الامر معلق والسهم قاعد ينزل الان والاوسط عطلانه تلفوناتهم

من المسئول عن خسارتي ؟
طبعا الاوسط راح يقول هذا خارج عن اردتنا
..............
اقول الي اخي صاحب فكره الزياره ارجوا عدم وضع نفسك في موقع محرج لان الخلل ليست في ادراج الافكار الدخانيه بل في العمل على حرص الشركه من المسائله القانونيه في كل خساره تقع علي المشترك معهم بسبب الاهمال الواضح

 

الله يكون بعونك

 

الله يكون بعونك يا خوي انا خسرت اكثر من مره والسبة الاوسط يا معلق الحساب او انه الاوسط داون ما ندري منو انصدق والله دخنا معاهم

 

بسم الله الرحمن الرحيم

ودي أسمع واحد يمدح بالأوسط

 

الله يعينك محد يعرف القهر الي بقلبك غيري ، صارت معاي مرات وتعبنا نكتب ونقول

آخر تلفوني معاهم ما كتبتبه بسبقول شنو صار معاي
أتصلت قلت أخوي السهم صعد ولين الحين صاعد و أوامر البيع ما تتنفذ !! قالي هذا عيب البيني رديت عليه قلت له أخوي مو بني السهم سعره 4$ وشي وهو بالسوق الرسمي !! قال ممكن من الجهاز أو شيء !! رديت عليه : الجهاز مو معلق بس أوامر البيع معلقه ببرنامجكم الرهيب الأوسط برو !!

سكت وقال والله ماادري شقول لك !؟
قلت منو السبب ؟؟ ليش ما تكلمون المسؤولين عن الشكاوي والمشاكل ؟؟ ليش تتكرر هل السالفه ؟

رد علي رد عجيب قال : أخوي إحنا برمضان والناس الصايمين وتدري .... قاطعته بسرعه قبل ما يشرح قصه حياته شكو رمضان بأوامر معلقه وما تتنفذ !! ؟ يعني شنو برنامجمك صايم ؟؟ الظاهر أنقهر وقال : أخوي كلم الإداره بكرا الصبح على شكوتك ؟!
قلت له : سلم على إدارتك وقول لهم رمضان كريم يا ناس
قال شنو ؟؟
قلت حقه مع السلامه وسكرته ... سكرته من القهر

الله يعوضك ويعوضني يارب

 

الله يكون بعونك يا الحبيب
حاول تشوف بروكر ثاني عندك الوطني أو برقان هذا اذا ما تبي بروكر اجنبي

اليوم bank of america أعلان عن تداول مجانا الي حسابه اكثر من 25000$
بدون limite يعني اشتر وبيع علي كيفيك

طبعا في بروكر ثاني أسمه www.zecco.com هذا يعطيك تداول مجاني الي الابد (يعني تداول بدون عموله)

دش الموقع وشوف بنفسك حطوا مقابله من المدير قبل كم يوم علي القناة CNBCالامريكيه

الموقع حلو حق بو ابراهيم الي يحب يتداول اكثر واحد فينا

 

اهم شيء الخدمه حتى لو كانت العموله عاليه

الخدمه هي نجاح اي شركه لكن المصيبه اذا كانت عموله عاليه وخدمه تؤدي الي الخساره. هذا هو الاهمال الحقيقي والامبالاه في اموال المستثمرين.
الي الان خساره 7 الاف دولار محققه ولا ادري متى هذا الامر المعلق ينتهى. اما في رصيد صفر او ........... دعوى قضائه تعويض ضد الشركه
--------

 

تبون الصراحة..اغلب الشركات المالية في الدول العربية هي ملك اشخاص اقوى من حكوماتها لذلك فهي اقوى من القانون.. تصارخ تشتكي مالك حق حتى العقود اللي موقعينك عليها اغلبها عقوود مبطنة تحميهم من كل شي حت من النوم اذا كانوا نايمين وانت خسران.. ويقولون ليش نحب نتعامل مع الامريكان.. لانهم ببساطة ناس منظمهم القانون واحنا لاخوف من الله ولاقانون... بالنسبة لاهل الكويت اذا ملزمين على الاوسط ولاتبون تغيرونه.. ولأن القانون يسمح لكم سووا اتحاد مساهمين ضد شركات الوساطة واشخلووهم ..بس اخاف يشترون اعضاء الاتحاد ويسكتوونهم بجم سهم وجم عملية ببلاش ..

