Fundmental or Technical

الموضوع في 'السوق الكويتي للأوراق الماليه' بواسطة BOoMBaSTiC, بتاريخ ‏22 أكتوبر 2006.

  1. BOoMBaSTiC

    BOoMBaSTiC عضو جديد

    التسجيل:
    ‏31 أكتوبر 2005
    المشاركات:
    60
    عدد الإعجابات:
    0
    السلام عليكم ..

    أولا يسعدني التواجد في هذا المنتدى الطيب و الذي يدل على صحوة جديدة في عالم الأسواق العربية و الكويتية بالتحديد.

    و أحببت أن أكتب موضوعي الأول هنا قبل الدخول "الفعلي"في سوق الكويت للأوراق المالية والذي ما زلت مترددا في الدخول فيه ..

    فأتمنى أن يفيدني من له خبرة في سوق الكويت للأوراق المالية عما إذا كان تحليل أداء الشركات Fundmental Analysis يفيد ويعكس ولو جزء من توجهات أسهم سوق الكويت للأوراق المالية أم لا.

    وإذا كانت الإجابة بـ"نعم" فكم يفيد هذا النوع من التحليل في تحديد أسعار الأسهم وعوائدها في بورصة الكويت ، و إن كانت الإجابة بـ " لا" فهل ذلك يعني أن الـ Technical Analysis أو الـ Trend Analysis تنفع دراسته أكثر لسوق الكويت ؟

    لأنني بصراحة عندي إلمام بالنوع الأول من التحليل من خلال ما درسته في العلوم الادارية وتخصص التمويل و الدورات الخارجية ، و لكنني فقير في التحليل التقني وتوجهات الأسهم.

    وقبل هذا وذاك ، هناك عوامل أخرى تلعب دورا أساسيا في تحريك السهم خارجة عن الشركة وأداءها و توجهاتها ، و خاصة في أسواق الخليج فأتمنى أن تفيدوني بالعوامل الرئيسية التي تؤثر في سعر السهم في سوق الكويت للاوراق المالية و كيف يمكن للشخص أن يتسلح قبل الدخول للبورصة.

    أتمنى الإفادة والإستفادة للجميع ولا يبخل علينا كل من له رأي ..

    وشكرا :)
     
  2. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة
    بالنسبة لي .. ضروري الخلط بين الاثنين لدرجه معينه، مع إلتزام وانضباط نفسي في الاستثمار (قصير - متوسط - طويل) ..

    يعني مو كله اساسي لدرجه إني أشتري السهم ويقعد عندي سنه ما يتحرك .. 3 اشهر ما كو مشكله .. نرد للتحليل الفني يعطيك إحتمال بأن هذا السهم ممكن يتحرك خلال هالكثر يوم او اسبوع ..

    اعتمادك على الفني فقط أيضا خطأ لأن سهمك من اول الاسهم اللي بتصحح او نزل السوق حبتين.

    الأفضل: اساسي (الشركة مقبولة أساسيا، لها عوائد، مشاريع مستقبلية، توسعات طموحه، قادرة على توفير السيولة، تقليل ديونها، استحواذها لشركات أخرى بقصد التوسع المدروس) + فني (زيادة إحتمال تحرك قريب او نهاية موجه نزول .. او وجود السهم في القاع أو لأ) ممكن يساعدك. فلنقل مثلا ان سهم قيمته العادله (بعد دراسته اساسيا) وجدت انها 300 فلس والسعر حاليا 220 فلس هل تشتري ؟؟) انا اقولك لأ .. إذا التحليل الفني يعطيك إنطباع ان السهم ممكن ينزل أكثر .. فتنتظر حتى تنتفي هالمعلومة ويقبت العكس) + الإنضباط وإدارة المحفظة بحكمة .. يعني مو مع أول هزه للسوق انت بياع .. تعرف متى وقت البيع ومتى وقت الشراء.

