الشطي: 3 آلاف دينار أرباح سنوية لكل مواطن

[حمووودي]

ممكن تقولون لي المليار جدامه جم صفر والعشرة مليار جم صفر ؟؟

 

[حمووودي]

اانشاء الله عالعموم تكون صج سالفة الشركات الثلاث اللي اهما الاتصالات الثالثه وتنمية بوبيان وبنك جابر الاسلامي ويوزعون اسهمها عالمواطنيين ونتمنى من الحكومة تسمح للمواطن ببيع اسهمه لمن يرغب ايضآ

 

[خوش خبر]

عجبى

انا اقول قليل دائم خير من كثير منقطع وعصفورا فى اليد خيرا من عشره على الشجره ولكم التحليل وسامحونا اذا فيها بدليات

 

[البيروتي]

نقلا من جريدة القبس:-

السعدون للشطى ( من يصدق الشطى سقيم عقل )

وقال السعدون اتحدى الشطى تطبيق ربع هذا المبلغ حتى بعد 20 سنه

 

[سوق الاوراق]

السلام عليكم

على الشطي تقديم اسقالته فورا لان كلامه لايتفوه به خريج معاهد او الابتدائية .
يبي يعطي الشعب اذا فرضنا الشعب الكويتي عددهم مليون وضربناهم 2000 او 3000 دينار بالسنة شوفو الناتج .
معقولة نائب رئيس مجلس الوزراء ووزير الدولة لشؤون مجلس الوزراء بهذه العقلية .
عليكم الحسبة ومن ثم الرد . اخ لو يحطون لنا درزن من وزراء من نوعية الشطي الكل راح يربح وماتلقى احد مطلوب او مديون لاننا كلنا انصير بدون عقل لان وزرائنا يجعلوننا مجانين .

 

[ابوعايض]

هذا كله استخفاف بعقول المواطنيين ويبون يشغلونا على طول الشمس بإييد والقمر بإييد وهذا كله احلام اليقظه مافي شي قالته الحكومه سوته
الصراحه انا مو معا مشروع فيلكا ومشروع الحرير وبوبيان كلها راح تفشل وفي امثله سابقه برج التحرير ماله داعي تكلفته بالملايين وكله على شان ثلال أرايل المطار وامن الدوله والاستخبارات ومطعم , والصوابر , والجزيره الخضراء , وام الهيمان وسط الغاز , ليش الحكومه تفكيرها كله بالبزنس
الكويت من بعد التحرير ماتغير شي البلد محتاج اول شي نفضه وثاني شي نهضه بالتعليم والصحه والخدمات الكويت تبي والمواطن يبي

 

[المعرس]

ممكن تقولون لي المليار جدامه جم صفر والعشرة مليار جم صفر ؟؟

المليار = الف مليون = 1،000،000،000= 9 اصفار
العشره مليار = عشرة آلاف مليون =10،000،000،000= 10 اصفار

اما موضوع ارباح ال3الاف سمعته قبل شوي من واحد من الشباب وجذبته وتوني انصدمت فيه هني بعد

والنائب اللي فتح الموضوع يا انه ما يعرف يحسب او انه قصده استثمار 3آلاف والارباح تكون (بحدود 10 الى 300دينار) معقوله اما ارباح 3آلاف سنويه قويه هذا وين بيستثمر فلوسه خليعلمنا ندش وياه

 

[حمووودي]

مافيا مو الوزير الشطي والله 3 الالف دينار كل سنه الله يسمع منك ويتمم على الكويتيين ويخليك ذخر لنا وللكويت اذا رايتك بتعطي كل مواطن 3 الالف دينار سنوي والله ليل نهار ادعي لك اذا صج مشى لكل مواطن هالمبلغ كل سنه

 

[Fazler]

سوق الاوراق السلام عليكم

على الشطي تقديم اسقالته فورا لان كلامه لايتفوه به خريج معاهد او الابتدائية .
يبي يعطي الشعب اذا فرضنا الشعب الكويتي عددهم مليون وضربناهم 2000 او 3000 دينار بالسنة شوفو الناتج .
معقولة نائب رئيس مجلس الوزراء ووزير الدولة لشؤون مجلس الوزراء بهذه العقلية .
عليكم الحسبة ومن ثم الرد . اخ لو يحطون لنا درزن من وزراء من نوعية الشطي الكل راح يربح وماتلقى احد مطلوب او مديون لاننا كلنا انصير بدون عقل لان وزرائنا يجعلوننا مجانين .

والله كلامك عدل

 

[الكويت غاليه]

مثل ما قال الفنان "سعد الفرج " ودي اصدق ودي اصدق

لكن قويه قويه

 

[qatel4]

الشركات الثلاث راس المال لهم 3مليارات يعني 30مليار سهم وبالحسبة تصير 30000سهم لكل مواطن يعني حتى الولد في بطن امه.
اذا الاسرة مكونة من خمسة معناه الاجمالي 150 الف سهم المتوسط لكل اسرة
والاسهم لا يتم التصرف فيها لي خمس سنوات
واكيد مافي ارباح الا بعد اربع سنوات على الاقل كونهم شركات جديدة، وخل نفرض بعد اربع سنوات عطت متوسط سنوي عشرة بالمية يساوي مدخول سنوي 1500 دينار وبفرض ماكو سرقات ولا اختلاسات فبعد عشر سنوات من التأسيس نقول الارباح عشرين بالمئة هني تصير 3000 دينار بعد صوم عشر سنين

أنا رأيي أن احنا في زمن الأسرة الاب والام فيه يشتغلون بالنتيجة الاسرة لها من الزيادة الخمسين دينار الشهري راح يكون في السنة 1200 دينار آخذها على دفعات شهرية وبالعافية وخل تولي استثمار على عشر سنوات عجاف واللا شنو رايكم.

