ، واخلي لي خطة بحال تراجع السهم أقط على طول قبل أن تستفحل الخسارة ، لكن إذا صعد أشوف والله الربحية حلوه مرضيه لو أن المبلغ من الـ 50 دينار إلى الـ 150 دينار يعنى فوق الزين ابيع واروح بيتنا أتغذى وأحط رأسي وأنام ، وأنتظر لثاني يوم نفس الكرة دخول مع المقتحميين وايضا لاتطمع واخرج بسرعة ولو بخسارة طفيفة مومشكلة ولاتقعد فلوسك مربوطة لأخر العمر .
اللي ابي اقوله انني لاأنظر للشموع اليابانية ولا الشارت وين رايح ومع احترامي للمهتمين بالرسومات البيانية أنا اسوي اسكيب بسرعه للرسوم هذه ، وانا مريح راسي من المعلومات هذه ، وروحوا البورصة شوفوا الشياب أيضا لا يتابعون الأنترنت ولا الرسوم البيانية .
وسلامتكم

أنا مبتدىء ولم أشتر أي سهم حتى هذه اللحظة ولكنني متابع منذ شهر ولم أقتنع بأي تحليل أكثر من تحليل Malak ...........لكن أحب أضيف لكم معلومة عندي خبرة بالأرقام وعلاقاتها وهذه هي حركة الأسهم حركة أرقام قريبة للمتتاليات الحسابية و الهندسية وفق متباينات جبرية ...اي متابعة لسهم خلال دورة كاملة(سنة) على أن يكون السهم ذا حركة تداول يومية معقولة لا سهم ينام أسابيع لابيع ولاشراء فمن متابعة حركة الأرقام يمكن للأنسان معرفة وقت الدخول والخروج على أي سهم وبسهولة

 

[malek]

أنا مبتدىء ولم أشتر أي سهم حتى هذه اللحظة ولكنني متابع منذ شهر ولم أقتنع بأي تحليل أكثر من تحليل Malak ...........لكن أحب أضيف لكم معلومة عندي خبرة بالأرقام وعلاقاتها وهذه هي حركة الأسهم حركة أرقام قريبة للمتتاليات الحسابية و الهندسية وفق متباينات جبرية ...اي متابعة لسهم خلال دورة كاملة(سنة) على أن يكون السهم ذا حركة تداول يومية معقولة لا سهم ينام أسابيع لابيع ولاشراء فمن متابعة حركة الأرقام يمكن للأنسان معرفة وقت الدخول والخروج على أي سهم وبسهولة

اخي العزيز مساهم جديد 2006 ، شكرا على الأطراء اللطيف من حظرتك ،.
وأحب ان اضيف لك وللأخوة معلومة بسيطة وفعليا انا مالي شغل بالتحاليل اللي قاعدين نشوفها شمعه فوق وشمعه تحت ، المهم قاعد اتابع السوق من الصبح واشوف وألاحظ وين في العرض والطلب القوي لليوم ، وهني أقدر أقرر وأشوف وين السهم اللي بشتريه ، ومثل مانشوف كل اسبوع اوشهر يدخلون المحافظ والصناديق بيع وشراء وتصعيد عل الأسهم المنتقاة وذلك إلى أن يحركون اسهم معينة ولمصلحة اشخاص معينيين والعلم عند الله .
المهم الساعة الأولى تخليني اتشجع واطلب معاهم وابيع بسرعة وفي نفس اليوم ومايهمنى اي سهم غير اني اتحرى السهم الأسلامي .
على سبيل المثال يوم الأثنين 7-5-2007 الصبح تابعت السوق ودخلت على المجموعة د وطلبت بالسعر 395 فلس وبعت بالـ405 ومع تذبذب السوق أيضا طلبته مرة ثانية 400 فلس ورجعت بعته بالـ 405 .
المهم الزبدة انك تطلع راضي ومقتنع بجيبك مبلغ لايقل عن ال150 دينار ونروح تاخذالأهل وتتعشى فيهم .
وتجهز نفسك لثاني يوم للمعركة الجديدة ولو تطلع بمربح 50 دينار ، هذه أكبر نعمة ، ولاأقعد ماسك السهم لأخر عمري ، ومتحسف ابيع ولا ماابيع .
ولاتنسوا دعاء السوق والأذكار ورضى الوالدين واهم شئ أم العيال .
وسلامتكم .