وين أحصل ارشيف الصفقات و اوقاتها ليوم معين لسهم ما...؟

tajjir

موقوف
التسجيل
27 أغسطس 2006
المشاركات
297
السلام عليكم اخواني
بغيت المساعدة منكم لو تكرمتوا

وين أحصل ارشيف الصفقات و اوقاتها ليوم معين لسهم ما...؟

نقول لى سبيل المثال
بنك بوبيان الصفقات و اوقاتها في يوم 15/5/2006؟
هل هناك ارشيف معين اقدر الحصول عليه؟

السلام عليكم
 

خلك شقردي

عضو نشط
التسجيل
17 مايو 2006
المشاركات
732
الإقامة
الكويت
ما أظن في الأوسط!

الأخ طلب معلومات أرشيفية تفصيلية مو سعر الاغلاق والاعلى والادنى
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
ما اظن في موقع يوفرلك اياها
 

Director

عضو نشط
التسجيل
21 مارس 2006
المشاركات
1,501
الإقامة
الكويت
يا جماعة والله سؤال مهم واللي يعرف وين نلقاهم يتفضل
كل ما يشارك واحد بالموضوع اقول يله راح نعرف وين


اللي يعرف وين لا يقصر معاي ومع السائل ومع اخواننا بالمنتدى ..,
 

Bo_NaJeM

عضو نشط
التسجيل
9 أغسطس 2006
المشاركات
862
تروح السايت مال البورصه و بعدين اتروح حق البيانات التاريخيه وبعدين اتروح حق مؤشر السهم واتحط اسم السهم وومن تاريخ الي اخر تاريخ
 

Director

عضو نشط
التسجيل
21 مارس 2006
المشاركات
1,501
الإقامة
الكويت
هذا يعطي بس لاعلى والاقفال والافتتاح ..,
 

Bo_NaJeM

عضو نشط
التسجيل
9 أغسطس 2006
المشاركات
862
اي لانه مستحيل انه يعطيك الصفقات وو اوقاتها لكل يوم
 

المعرس

عضو نشط
التسجيل
15 أبريل 2006
المشاركات
350
اخوي انا مبرمج واعرف بنظم قواعد البيانات mysql و sql
اللي تتكلم عنه حفظ صفقات بالوقت والكميه والسعر لكل الشركات وكل الايام.. يعني جداول داشه بجداول ولويه

اي واحد بيسوي هالشي راح يحتاج قاعدة بيانات ضخمه جدًا وسعة تخزين عاليه يبي لها سيرفرات وشغل وفلوس وايد.. وماظن حفظ هالبيانات شي مهم ويسوى كل هذا

ماتحصل اللي تبيه الا بسستم البورصه نفسه اهو اللي فيه كل هالمعلومات وفوق هذا اسم البايع والمشتري.. وشي اكيد انه هالمعلومات تعتبر سريه.. يمكن تقدر تشوفها بأمر قضائي او بواسطه;)
 

الهامي

موقوف
التسجيل
19 أغسطس 2006
المشاركات
862
تروح صفحة اليورصه عند البيانات التاريخية وتختار مؤشر السهم وبعدها تحط اسم الشركة وعدد الصفقات والكميات والحد الادني والاعلي والاقفال كلهم موجودين
 

Mohammedq8

عضو نشط
التسجيل
1 يوليو 2005
المشاركات
602
اخوي انا مبرمج واعرف بنظم قواعد البيانات mysql و sql
اللي تتكلم عنه حفظ صفقات بالوقت والكميه والسعر لكل الشركات وكل الايام.. يعني جداول داشه بجداول ولويه

اي واحد بيسوي هالشي راح يحتاج قاعدة بيانات ضخمه جدًا وسعة تخزين عاليه يبي لها سيرفرات وشغل وفلوس وايد.. وماظن حفظ هالبيانات شي مهم ويسوى كل هذا

ماتحصل اللي تبيه الا بسستم البورصه نفسه اهو اللي فيه كل هالمعلومات وفوق هذا اسم البايع والمشتري.. وشي اكيد انه هالمعلومات تعتبر سريه.. يمكن تقدر تشوفها بأمر قضائي او بواسطه;)


الله يعطيك العافية يا مهندس مبرمج..