 

اللـــــــــــــــــــــه يكون بعونك

 

الافضل لك اخي تغير الوسيط

الى وسيط اميريكي يقدر العملاء

واقرب واحد ameritrade


https://wwws.ameritrade.com

والله يفك ازمتك

ويرزقك ياغالي​

 

اخي الفهلوي الي الان الامر معلق والخطوط الجديده والقديمه معطله!!!!

ولكن الحمدالله فضل الله وفضل علاقتي الطيبه مع الاوسط حصلت على احد الارقام لموبايل احد البروكر وكان في اجازه سنويه وسوف يذهب الي الدوام لحل مشكلتي . قبل ان اذهب اليهم بالسياره وأطق درب طويل جدا الي الشركه
--------
مشكور جدا من تعاطف معي واحس في خسارتي وكان ودي اخوي الفهلوي يعرف هذا الخطأ الجسيم ويهتم في حلقه الاتصال المباشر بين العميل والشركه عند حدوث امر طاري بوضع غرفه عمليات طارئه تتضمن الامور الفنيه وتعالجها مع عن طريق شبكه خطوط جواله وارضيه لكي يتم السيطره على جميع المشاكل. مع اهم نقطه وهي زياده كادر الموظفين في غرفه تداول البورصه الامريكيه وذلك لكثر عملائها.
مع العلم انني احب الاوسط برو مهما كانت النتائج سلبيه وذلك بسبب المدة الطويله وانا معهم وان هذا اول مره يحصل معي .
-------------------
ارجوا ان يكون الموضوع في غايه الاهميه .

 

زين بدالتهم وسوها ليش الجماعه مايردون ؟

 

تم الالغاء اخيرا

وذلك بفضل بروكر كان في اجازه وذهب اليهم واتصلوا علي وتم الغاء الامر المعلق.
والان اشتغلت البداله الجديده بس شنو الفائده.

 

الحمدلله على كل حال اخوي الحبيب وكل شي مكتوب ومقدر وربي يعوضك خير من اللي راح يا رب

ولا اذكرك بتوقيعك اللي كل ما اشوفه ينشرح صدري

كلما استحكمت فرجت
ولرب نازلةٍ يضيق لها الفتى ذرعاً وعند الله منها المخرج
ضاقت فلما استحكمت حلقاتها فرجت وكنت أظنها لا تفرج

 

الله يعوضك خير ان شاء الله
والمهم انه الواحد يتعلم شوي شوي من مشاكل الاخرين

 

الاوسط

 

السلام عليكم
ابي رقم الاوسط الجديد
ودي ازفهم .... خدمه تعبانه فصل معاي وانا بعز التداول

 

2255555 لا تعب نفسك مشغووووول
::verymad::​

​

 

حبيبي هالحركة يسوونها لمن يتوهقون ويعلق معاهم الخط

يقطون السماعة انا متأكد من هالشي

وياما وياما خسرت مبالغ بسبتهم هال.............

 

السلام عليكم

بصراحه انا حديث عهد على الأوسط وحبيت استفسر
من الأخوان اللي صارلهم مده طويلة بالأوسط هل هذي المشاكل
تحدث بكثر ولا نادره الحدوث
واذا كانت تحدث بكثره ياريت الشباب بالمنتدى يسوون موضوع
مستقل من تجاربهم مع بروكر غير الأوسط يكون بديل افضل من الأوسط

وشكرا