زلزال وهزة ارضية ... من حس فيها يا اخوان

[way way]

ياجماعة انا ساكن بجنوب السرة
ماحسينا بشي ولا احد ذكر شي

ان شاء اللة خير ماكو الا العافية

الهم احفظ ديرتنا من كل مكروه أمين

 

[ابويوسف]

الله يستر


انا كنت في كبد ما فيه شئ


والكويت حاميها الله من فعل الخير

 

[دليل البورصة]

أنا ساكن في المنصوريه ما في هزة وكل شئ عال عال

لو في هزه جان كشافات نادي العربي طايحين بحوشنا

 

[شبروح]

ياجماعه تكفون لاتطلعونا سالفه تنزل البورصه

ترى محنا ناقصين

 

[(واحد من الناس)]

يا اخوان حصلت هزة واضحة جدا في منطقة الجهراء و انا من سكانها

و انا شخصيا حسيت فيها بشكل كبير لدرجة انا و سريري اهتزينا بوضوح كبير وواضح انها هزة ارضية

قلت خل اكذب نفسي و انزل تحت يمكن في شيء صاير و لكن مالقيت اي شي الى ان اتصلوا علي كذا واحد من الربع يستفسرون و يبون يتأكدون و سألوا هل حسيت بهزة ارضية حينها تأكدت و إن كنت متأكد من قبل

و لكن هذا اللي حصل

اللهم لك العتبى حتى ترضى و لا اله الا انت

 

[مستثمر اسلامي]

كلامك صح حسيت في الهزه الرضيه ​

 

[hhh_hhh]

لاتكبرون الموضوع

السلام عليكم

يا اخوان هالهزه وإن حس فيها البعض والبعض ما حس فيها تعتبر بسيطه ، وياما مرينا بهزات من هالدرجه ... ومافي شي يخوف ... لاتكبرون الموضوع ... ودايم تفاءلوا بالخير ... والله يبعد الشر والكوارث والمصايب عن هالديره وأهلها الطيبين ... والواحد دايم يكثر من دعاء " اللهم لاتآخذنا بما فعلنا وفعل السفهاء منا "

 

[الراقي]

أي قطعه يا الراقي

عيال الدوحة اكثرهم ربعي

قطعة 2 يابوعلي وحنا على طول عندكم بغرناطة بدوانية الجبر اول بيت عند الدوار الجديد حياك يابوعلي

 

[العوضى]

آسف يا جماعه , الغلطه غلطتى , كنت حاط تلفونى على الهزاز , السموحه يا الربع :d :d :d

 

[lary]

مدام كل واحد قال وين ساكن احنا سكان الجابريه ورميثيه ما حسينا بشي

الله يحفظ الكويت وشعبها من كل مكروه

 

[TechnoFund]

للهم ارحمنا بلطفك وعفوك ولا تؤخذنا بما فعل السفهاء منا ..

من ذنوبنا .. أنهلك وفينا الصالحون، قال نعم .. يا رب لطفك ورضاك .. واول من يلام الصالحون، لعلهم يصلحون

 

[الكويت غاليه]

يا إخوان أخاف حلم بس

على العموم الله يجنبنا هذه الكوارث وما تشتوفون شر أهل الجهراء

أخوكم / الكويت غاليه

 

[الزعيم1]

أنا من سكان الجهراء وكنت قاعد بالمخيم وماحسينا بشئ
اليوم نسأل الربع وأنشالله ماتكون هزه أرضيه لأن الهزه الأرضيه
حسب المعلومات تسبق الزلزال الله لايقول سترك يارب

 

[KOCKW]

السلام عليكم

يمكن ايران مسوية تجربه تحت الارض والله كل شي يصير

 

[Moshaks_777]

أحنا بفيلكا ماحاشنا شي

 

[rahaly]

أنا كنت (اقز) على الكورنيش ... ما حسيت بشئ

بس كنت حاط عبدالمجيد عبدالله ومطول عليه ..



:d

 

[Q8_]

سبحان الله و بحمده ... سبحان الله العظيم

اللهم امن علينا و على جميع المسلمين

اللهم لا تآخذنا بم عمل السفهاء منا

يارب يارب

 

[بس999]

هل احسستم بهزة ارضية

حيث احس بها عدد كبير من اهل الجهراء قبل الساعه الثالثة صباحا اليوم

استمرة لعدة ثواني



الفهلوي​

سألت عن الزلزال عشرين شخص
ماسمعوا عنه تأكد يالفهلوي يمكن مكثر سحور قبل لاتنام هاهاها

 

[ابن صفير]

أنا كنت (اقز) على الكورنيش ... ما حسيت بشئ

بس كنت حاط عبدالمجيد عبدالله ومطول عليه ..



:d

السلام عليكم
الله يهديك اخوي رحالي
الناس تصلي القيام ويقولون حسو بزلزال
وانت تقول كنت اقز وحاط عبد المجيد عبد الله
الاحول ولا قوه الا بالله​

 

[maged]

طبعا سمعتم عن الهزّات الارضيه والاعاصير التي تضرب بأمريكا وباقي الدول

كل هذا بسبب كثرة الفساد في هذه البلاد أسأل الله أن يحفظ هذا البلد

من كل مكروه ويبعد عنها كل فاسد وحاسد ومرتشي يارب العالمين

راح تستغربون من هالكلام اللي أقوله لكن كان بودي أن هذولا حسّوا

بهذي الهزّه علشان يتعظون ويعرفون أن الله شديد العقاب يمهل ولا يهمل