بالنسبة للموضوع... مو صعب مثل ما ذكرت.

أول شئ عملية قاعدة البيانات سهلة جداً اتوقع اي مبرمج قاعدة بيانات يسويها بسهولة. (عن طريق الريليشن شيب (العلاقات))

ثانيا: بالنسبة لمساحات التخزين.. اعتقد الحين صارت كبيرة ورخيصة.

يعني موقع سعة التخزين ماله 20 قيقا ............ كافي؟ (كافي جدا)
ما يقارب 30 دينار سنوي.

اتوقع 20 قيقا... كافي على الاقل بيانات سنة او سنتين ... ثم تجدد.. وهكذا

------------------------------------------------------------------

اتمنى أن أكون وضحت الصورة...


 

المعرس

عضو نشط
التسجيل
15 أبريل 2006
المشاركات
350

الله يعطيك العافية يا مهندس مبرمج..

بالنسبة للموضوع... مو صعب مثل ما ذكرت.

أول شئ عملية قاعدة البيانات سهلة جداً اتوقع اي مبرمج قاعدة بيانات يسويها بسهولة. (عن طريق الريليشن شيب (العلاقات))

ثانيا: بالنسبة لمساحات التخزين.. اعتقد الحين صارت كبيرة ورخيصة.

يعني موقع سعة التخزين ماله 20 قيقا ............ كافي؟ (كافي جدا)
ما يقارب 30 دينار سنوي.

اتوقع 20 قيقا... كافي على الاقل بيانات سنة او سنتين ... ثم تجدد.. وهكذا

------------------------------------------------------------------

اتمنى أن أكون وضحت الصورة...



اول شي احب اعطيك معلومه انه كل طالب هندسه ملزوم بانه ياخذ مواد برمجه C++ و matlab كمواد اساسيه وانا خريج كلية الهندسه - جامعة الكويت.. فما لها داعي كلمة "مهندس مبرمج" :)

وثاني شي وباختصار ماعتقد البورصه توفر data الصفقات واوقاتها بشكل *كامل* مثل ما تقدم اعلى واقل والافتتاح والاغلاق لمواقع التداول الالكتروني وبرامج التداول

وبالنسبه لل20قيقا عدل كلامك اخوي .. تكفي وتزيد بما انه البيانات راح تكون على شكل int ارقام بسيطه وما يبي لها شي.. راحت علي هذي :| لاني متعود على قواعد بيانات كبيره فيها صور وملفات

بس على فكره ترى سعة التخزين 20ميقا هذي تحصلها ببلاش مو ب30 دينار :)
وبالنسبه للفلوس مو كل شي هوستنق في اداره وفي متابعه مطلوبه (لانه في شركات يتم ادراجها كل فتره وفتره) يعني ببساطه لازم يكون عندك مبرمج متخصص وهذا اللي راح يكلفك

وبالنهايه الموضوع كله ما يسوى هالتعب لانه هالبيانات تفصيليه جدًا ومافي احد يهتم فيها فما له داعي يتعبون نفسهم ويوفرونها للناس.. وهذا اللي حبيت اوصله حق اخونا اللي كتب الموضوع :)
 

Mohammedq8

عضو نشط
التسجيل
1 يوليو 2005
المشاركات
602
بس على فكره ترى سعة التخزين 20ميقا هذي تحصلها ببلاش مو ب30 دينار


اخوي مبرمج.. او مهندس ...

والله احترت مدري اللي تبيني اناديك بشنو..

المهم.. اخوي اللي ماخذ المواد سي بلس بلس.. وماثلاب.. بكلية الهندسة

:) <---- يتغشمر

==========================================

20 قيقا مو ميقا...

اذا فيه عشرين قيقا ببلاش.. (قولي وينها)
==========================================

اول شي احب اعطيك معلومه انه كل طالب هندسه ملزوم بانه ياخذ مواد برمجه C++ و matlab كمواد اساسيه وانا خريج كلية الهندسه - جامعة الكويت.. فما لها داعي كلمة "مهندس مبرمج"

افهم من كلامك ان كل مهندس يكون.. مبرمج.. كونه ياخذ المواد الاساسة التي ذكرت.

