الاكلبى

[عفار]

سعدبن جدلان

شاعر فذ يابوفهد أسمع وش يقول

أنا راضى باللى عليّه كتب ربّي
00000000000000000000وقانع بميسوره وراضى ابمكتوبه
ولا أبغى عما الاريا 000يجرّبي
00000000000000000000وهو ماعرف مقدار ربي وماجوبه
هذور المجالس راعي المدح والسبّى
00000000000000000000وهو فالخلا لوجاه بنت خذت ثوبه
يقولون لى جز من تصرفك وتحّبي
00000000000000000000 ونا توبتى من مجتمعهم هى التوبه
ألا يالهبوب البارده عجلى هبي
000000000000000000000على جاش من قامت هواجيسه أتلوبه

 

[خالد فهد السلوم]

lمسكين يابن عجلان

انا كنت من مده شهر استمع الى شريط وانا في البر في ليله من ليالي

الشتاء .. وما احلى السمر على ضوء القمر مع صحبه شرواك وكل من

يقرأ هالسطور ... الشريط فيه روائع من الشعر الشعبي اللي يخليك

تحس ان ايام الآباء والاجداد كانت جميله ورائعه ... ولا ادل من ذلك

هالابيات الحلوه لابن عجلان وفيها ما يذكرنا بروعه الماضي اللي قارب

يتلاشى وحنا نشوف .... يا حيف .

ودي اقتطع من قصيده ابن عجلان الاتي :-


هذور المجالس راعي المدح والسبي

وهو فالخلا لو جاه بنت خذت ثوبه


وانا اقول :-


رقيق المشاعر راعي الهيل والبني

يحب الزين لو خذت روحه ( مهوب بس ثوبه




وسلامتكم

 

[عفار]

صادوووه

أثر قلبك خضر يابوفهد

سبحان الله يابوفهد فييه شيّاب أعرفهم وهم شعراء طبعا بس

مغازلجيّه طبعا بالشعر وليس بالدوجى بالاسواق أو غيرها

وكل ماقولهم يالربع أستحوا تعديتوا المنعطف من عمركم (45 سنه)

من المفروض قصيدكم كله حكم

ألا أنهم يتضايقون منى ولاعاد يبون ألا فرقاى

واحد منهم يقول

يازين سلّم تراك أخطيت00000 لوماتكلمت بلسانك

رد التحيه ليا00مريت00000000بأطراف رمشك وحجّانك

ترى تحيّتك تحي الميت000000ونا بسيّتك000واحسانك

حتى بشوف النظر شحيت0000ياكبر صدّك00وهجرانك

لكن انت شباب ماشاء الله عليك ومن حقك تقول شعر

أذا حرك ابن جدلان شعورك وخلا الهواجيس أتصافق مع بعضها

فى ضمايرك

ايه يابوفهد

 

[خالد فهد السلوم]

قوس قزح

يابو عبدالله قلبي ماهوب خضر بس ... انما حمر ( بفتح الحاء والميم )

واصفر وازرق وادعم ... ومودماني .... اما قولت ان سن 45 هو منعطف

خطير حيث ان الشاعر لابد يقول الحكم ... ويصحى على حكم .. ويرقد

على حكم ... فانا احب اوضح الآتي وانت تحكم يابو عبدالله وانا راضي

بحكمك ... اسمع ياطويل العمر :-

*القهوه ما تصمل الراس الا اذا تعتقت على الضو وتركتها تتشرب الهيل

والمسمار .

* الخبز ما يضبط الا اذا تركته فتره عشان الخميره تسوي سواياها .

* الارض ما يزيد سعرها الا اذا قعدت سنين الى ان يزيد سعرها .

* اللوحه يمكن توصل سعرها بالملايين اذا عدت عليها السنين .

