الله يكون في العون أخواني انتو ليش تكبرون الموضوع ترا الخرافي ما يدري عن السوق والي يشتغل في السوق ناس ثانيه وأمور ثانيه انتو تحبون الحجي بس يبه انا شايف الخرافي في الصناعيه اليوم يبدل سفايف وتواير لا وقاعد يبوس البياع يبيعه الاربعه بسعر الثلاثه علما بأن فترة العرض اخلصت وينكم ووين السوق ينزله شخص شنو القصه الشركات الثانيه شركات بنقال ولا ماهي عوايل ولها كلمتها في السوق صلو علي النبي زين كل من عنده جم مليون صار تاجر يبه الاتفاقيات الي صارت في المال والشركات الثانيه ترا تباع عن طريق غير مباشر ولسبب أكبرها وأسمنها الي يلقطون الاخبار ما يدرون وللعلم في جم سهم باجر راح يعلق بس جذي علشان يسوي جو في البورصه
مع السلامه
بالنسبة للخرافي ما يدري عن السوق صعبة شوي
عيل ليش يملك شركة مثل الإستثمارات الوطنية وهي ثاني أكبر شركة من حيث حجم الأصول المدارة ؟؟ طبعا للإستفادة من أمرين الأول لتكون الذراع الإستثماري لمجموعة الخرافي والثاني لإقتناص الفرص الإستثمارية الموجودة في السوق
بعدين نتيجة القضية إذا حصل فعلا وتم تطبيق القانون وتم تجميد عضوية الخرافي في الشركات الأخرى راح يكون لذلك تأثيرات مالية و معنوية لا يسع المقام لذكرها
فبمجرد إعطائة الأوامر لشركة الإستثمارات بإيقاف عملية الشراء فقط وليس البيع يحدث تأثير ويهز السوق فصندوق واحد مثل صندوق الوطنية الإستثماري إجمالي الأصول فيه يفوق ال 100 مليون دينار واللي تشوفة يومياً من طلبات واوامر هي من الشركات الرائدة في السوق
وهذا الإحجام عن الشراء سيمتد على بقية الشركات لسببين رئيسيين
الأول : ما يبون يكونون أهم الشراية الوحيدين وغيرهم يضغط على السوق
الثاني : إنتظار النتائج و كيف سيكون الحل خوفا من تعاظم الأزمة
وبعدين سبب وجودنا في المتندى هو لتبادل وجهات النظر .. يعني الحجي .. فلو ما نحب الحجي ما كان مثل هذا المنتدى موجود ولا كنت أنت موجود أساساً
شكراً وآسف على الإطالة
ملاحظة : ترا ياجماعة ليس بالضرورة نظرتي للأمور صحيحة فنحن نصيب ونخطئ والعملية هي مجرد تبادل لوجهات النظر
قال النبي صلى الله علية وسلم : " لا يدخل الجنة من كان في قلبة مثقال ذرة من كبر " ( رواة مسلم )
