مبروك لملاك قروب المجموعه د العيد عيدين

[المعوشرجي79]

السلام عليكم

قربت قربت عيدية مجموعة البدر وراح يصير العيد عيدين

والخبر من مصدري الخاص وقبل العيد راح تشووفون اسعارها



تحياتي​

مشاء الله عدد مشاركاتك طبلتين اقصد مشاركتين وقاعد طبل من اللحين الله يعينك ، يا خوي الله يهديك بس لا طبل حتى لو الخبر صحيح حط لنا تحليل اكتب الخبر الي من خلاله راح يرتفع السهم

 

[فهد الجاسم]

شكرا على مرورك وعل كلمتك مطبل الف شكر

بس انا ماقلتلك رووح اشتر الحين انا قلتلك المصدر واللى وصلني ولا التحليل مو كل شي السهم على مزاج المضارب ولاتنسى انه الحين المجموعه سعره بالقاع

ومشكور على مشاركتك

 

[MOHAMMED11]

قال الحجاج يوما لقومه

ولاضربنكم ضرب غرائب الابل حتى تستقيم لى قناتكم، وحتى يقول القائل: انج سعد، فقد قتل سعيد...).


اعتقد انها تنفع تنقال لمستثمرين المجموعه وربعها
مجرد راي

 

[بو زكريا]

ياما سمعنا من هذا الكلام
نبي فعل مو كلام

 

[nfrs66]

الكلام صحيح اليوم قرقع على روسنا وزع قرقيعان ابو ربع

والعيد راح ياخذ منا عيديات لانه حرام ما عنده

 

[فهد الجاسم]

شكرا على مروركم

ياجماعه انا ترى قلتلكم العيد عيدين والعيد باقي عليه 15 يوم

انتو تشووفونه يوم وتييون تقوولون ماصار شي خلاص منت مجبور تاخذ السهم

انا قلت العيد عيدين مو قلتلك باجر بيصعد ياخي ترى الصبر طيب

تعال حاسبني بعد العيد والله اذا ماصعد والله ماراح تشووف رقعت ويهي بالمنتدي بس اذا صعد ابيك بس تقوولي الله يوفقكم بس

هذا اللى انا ابيه
الله يوفقكم انشالله ويرزقكم من روقه

 

[nfrs66]

شكرا على مروركم
تعال حاسبني بعد العيد والله اذا ماصعد والله ماراح تشووف رقعت ويهي بالمنتدي بس اذا صعد ابيك بس تقوولي الله يوفقكم بس

انا في الحالتين مو شايفك

بس الله يوفقك ويرزق الجميع





اللهم اكفني بحلالك عن حرامك



واغنني من فظلك عمن سواك

 

[اسهم]

شكرا على مروركم

ياجماعه انا ترى قلتلكم العيد عيدين والعيد باقي عليه 15 يوم

انتو تشووفونه يوم وتييون تقوولون ماصار شي خلاص منت مجبور تاخذ السهم

انا قلت العيد عيدين مو قلتلك باجر بيصعد ياخي ترى الصبر طيب

تعال حاسبني بعد العيد والله اذا ماصعد والله ماراح تشووف رقعت ويهي بالمنتدي بس اذا صعد ابيك بس تقوولي الله يوفقكم بس

هذا اللى انا ابيه
الله يوفقكم انشالله ويرزقكم من روقه

شوف دام انك سجلت اول مرة وقلت انها بترتفع واذا ماارتفعت بعد ما اعتب المنتدى عرفتك انت مو صايد الحركة يعني داش بنك نيم ومسمي نفسك فهد الجاسم (لزوم) الحركات

يقولك بيرتفع عقب العيد اي عيد رمضان او ضحية او كريسماس بس اخاف عيد نيروز ولا عيد جمعان الع...

.........................................................

سمعت من احد المنتديات الخبر السار التالي :

المجموعة راح يفتحون مصنع للصابون بمصر قيمته 40 مليون دينار والاكتتاب خاص بس لأهل المجموعة عشان ليا صار انشاء مصنع الصابون الأخ الحبيب اللي انتم خابرينه يقولكم اخذوا الصابون


واغسلوا ايدكم بماي وصابون


مني ومن مجموعتي (الرقاصة)


مصدفقين بعد في امل ؟؟؟

 

[navy_q8]