والامثله كثيره ... المعنى ان الانسان كل ما كبر به السن زاد تقديره

لامور كثيره ... وبالمناسبه جد جدي تزوج 9 حريم في حياته .. وكان

شباب ذاك الزمان يقولون لجدي علامك يابو فيصل تتزوج بكثره مع انك

ضرير (كفيف) يعني كانوا مستغربين انه يحب الزواج مع انه كفيف ....

وهم يرون ان المسأله المفروض ما تفرق عند اللي في حالته ..

كان يرد عليهم انه يحب الزين ويقدره .

والشغله في نظري يابو عبدالله عمليه نسبيه ... فا اللي يحب العسل

وياكله صبح ومساء ... يستمرر اي شى بديله ....

واذا الظروف حكمت ما تاكل الا الليمون فان القلب يصير خضر وحمر

وبنفسجي وهم مودماني .

اما ربعك الا زعلوا منك .. ولا يبون الا فرقاك ..فاعتقد انهم هم اللي

خسرانين ... وعلى قول المثل اللي ما يعرف الصقر يشويه .

واختم بقصه شيخ من شيوخ شمر ... نوى العرس وهو في سن

الستين ( مهوب الاربعين الله يسامحك يابو الحكم ) والخبر وصل لزوجته

وداخل الخيمه في ليله من الليالي قعدت تصيح وتقول عسى ما شر

يابو فواز عسى ما قصرنا في حقك ... رد عليها ابد ما جاء منك قصور

لكن انا رجال احب التشبب ... في لحظتها انفعلت العجوز وقالت ما

تستحي على وجهك وانت شايب عايب .... وقتها ابتسم الشيخ

ابو فواز وانشد :-


حنا اذا شبنا اخذنا شباشيب .....

وانتن اذا شبتن زدتن هبالي .....


وسامحونا .

 

[عفار]

هلا ابوفهد

أنت بيّن عليك أتأيد الشياّب اللى فوق

ترىعندنا شيّاب فى هالمنتدا يمكن يسمعون كلامك وبكره تجينا

بطاقات افراحهم حتى ولو انهم فى الكويت

أنت تنظر للمسئله من وجهة نظر الشيّاب لكن وش ذنب هالمسكينه

اللى راح تدفن زهرة شبابها مع هالشايب

لاقالت له تكفا يابو مشعان

ودنا للمطعم الصينى بنتغدا فيه رد عليها ابومشعان وقال

أنقلعى وراك

ماهى من عوايدنا انتغدّا برّا أبيوتنا

ولاّ اذا قالت له أنا طالبتك يابومشعان تودينا للحكير لاند

عطاها مشط ولاّ مطرق على ظهرها

لا لا لا لا

يابوفهد

لازم يكون فيه توازن

صحيج القديم له وقاره ومكانته بس لايتحوّل الى مراهقه متاخره

شف وش سوّت المراهقه

المتأخره بشايبنا هذا

هذا شايب عمره طق 90 أعياله يشيلونه ويحطونه على المركا

يعنى قاضى بس مازال فيه عرق ينبض

اخذله مده مايكلم اعياله ومسوى روحه زعلان عليهم فأعياله

بارين ببوهم وحالوا يعرفون السبب أعرضوا عليه زيادة حلاله من طرشهم لكنه رفض

قالوا بناخذك لمكه أيضا رفض المهم

أستغربوا العيال ألا ان واحد منهم أذهين قال يابوى انت تبى

الزواج ومستحى

وما دروا العيال ألا هالشايب صاكن هالابتسامه العريضه اللى بغت أسنونه

تتطيح منها

قال

الله الله

قالوا أبشر تشاوروا العيال مابينهم من ترضا تاخذ هالشايب

قالوا مافيه ألا افلانه حرمه كبيره قد اخذت لكن الله مارزقها

بالعيال

عمرها بحدود 38

راحولها وعرضوا عليها الامر ووافقت الحرمه

لكن نبهوها على انها ماتذى الشايب بأى رفسه لانه مايتحمل

فوافقت

وجات الليله المشؤومه على هالعود يومن الله أقرده

دخل الشايب مثل مايدخل العرسان فى ليلة أفراحهم

ومن بكره الصبح لقوه فاطس مايتحرك

والحرمه بجنبه تبكى

تقول شيلوا شايبكم لابارك الله فيكم وفيه

ألا ان القصه فيها

مفاجاه

الحرمه بعد تسعة أشهور جابت ولد وسموه بولد الجنازه

أى اسمه = جنازه

وهذه قصه معروفه عند ابناء الباديه

ويافرب راعيها من خوالك

 

