نصائح ذهبيه مع الاشخاص الغبيه
**************************
خذ من الحجي وأنا أختك
قول له اللهم إني صايم
قول له الله يسامحك
ولاتخليه يحس إنك معصب
قول الله يعينك على المكالمات كلها على اظهرك
قول له زيدني ثواب الله يجزاك خير بعد كثر كثر
خله هو مسكين يحترق ويعصب يمكن يطفي النار اللي بقلبه وتاخذ فيه ومنه أجر
خله يشتعل وأنت خليك كوووووووووووول على قولة دعاية سفن أب يالذيذ يارايق
ولو تضحك بعد أشوي كم ضحكة من اياهم اللي ترفع الضغط ، وتقول له زيدني من ألفاظك الدرر ، وأخلاقك الكريمة قرطوع
( قرطوع ترى والله مادري شمعناتها بس ماخذتها من مسرحية حسين عبد الرضا مراهق بالخمسين )
وهو ..............
يا اما بطق قلبه وينجلط ويموت من الحره لانك ما اشفيت غليله (مسكين ياعنده مشكلة أو مجنون الله يشافيه يارب )
يا أما بيسكر الخط ويكسر التلفون ويكسر راس مرته
( مسكينه اشذنبها)
وفي كلا الحالتين تفتك منه الله يهديه بس و يبرد قلبه
والا اذا بغيت الحل اللي ما يقدر عليه غير كرام الاخلاق وذوي الهمة من الرجال ، لانه صعب
تسكت ، مهما قال تسكت بدون تعليق واذا سكت تقول
يزاك الله خير ، ذكره بالله ، وان احنا اخوه بالله ، وحسناته يخسرها بالسب والشتايم اللي ما راح تنزل من قدر ك شيء
واتبع قول الله تعالى:
{وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ
فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ }فصلت34
واذ مانفع الكلام هذا أرجع للصمت الذي من ذهب
وكن كما قال الأمام الشافعي رحمة الله :
يخاطبني السفيه بكل قبح ***** فاكره ان اكون له مجيبا
يزيد سفاهة فازيد حلـــــما ***** كعود زاده الاحراق طيبا
وسلامتكم
.
