أول شي هذي مو دعايه .. أعتبروها معلومه يمكن البعض ما يدري عنها وحاب أفيدكم وأنوركم .. لا أكثر ولا اقل .. قبل أسبوع تقريبا شريت لاب توب من الغانم ماركة أيسر بسعر 239 دينار ومعاه كوبون مشتريات بعشر دنانير .. يعني يطلع عليكم ب 230 تقريبا .. المهم هالابتوب كل شي فيه أول شيء الشاشه 14 حجم كريستال . 1.7 سنترينو عادي مو due .. وايرلس .. بلوتوث .. ديفيدي رايتر الرامات 512 80 غيغا بايت .. وزنه خفيف .. .......... ولقيت واحد ماركة سيمنس بمجمع القيروان بشارع بن خلدون طبعا جديد بالكرتون مع الكفاله .. ب 250 دينار ولولا شرائي للأيسر قبل ما أشوفه جان شريته .. الرامات 1 غيغا ... du سنترينو 1.8 أعتقد .. التخزين 100 غيغا فيه ديفيدي رايتر .. ممكن يستخدم كتوستر أو لشوي الهمبرغر .. .. الشاشه 15 كريستال .. وكل شي فيه .. أنا لقيته بأول محل علي أيديكم اليمين عند دخولكم المجمع من المدخل المقابل للشارع الرئيسي (( بن خلدون )) .. وأعتقد باجي المحلات يبيعونه بنفس السعر أو أقل ,.... المهم مواصفاته خياليه ولا يطوفكم وخصوصا لمن يبحث عن لاب توب حق البورصه .. رخيص وكويس .. مواصفاته مو طبيعيه .. أتمني أكون أفدتكم بهالمعلومات اللي يمكن تكون خافيه علي البعض منكم .. وجزاني الله خير علي هالمعلومات الطيبه اللي مثل راعيها ..
أي والله يزاك الله خيرعلى هالمعلومات بس الكلام هذا من صجك وإلا تتغشمر ؟؟؟؟؟؟؟؟؟؟؟؟؟؟؟ يعني أقعد أتابع البورصة وأسوي غداي مرة وحدة .
حمد شرايك بالايسر؟؟؟ اليوم رحت بشتري لاب توب وعجبني الايسر زين وسعره رخيص بس خوفوني قالولي بطاريته 6 اشهر وتخترب فقلت اسئلك بالاول قبل لا اشتري؟؟ ومشكور مقدما
عن تجربه HP & LG افضل جهازين جربتهم من الاب توب ايسر تمشكلت مع البطاريه ومع شغلات اخرى لكن الحمد لله الحين عندي hP الحمدلله ما شفت منه مشكله مع انه استعمالي ثقيل عليه يعني باليوم يشتغل يمكن اكثر من 8 ساعات وعندي صديق ايضا يمدح LG ايضا استعمال ثقيل وبدون مشاكل
انزين انا عندى ايسر قبل كان شزينه بس سويتله فورمات اعتفس فوق حدر تقريبا بعدها سويتله 3مرات فورمات بس قبل كان احسن مو يقولون الفورمات ينظف الكمبيوتر
نشكر صاحب الموضوع على دعايته بس يا شباب ابتعدوا عن الايسر خير شر شركته من اسوأ الشركات فى الصيانه واذا فى يوم من الايام تبى تبيعه ما تلاقى احد يشتريه اما من افضل الانواع فى اللابتوب فهو فعلا توشيبا وسعره فيه وتلاقى له شراى اذا فكرت يوم من الايام تبيعه (( يعنى مثل المرسيدس )
شباب الي يبي عندي توشيبا جديد بالكرتون سنترينو 1.8 رام 512 شاشه 15 وايرلس 4 يو اس بي 80 غيغا دي في دي إتش بي هموم اديشن الشكل جديد السعر نهايه 315 الكميه محدوده للجادين-7376009