[خالد فهد السلوم]

السن

السن يابو عبد الله عمليه نسبيه ... مافيه شى اسمه شايب عايب

ولا فيه شى اسمه زغير ( صغير ) يدندن .... ياما شفت ناس في

العشرينات وكانهم شيبان في التسعين ... والعكس صحيح ... لكن

احنا اذا شفنا الشايب اللي روحه شبابيه .. قلنا لاحول ... متصابي

والا بعض الاحيان نقول مراهق ... واذا شفنا الانسان الرزين قلنا لا حول

يا ثقل طينته ... ياهو شايف نفسه ... واذا شفنا المرح الودود قلنا ...

يا هو مخفه .... مستملح نفسه ... تقول الوسط زين؟ يا بييييي (

باللهجه الحايليه ) وين الوسط الله يسلمك ...ما فيه وسط في ذلك

لانها عمليه نسبيه .... فالشايب التي تشوفه انت متصابي مراهق

انا اشوفه فنان ... روحه شبابيه ... واللي تشوفه انت رزين وعاقل

وتكانه ( من استكانه ) فانا اشوفه ثقيل طينه وممل ... وهلم جرا ...

ابي اورد لك مثال انا عايشته في رجل عمره 57 سنه .

___________

في مدينه جده كنت انا وقريبي قاعدين في مؤسسته .. ودخل علينا

لحيه غانمه ... عرفني عليه قريبي ... وبعد فتره اصبح يتردد كثير على

المؤسسه ... وصرنا مع الوقت ما نفترق ... هو من الناس اللي عايشوا

طفره الاراضي وغنم من الله خير ... وصار ت امواله بالملايين (ماشاء الله

الشي الوحيد اللي يعرف له بهالدنيا شي واحد :-

تجاره الاراضي والمزارع والبعاريين ..... ما عدى ذلك ... فالرجال كنه

طفل ابو اربع سنين .... الشاهد يا طويل العمر غاب عنا فتره .. سألت

ولد عمي ..وين ابو طلال عسى ما شر ... رد على .... ليه ما تدري ؟

قلت خير ..؟ الرجال حي ؟ قال حي غانم سالم .... ولكن اداره الكره

في النادي الاهلي عينوه مدير لكره اليد في النادي ....

طبعا انا اعرف ابو طلال زين ... ما يفرق بين كره اليد وطاسه حليب نياق

وموضوع الاداره الكرويه يبي لها المام في فن الكره وفن الاداره !

وللمعلوميه اللي يعرف النادي الاهلي في عام 91 .. يعرف مستواه

الكبير حيث انه يحقق ليس فقط بطولات محليه انما خليجيه وعربيه ...

طبعا ابوطلال غاب كثير عن مجالستنا .. وما عاد يشرب من قهوتنا

وكل ما شفناه في النادر ..قال انا رايح لللامير عشان المعسكر الفلاني

والله ان عندنا مباراه مصيريه ...الخ .. طبعا قلنا ما يصير يابو طلال تراك

هجرتنا بالحيل وترى نفسك وعيالك لهم حق عليك ... وكان رده لنا محبط ( انتم ما عندكم طموح وفاضين )

طبعا صرنا ما نسمع عنه الا من الصحف .... ومع الايام ايضا تدهور

كره اليد في النادي الاهلي بصوره سريعه لدرجه انه صار يصارع الهبوط

للدرجه الثانيه ... وخذ مع الوقت الحش في ابو طلال من المحررين

وكذلك بعض المشجعين اللي رأوا فيه السبب الرئيسي في تدهور الكره

طبعا هذا الجو المشحون المتردي اجبر اداره النادي على فصله .... !