 

[حمووودي]

اذا 30000 الف سهم لكل مواطن انا موافق وصدقوني فيها مصلحة المواطن الكويتي وفايدته بس اذا اقل من جذي اسهم لا مو راضيين ولا نبي ونبي اسقاط القروض وزيادة الخمسون دينار احسن لنا


بس لو صج 30000 سهم صدقوني وايد زينه لنا اذا كل مواطن بيحصل هالكثر من الاسهم وايد زينه وحتى بالارباح زينه بتكون حتى لو ارباحهم 10% والله العظيم سمعو كلامي واخذو شي من هالحكومة اليوم

عصفور باليد ولا عشرة على الشجر

 

[ارسطو الدروازه]

يعطووونك اسهم وتحلم انه الحكومه ترفع سعر السهم ....

او تعطيك ارباح جيده ......



نبى اسقاط القروض .. وخمسين دينار ...

ولا يجوز مساواة شعب الكويت بالعراق .....

 

[way way]

وللة رحت فيها يالشطي

بيقعدلك قعدةالسعدون:d

 

[way way]

يعطووونك اسهم وتحلم انه الحكومه ترفع سعر السهم ....

او تعطيك ارباح جيده ......



نبى اسقاط القروض .. وخمسين دينار ...

ولا يجوز مساواة شعب الكويت بالعراق .....

وانا بعد وياك

 

[SpeciaL 1]

يبون ياخذون من جيبنا ويعايدونا بهالشركات..
قال شركات قال..
شركات أحلام السعادة
اصحوا يا عالم..
لا يغرونكم ويلهونكم بهالشركات..
هذا بنك بوبيان اللي دوخونا فيه من قبل لا ينزل..
برامج ودعايات ومقابلات..
منو فيكم أخذ أرباح سنوية طول هالسنين ؟؟
وشنو أرباحه الحين ؟؟

يا جماعة الخير لازم تفرقون..
اسقاط القروض هو مطلب من فائض ميزانية الدولة وهو حق لنا مو للعراق أو الدول الآسيوية أو حتى كوارث أمريكا..
شركات أحلام السعادة اللي اطلعوا فيها يبون يأسسونها من جيبكم الخاص مهما غلفوها بأحلى الوعود..
يعني هالفلوس فلوسكم بس خلونا نديرها لكم لأنكم ما تعرفون تتصرفون وماراح نبوق وايد منها..

واللي يقهر زود..
إن مجلس الوزراء وبالخط العريض بالجرايد مركز على أهم نقطة في خطاب الأمير وهي "زيادة الرفاهية"
الحين مصاريف الوزراء وشراء أصوات النواب وقت التصويت أو الاستجوابات مو زيادة رفاهية..
لكن هالشعب بهالخمسين راح تزيد رفاهيته..
المشكلة لما نقول هالكلام يقولون ليش حاسدينا..
وما يشوفون منو الحاسد ومنو المحسود..

عفية ناس ما تشبع نهب..
يا الله حسن الخاتمة..



أخوكم/ ويلاه

 

[wawwaw]

؟؟؟

لالالالالالالالالالا بديل لأسقاط القروض

ونعم ونعم ونعم لزيادت معاشات​

 

[ابو العداله]

والله خوووش بيزات فيها

انا اقول مدام فى ثلاثه مليار ليش يسون شركات جديده اللى بسوق كافى وبدال اسقاط الديون وعشان سالفته العداله للى مو ماخذ قرض سمعو ؟؟
عدد الموظفين مايتجاوز 300 الف عدل >> يعطوون كل موظف10الف دينار واهو بشترى السهم اللى يبيها ؟ ؟ ولاشرايكم لان الناتج ثلاث مليار اجمالى الديون تقريبا وطبع مايخذ قرض الا الموظف ؟؟ غير هذى مايينفع

 

[ابوعايض]

مانبي 3000 دينار بالسنه نبي كل خدمات الدوله مجانيه اوفر للحكومه
فاتورة الكهرباء 50 دينار
فاتورة التلفون 30 دينار
قسط البيت 100 دينار
قسط قرض الزواج 40 دينار
4 إقامات خدم 60 دينار
كرت إيزي 30 دينار كل شهر
تجديد دفتر السياره مع البيمه 25 دينار مع مخالفات 100 دينار
المجموع 2855 دينار بالسنه

 

[SpeciaL 1]

مانبي 3000 دينار بالسنه نبي كل خدمات الدوله مجانيه اوفر للحكومه
فاتورة الكهرباء 50 دينار
فاتورة التلفون 30 دينار
قسط البيت 100 دينار
قسط قرض الزواج 40 دينار
4 إقامات خدم 60 دينار
كرت إيزي 30 دينار كل شهر
تجديد دفتر السياره مع البيمه 25 دينار مع مخالفات 100 دينار
المجموع 2855 دينار بالسنه

والله إنك راعيها
وخل ياخذون الباقي لهم عليهم بالعافية



أخوك/ ويلاه