لا تعليق.. راجع نفسك.


==========================================

عموما يا استاذي الفاضل:

انا اللي اقصده الافاده فقط..

ويا اخي.. حتى لو فيه شركات سوف تدرج هم محسوب حسابها.. وذلك عن طريق وجود رقم لكل شركة.

وصدقني الشغله مو صعبه.. كثر ما تبي خلق.



والله الموفق..

اخوك محمد
 

المضاربه فن

عضو نشط
التسجيل
26 سبتمبر 2004
المشاركات
1,330
تروح صفحة اليورصه عند البيانات التاريخية وتختار مؤشر السهم وبعدها تحط اسم الشركة وعدد الصفقات والكميات والحد الادني والاعلي والاقفال كلهم موجودين

جزاك الله الف خير
 

المعرس

عضو نشط
التسجيل
15 أبريل 2006
المشاركات
350
هلا اخووي محمد
اول شي كل عااام وانت بخييير وعيييدك مبارك مقدمًا:)

افهم من كلامك ان كل مهندس يكون.. مبرمج.. كونه ياخذ المواد الاساسة التي ذكرت.

لا تعليق.. راجع نفسك.

اي نعم كل مهندس خريج جامعة الكويت لازم يكون مبرمج واذا مو مصدق اسأل.. وبالنسبه للا تعليق وراجع نفسك صراحه مادري شتقصد من هالكلام بس هذا ردي عليك اذا كان قصدك اني قاعد ابالغ ولا شي جذيه:
ادخل http://www.eng.kuniv.edu/index.php?ID=A1&Dep=engineering واختار Engineering core courses (مواد الهندسه الاساسيه)
اختار 200 Level Courses (مواد مستوى 200)
بتلقى مادة Computer Programming for Engineers حاطينها اول شي ادخل عليها

او دش على هالموقع على طول http://www.eng.kuniv.edu/index.php?ID=A1&Dep=engineering&L=200&C=371
0600-200 Computer Programming for Engineers
This course introduces algorithmic problem solving in the context of a modern programming language. Fundamental problem-solving concepts - software development process. Two hour laboratory-sized recitation per week.
هذي الماده درسونا فيها لغة C++ وعليها لاب (مختبر) ساعتين بالاسبوع ومافي طالب هندسه يتخرج الا بعد اجتيازها
والماثلاب اسمه ماتلاب هذا يدش بمواد وايد بالهندسه ووايد عليه امتحانات عملي وهم ماكو طالب يتخرج من الهندسه بدون لا يكون متمكن من لغة الماتلاب

واخوي انا لما قلت اني افهم بالبرمجه مو قاعد اتفلسف ولا شي جذيه بس انا هاوي هالسوالف من سنين بداياتي بالآي ار سي سويت سكربتات وخرابيط وبعدين شوي شوي قريت كتب وتعلمت لغة visualbasicو php وC++و matlab وشويه من mysql وhtml وjavascript واذا تعتبر الdos لغه فهم اعرفها عدل.. واذا تبي تختبرني باي وحده فيهم انا حاضر:)

وبالنسبه للقيقا والميقا اعذرني ترى افتر مخي كنت اقصد اول شي 20قيقا وبعدين مادري شفيني قلبت عال20 ميقا.. المهم في مواقع تقدم 20 *ميقا* ببلاش وايد اشهرها www.geocities.com تابع لشركة ياهو يعطيك 20ميقا على ماظن بس 20قيقا ببلاش هذي ولا بالاحلام:eek:

واذا انت شايف انه الشغله سهله وما تحتاج شغل سولنا برنامج php وعلمنا مصدر الdata من وين نييبها وانا مستعد افتح موقع على حسابي واحط برنامجك فيه (وانا عند كلمتي).. عشان نفيد ونستفيد;) اعتبرها عيديييه حق الاعضاء:p

تقبل الله طاعتك وعيييدك مبارك مره ثانيه اخوي محمد:)
وساااامحنا اذا غلطنا بالقيقا ولا الميقا ولا باي شي ثاني;)
 
أعلى