طبعا حنا ما ندري عن الخبر الا من الصحف ولكن سكتنا وما قلنا شي

وما اتصلنا عليه .... المراد ذيك العصريه وفي حوش المؤسسه على

الثيل فرشنا زوليتنا ... ونادينا على القهوه ... واذا والله ابو طلال يدخل

ويسلم علينا سلام شخص جاي من سفر ... المهم شرب القهوه

وتسامر معنا ...همن تعشى معنا .... وقال يالاذن تصبحون على خير

قلنا يا سفابك يابو طلال بتوحشنا ... اكيد بياخذك النادي منا اشهر ؟

( هنا هو ايقن بعد هالملاحظه اننا اكيد ما ندري عن موضوع الاقاله

وخصوصا انها مر عليها اسابيع ) ... التفت علينا وقال والله يا جماعه

الدنيا ما هوب ملحوق لها طرف ... وانا بصراحه قررت اخفف شوي من

انشغالي عنكم وعن ( ورعانا) ... طبعا فرحنا انا وولد عمي

بهالخبر وقلنا خلاص يابو طلال حنا هالحين طالعين نسهر الليله في

كبينه ابو بدر .... قل تم .... قال ابد انا بين اديكم .....

قبل ما نطلع من الباب ... سألني ولد عمي عن نظاراته حقت النظر

وينها ... قلت هناك على الطاوله اللي في المكتب الداخلي ... طبعا

ابو طلال يسمع الكلام .... دخل ولد عمي يدور عليها ما لقاها ...

رجع لي مره ثانيه ... وقال يابو فهد ما حصلتها ... قلت له انت ما تعرف

تدور ... شفها على الجريد ه ( الصحيفه ) هناك ... التفت على وقال

ياخوي الطاوله مليانه جرايد .... هنا انا انفعلت وقلت يابو بدر تذكر

الجريده اللي قرينا فيها فصل ( اقاله ) ابو طلال ؟ قال ايه اعرفها ...قلت

ابد فوقها ....

التفت على ابو طلال ووجهه احمر ... وقال انتم عرفتوا عن الخبر ؟

قلت اي نعم لا بل يا الحبيب كنا متوقعينه من لحظه ما وقعت العقد

يا كارلوس البرتو .

 

[عفار]

يعنى أبوطلال ثقيل طينه

والله معك حق

يابوفهد الشغله يبيلها شى من النسبيه والتوافق

الفكرى والاجتماعى وهلما مجرا

يعنى زى الحج متولى

فاللى عنده قدرات الحاج متولى وش اللى يمنعه ما يطق برقبته

أربع

ولاّ ثلاث

ولاّثنتين

 

[fahad 1972]

مشاركه خفيفه

أرجو انكم ماتقولون وش قطة الوجه

أعجبني حديثكم ؟

وألي اعجبني يابو فهد ولا يهون أخوي ابو عبد الله ان قلوبكم ( خضر )

لكن العمر مهو مشكله لصار الواحد شباب القلب.

فالشرع حلل 4 ولا فيها عيب الواحد يتمتع بحياته . بشرط العدل بينهم

نعم فارق السن فيه مشكله يبو فهد . زمان جدك وجدي ولا

لما تجيبلي واحد عمره 70 وتبيه يتزوجه ام 20 معتقد انهم راح يتفاهمون

ألى من رحمه الله يبو فهد

الفارق واجد اشجاب الجاب .

