خدمة الوطني لتداول الاسهم في سوق الكويت

[حكومة]

تقبل صيامكم وقيامكم

ممكن فضل ولا امر اخذ رايكم اللي اشترك وجرب خدمة التداول عن طريق البنك الوطني في بورصة الكويت عن ايجابياتها وسلبياتها وشنو ينصحني فية وجزاكم الله خير

 

[NewYork Broker]

تقبل صيامكم وقيامكم

ممكن فضل ولا امر اخذ رايكم اللي اشترك وجرب خدمة التداول عن طريق البنك الوطني في بورصة الكويت عن ايجابياتها وسلبياتها وشنو ينصحني فية وجزاكم الله خير

حلوه صار لي 3اشهر مشترك فيها بس فيها شوية عيوب مثل عدم وجود المؤشر السعري و الوزني و اذا بتدخل فلوس بحساب التداول لازم تتصل عليهم و تعطيهم امر لأن ما شغلوا خدمة التحويل بالكمبيوتر , الزين فيها انها اسرع من الأوسط برو و الأوردر ياخذون عليه( 2.5 د) و فتح التداول بالحساب( 5000)
حق اي استفسار راجع الوطني أبراج العوضي بشرق الدور 13

 

[حكومة]

جزاك كل خير

بس طريقة ونظام ادخال الطلبات سهلة والا صعبة والعمولة بس 2.5 وشرايك تنصحنا فيها

 

[المعرس]

صراحه انا مو متداول بالوطني بس سألت وايد عنه وانشالله بتعامل معاهم بس ناطر 15/11
بشكل عام كل من جربه مدح فيه

مميزاتهم:
سرعة تنفيذ الاوامر
خدمة عملاء 100% مضبوووطه ويعجبونك.. دق عليهم 803111 وجربهم بنفسك راح يعجبونك بس دق باوقات التداول جنه من ال9 لي ال2 يفتحون بس
مسوين برنامج ممتاز (مثل الاوسط برو) بس احسن منه بوايد كواجهه حلوه وسهوله
برنامجهم مجاني وسهل وحلو وغير معقد
ياخذون عالصفقه الوحده دينارين وربع مهما كانت الكميه
مافي رسوم شهريه مثل باجي شركات التداول

عيوبهم:
التداول فقط بالسوق الكويتي والامريكي وما يعطي خدمه التداول باسواق عربيه ثانيه
في ناس يقولون التداول بالامريكي بطيء بس بالكويتي 100%
اذا طلبت تحويل مبلغ يقل عن 250 دينار من محفظتك الى حسابك ياخذون منك عموله مادري جم نسيت الصراحه بس جنه ياخذون 10دنانير.. بس اذا كان المبلغ فوق ال250 دينار ما ياخذون منك شي


هذا دليل المستخدم حق برنامجهم تقدر تشوف نبذه عنه
http://www.nbk.com/nr/nbk/images/KSEUserGuide.pdf

 

[NBK]

عندي سؤال
عرض الاسعار
مباشر
ولا نفس جافا البورصه
مشكووووووووووووورين​

 

[المعرس]

احسن من جافا البورصه بعد
ليش انه تقدر تسوي لي قائمه خاصه فيك تحط فيها الاسهم اللي تبي تتابعها وفي خيارات ثانيه بعد حلوه
بس عيبه لازم تضغط زر *تجديد البيانات* وهو بروحه يجدد كل شي يعني التجديد مو تلقائي .. اقرا الموقع اللي كتبته فيه كل شي

 

[صايدها]

حلو يالمهندس
هذا وانت مو متداول كل هالمعلومات عندك
وشلون لو متداول اكيد كان سيستمهم كله طلع معاك هههههههه
يعطيك العافيه على المعلومات الحلوه يامهندسنا

 

[حكومة]

شكراااا للجميع على التجاوب وعساكم على القوة