صدقوني عدم تصديق ما يقال

لأن دائما ما يصرحون أكبر دمبكجيا في البورصة الأخ سامي البدر والأخ جمال النفيسي قبل اغلاق كل ربح عن شركات المجموعة وأرباحهم وعقودهم ويقولون أيضا بعد 3 شهور يعني ايضا قبل اغلاق ربع آخر والمشكلة انكم اتصدقون دائما اسهم المجموعة البيع فيها قبل اغلاق الربع فيها وللأسف أن جمال النفيسي عضو مجلس ادارة بنادي عظيم جدا (القادسية)يا حسافة

 

[فهد الجاسم]

شكرا على مرورك والله ثم والله اول مره اكتب في منتداكم

وانا اشووف نخلي السهم الحم بينا وانت ياخي لاتشتري

عقلك براسك تعرف خلاصك
ولا انا غلطان

 

[abdalah]

الله كريم والعيد أنشاءالله يصير علي الكل عيدينن
قولو أمين

 

[(واحد من الناس)]

نتمنى و لكن!!

عموما الأسعار حلوة الآن

 

[ترندر]

والله حرام عليكم

لاتضيعون العالم بالتطبيل والحجي الفاضي ( مصدر موثوق ) ( واحد قالي ) ( أمي حلمت ) ( أتوقع ) ( تشيير )

اقص ايدي اذا محد دازك للمنتدى

ياخي حرام عليك

والله محد ضيعنا الى انت وربعك المدزوزين ياخي خاف ربك ياخي

مانبي مصادر وديوانيات عروقها بالماي

نبي تحليل فني نبي دراسة للسهم

الحين وقت الشركات الرابحة فقط والتي لم تأخذ حظها من الارتفاع

بعد دخول صناديق خليجية ومستثمرين خليجيين مايعرفون سامي البدر ولا البحر

أعرفون التحليل الفني والسعر العادل

ماعندهم الحجي الفاضي

اسهم المجموعة حاليا للمضاربة اليومية فقط في حالة كسر نقاط المقاومة ندخل على السهم واذا شفت التحليل الفني ينصح بالشراء أشتر

لاتروحون ورا الحجي الفاضي

ودمتم

 

[.osama]

سامي البدر قاعد يجمع لكم العيديه من جيسكم :d​

 

[فهد الجاسم]

شكرا وجزاك الله خير اخي برندر

انت ليش مزعج نفسك قلتلك عقلك براسك تعرف خلاصك منت مجبور تقتنع بكلامي

والسهم هو اللى رايح يرد عليك انشالله لمن تشووفه فووق ال 600 فلس قريب جدا جدا

 

[Director]

اخوي العزيز مو انت المقصود

شكرا وجزاك الله خير اخي برندر

انت ليش مزعج نفسك قلتلك عقلك براسك تعرف خلاصك منت مجبور تقتنع بكلامي

والسهم هو اللى رايح يرد عليك انشالله لمن تشووفه فووق ال 600 فلس قريب جدا جدا

اخوي العزيز لاتزعل ..

بس انت ترمومتر للمحافظ انا اقولك شلون

حشى مو قصدي يعطونك فلوس لا لاتروح بذاك الراي

شوف انت بمشاركتك الاولى بالمنتدى مدحت ووصيت على المجموعه

اذا الاعضاء كلهم ايدوك تفهم المحافظ ان السهم الى الان شعبي
وممسوك والا شلون يصدقون واحد توه دش عليهم

اما اذا عارضوك والاخوان قعدوا يرفضون كلامك
معناتها اصابهم الملل وراح يهدون السهم ..


علشان جذي الاخوان اللي قاعد يعارضونك
قصدهم يقصون على المحافظ
مو قصدهم انت ..

شفت شلون اللي يوصي من اول مشاركة
شلون لازم يضحي فعاد انت خل صدرك رحب واستحمل
مو تبي الخير للأعضاء استحمل كلامهم الي قاعد يقصون
على المحافظ فيه الكلام الموجه لك طبعا شتسوي
صرت بوجه المدفع ​

 

[stillhamad]

ستل حمد ..... ماكو الا انسوي مشروع شراكة بيني وبينك ...

المشروع كالتالي ... انت تقط 50 ألف دك وانا أقط 20 ألف .. صاروا 70 ألف

يعني كل واحد فينا عنده 35 ألف دك ... وحده من ثنتين ... يا نفتح مطعم

في جمعية حطين ( جنوب السرة ) حمص ومسبحه والحركات هذي ...

أو يبا كل واحد يعزل ويجابل هالسوق اللغم ... وياخذ حلاله ...