ولا ايش رايك يبو عبدالله

 

[عفار]

حياك أخوى فهد

بس أنا ضايق منك

حطيتنى شايب

وناتوى بزهرة شبابى على مايقولون

بينى وبين المنعطف مسافه ياطويل العمر

أما أبوفهد

أنا مادرى عنه لكن على ما أظن أنه دق أشارة على شان ياخذ المنعطف



بس قلبه خضر وأبيض كمان

 

[دايخ]

خاش عرض

انا مرةٍ بصحى ومرٍ يغيبي *** واسرح على كثر الطواري بغيبوبه

 

[عفار]

لايادايخ

هذا أنسب

مكفاك منّى سجّتى بعض الامرار
0000000000000000000000 أنهج جنوب وحاجتى بالشمالى

 

[fahad 1972]

يعطيك طولت العمر يابو عبدالله.

لا تضيق علينا ماقلت أنك شايب ......................

بس شد حيلك و خذ الثانيه . يسنافي وعزمنا على العرس.........

يستاهل ابو فهد ................... كل خير . انا ماعرفه لا كن من

كتابات باين عليه قلبه ابيض وبن حلال.@

 

[خالد فهد السلوم]

حياك

حياك الله اخوي فهد ... وهذا من طيبك ...


اما الاخ العفار .... اللي يظن اني باين على دقيت الاشاره للمنعطف (

للمعلوميه اللي ما يعرف المنعطف ... يعنى الاربعينات ) ... فانا احب

اقول اني توني ما ريحت سيارتي من الثالث للرابع ... وشلون تبيني

ادق الاشاره للمنعطف ؟

 

[عفار]

(

حتا أنا ماريّحت سيّارتى من الثانى للثالث وشلون تبينى

أخذ الثانيه ونا عزّابى الله يطّولى فى عمرك

شوف غيرى يالغالى

 

[طموح]

أبو عبد الله مساك الله بالخيييييير

 

[عفار]

مساك الله بالرضا والعافيه والخير

وكيف حالك طموح

تذكريوم أغديك على حسابى

 

[دايخ]

اخوي عفار كنك عارف اني شمالي !!
بسم الله وش دراك
بعدين ترى البيت اللي ذكرته انا من نفس القيده اياها ولا اللي ذكرته انت راكب اكثر والله يستر من تاليها (
وتكفى يابو عبدالله لا تضيع الصيف اعرس ترى العرس زين وخلك من الشيبان ولا تضيع يوم من شبابك ترى السوق والمنتديات ملحوق عليها .

 

[عفار]

الله يطوّلى فى عمرك

عزيزى دايخ

هذا الكلام السنع ومشكووووووووور على هالنصيحه

أنا عرفت أنك شمالى من يوم أنك نسيت أتروح للجماعه فى غرفة

البالتوك

ويّا تنظيم مهاب الله يستر عليهم



على شان أتخططون للبفت وتدرسونه

وحسيت أنك شمالى وراعى طويله وصدرك وسيع



عموما

أنا بعقلها وأتوكل والوجه الظاهر شماليه

كنك تشارقها

 

[دايخ]

هذا والله العلم

نتمنى لك ان شاء الله يا أخي التوفيق والسداد وان يجعل على طريق الخير خطاك وأن يسترنا وإياك فوق الأرض وتحت الأرض ويوم العرض.

 

[طموح]

يقول إبن جدلان :
أنا وين أبلقا يالأجاويد فاعل خير .... حريص على سر المحبين لرسلته
أمنول لوأصبر عام مابان بي تأثير ... وهالحين حتى صبر يومين ماحتلته
أنا مثل صقار تولع بحب الطير ... ولف قلبه فروخ الصواريم واهبلته
تولعت في فرخ قضيب يتل السير ... أبي لمحة من نضرة الحر واسبلته
صغير بسنه غير عندي مهوب صغير ... يامغلاه في قلبي وياكبر منزلته
اجمع له سمان الهرج خوف من التقصير ولاجيت باشرح له كلامي تهيزلته
يجيني منه هيبة معزة سحا تقدير .... أقابله عندي علم وأروح ماقلته
وش رايك يابو عبد الله بهالأبيات ولايهونون الاخوان؟
بصراحة آخر شطر بالقصيدة معجبني بالحيل بالحيل ودي إنه لي