    لعلي أفدك في الموضوع من وجهة نظري .. وشوف نكي :) تفهم انا شقصد
     
  3. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0

    عيدك مبارك يا الحبيب ... مو جنها طولت سالفة الستاند باي .. :D .. أم أن الهون أبرك ما يكون :D
     
  4. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    لا يشوف نكك ولا شي انت بالاول عدل بدلياتك بعدين تلحق خير

    وبالنسبة لشرح ابو وليد انا معاه قلبا وقالبا


    وشوف توقيعي عشان تعرف شنو قصدي :)
     
  5. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    تقدر تجمع بين التحليلين:

    1) كل ثلاث اشهر قوم واختار لك (10 الى 30) شركه من السوق على بناءً على اقل p/e ونمو بالارباح وp/bv.. ما يبي لها بس قلم تظليل واي جريده بنهاية الاسبوع تحط لك الp/e والb.v ونمو الارباح ظلل واختار الافضل

    2) خنقول انك طلعت ب20 شركه.. قوم وادرس الشركات بالتفصيل شوف حقوق المساهمين والقروض وقارن بين ربحية الارباح وتوزيعات الارباح واذا كان فيها زيادة راس مال او لا.. الخ

    3) طبعًا في شركات بالتحليل المعمق راح تشوف فيها سلبيات (قروض، حقوق المساهمين مو عالي، مافي ارباح مرحله،.. الخ) خنفرض انك طلعت ب15 شركه بعد ما تعمقت بتحليل ال20 شركه..

    4) شوف اخبار هال15 شركه عالطاير ونظره سريعه على مشاريعهاا واطلع لك بافضل 10 شركات

    5) آخر شي شوف كلام الناس عن هال10شركات

    6) حلل الشركات تحليل فني (على مدى سنتين) وشوف سعره هل يعتبر نازل الحين هل هو في مجال المقاومه او الدعم

    7) انسى كل شركات البورصه وركز على هال10 شركات وبس وما لك شغل باي شركه ثانيه (الا اذا كانت تملك نسبة كبيره بالشركه اللي طلعت وياك)

    8) بما انك دارس بالعلوم الاداريه فاتوقع انك ضد المضاربه .. استثمر على مدى 3 اشهر عالاقل.. ولا تقط فلوسك كلها بشركه وحده حاول تاخذ من كل بستان زهره كثر ماتقدر

    9) بالاخير حلل الشركات تحليل فني والتحليل الفني راح يساعدك ويعلمك اذا كان الوقت مناسب للشراء او للبيع

    10) وبالنهايه حتى لو تضارب بهال10 شركات راح تكون مطمئن لانه تحليلها المالي وكلام الناس ومشاريعها المستقبليه كلها اوكي.. فمستوى المخاطره عندك راح يكون متدني بالنسبه حق شركات ثانيه
     
  6. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة
    والله ستاند باي عندي الظاهر طلع شت داون .. :D

    والله يالغالي طلقت الكويتي بالثلاث .. ما اتابعه كلش حتى أجل غير مسمى .. فقط مركز على الامريكي .. أبيك تعذرني يالغالي ..
     
  7. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة


    والله شفت البدليات بس مالي خلق اعدلها .. بس والله لو داري انك بدش وتعقب جان عدلتها ..

    وبعدين بيتر لينش تنتكتب جذي
    Peter Lynch ..

    :d
     
  8. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    والله كل واحد يسمي الثاني على كفية وماراح اعدل التوقيع اعناد

    وبعدين تعال ما راح اقولك عيدك مبارك ابي اقولك تقبل الله طاعتك ومن جميع اهل المنتدى واعاده الله عليكم بالمن والخير والبركات وزادكم من فضله ونوره وهداه وخيره وبركته دنيا واخره وربي يخل كل ايامكم سعيد وكلها عيد امييييييين يارب العالمين .
     
  9. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة
    تقصد كيفه .. :)

    وبعدين تسمية الرجال جذي بالواي .. انا شكو !! أنا اقول غيره لا يرفع عليك قضيه إنتحال شخصية وتزوير .. !

    ويعيده ربي علينا وعليك وعلى اهل المنتدى ومحبينهم بكل خير .. و $$$$
    :)
     
  10. BOoMBaSTiC

    BOoMBaSTiC عضو جديد

    التسجيل:
    ‏31 أكتوبر 2005
    المشاركات:
    60
    عدد الإعجابات:
    0
    يعطيكم العافية الأخ TechnoFund والأخ المهندس على النصايح ..

    نحاول نتعلم شوي خطوة خطوة لما نمشي عمرنا :)