شرايك ؟ أعطيك رقم حسابي ؟؟

بعدين لا تخاف ... ترى اذا تبي تصير تاجر .... أهم شي الثقة ...

وجرب الثقة معاي ... ما راح تندم

كفاية انك تحط راسك عالمخدة ( هذا اذا مو نايم بالديوانية ) وبالك مو

مشغول ... وتحسب هالخساير ...

المطعم ... اذا خسرت ... خسرت هالأجار والعمال ... يعني 1000 ..بالشهر.

مو مشكلة ... بس ماكو حد أدنى ... ولا تفصخ ... في مسبحه تخيس...

في كباب احتمال ايبس ... اتهاوش مع معلم الشاورمه ... تحوكه طراق

ينتهي الموضوع ...

فكر زين ... وتعال صل التراويح عند العفاسي ... وبعدين ناخذ صمون (قص)

ونروح حديقة الأبراج .. شنو قديييييييييييييييييييييييييييييييييييييم​

المرقاب لنا قبل يسمونها المرقاب يبا

والله يا أخوي شرياص الواحد يتشرف بشراكتك..

بس انا قاعد أفكر اسيل البوك .. قصدي المحفظه (( يعني منهم )) .. وادش بشغله ثانيه احتمال احصل من وراها خير .. واذا أقتنعت فيها دزي بيجر علي الأميل .. هي اساسا تعتمد علي العلاقات الشخصيه والمعارف والجيران ..


المشروع راسه ماله مكينة نسخ دي في ما تكلف أكثر من 400 دينار .. وأشرطة دي في دي فاضيه الواحد يطلع عليك ب 100 فلس .. + ميتسوبيشي كولت + الجوتي الأسود مال بورسلي أيام المدارس قبل ..

أنا أنسخلك الأفلام وأظبطهم بالترجمه والبوستر .. وطبعا هالعمليه محتاجه جهد وتركيز وتبقق عيون ..

وأنت دورك تحطهم بدبة الكولت يوم الخميس والجمعه وطيار علي المقاصيص .. تبطل الهاتشباك و الشريط علي دينار ونص ...

وباجي أيام الأسبوع تحطهم بجنطه وتفتر علي القهاوي .. بحولي .. المرقاب .. الجليب .. بالدوانيات عند ربعك وخلانك وهلما جرا ..

وعندك الحساب شوف ربحك شكثر مقارنه براس المال يوصل ألي أكثر من 1000 % بكل شريط ..


وطبعا هالربح ما تطلعه لو تقعد تضارب سنه بالمجموعه الدوليه ..

بأنتظار ردك علشان نتقاطط سعر الجهاز والأشرطه ..

أكيد عندك سؤال .. بخصوص جوتي الباليه ,... هذا طال عمرك في حال طب عليك واحد من الأعلام أو التجاره .. يخليك تطلع 100 كيلو بأربع ثواني فقط .. نفس البورش بالظبط ..

وانشالله من نتوفق وتصير أول بيعه... راح نحتفل باليوبيل الفضي حق شراكتنا .. وراح أعزمك علي عشا بأبو نواس وبعدين نحلي بكنافه عند موفق جبري .. ..

 

[الكويت غاليه]

بصراحه أكبر رابطة مطبلين ومشجعين بالسوق بهالسهم!!

لبش ما أدري؟؟
على العموم الله يوفقكم جميعاً

 

[stillhamad]

بصراحه أكبر رابطة مطبلين ومشجعين بالسوق بهالسهم!!

لبش ما أدري؟؟
على العموم الله يوفقكم جميعاً

أي مطبلين أي مشجعين ... فيه ناس تعدوا هالمرحله من زمان وحاليا قاعدين يحضرون رسالة دكتوراه بالتنويم المغناطيسي ..

من تتابع مشاركاتهم تدوخ وتتسبه وتجد نفسك تحط أمر بيع وشراء من غير لا تدري عن نفسك .. لما يسكر السوق يالله تنتبه .. وتقول أنا فين .. أنا مين .. وحينها لن يفيد البكاء علي الفيمتو المكتوت .

 

[boali]

.. وراح أعزمك علي عشا بأبو نواس وبعدين نحلي بكنافه عند موفق جبري .. ..

وييه شخباري

والله أيام !!

تصدق لو أبحث شوي بقاموسي

أكيد راح تطلع واحد من الربع

اذا ابي أتأكد شوي منك مو انت اللي كفختك الفلبينيه عقب ما حلينا

من كنافة عدنان جبري