السلام عليكم في اخر مؤتمر عرضت فيه نوكيا تلفوناتها الحديثه عرضت ايضا تقنيه جديده للأتصال وتحت مسمى Wipree واكدت فيها شركة نوكيا انه من الربع الثاني لعام 2007 بتنزل هالخاصيه في الجوالات والويبري تقنيه جديده لها نفس ميزات البلوتوث لكن اللي يخليها احسن من البلوتوث السرعه اللي تتميز فيها أولا:واللي هي 1Mbps .... بينما البلوتوث 10Kbps ثانيا:كلفة تصنيعها ارخص من البلوتوث. ثالثا:استهلاكها للبطارية اقل بأربع مرات من البلوتوث. ورابعا:يعني تقدر تتصل باكثر من جهه في نفس الوقت يعني تقدر تكون شابك سماعة وشابك التلفون بالكمبيوتر وفي نفس الوقت عندك امكانيه تستقبل فايل من جوال خويك وترسله بعد عالويبري وبدون اي اختلاف فالسرعه يعني باختصار تقدر توصل لأربع جهات في نفس الوقت بدون اي بطئ او تعليق. طبعا بالنسبه للمدى فهو من 5-10 متر وتردد الاشعه فيها هو 2.4GHz ولأنها بتكون رخيصه التكلفه فالتصنيع فبتكون هالتقنية واسعه الانتشار واوسع بكثير عن البلوتوث فبتبدا من التلفونات والكمبيوترات للالعاب والساعات وغيره ...وايضا بتقلل من تكلفة التلفونات . وهذا شعار الويبري الرسمي وهذا الموقع الرسمي لهذه التقنيه http://www.wibree.com
إفتكينا من البلوتوث طلع الأردى منه... لكن إذا أحسنا استخدامه راح نقول (راح البلوتوث و يانا اللي أحسن منه)
ياجماعه المشكله ماهي مشكلة بلوتوث المشكله الكبيره هي الكاميرا والمشكله الاكبر اللي عنده هواية التصوير مشكورين على الردود
