البنوك عندنا بالكويت اخترعوا قرض متعارف عندهم بـ ( البالون) يعني بالشعبي التفاخيه القرض هذا كل ما زادت الفايده يكبر وتشوف المقترض كل ما يسدد يرد نفس مبلغ الدين عليه بمكانه ما يتحرك ,, واذا بغيت تقترض تشوف شركات وبنوك يعطونك تسهيلات كبيره ,, وين البنك المركزي عنهم ,,
بعدين انا بقول جمله سمعتها من واحد من الناس المقربين حق الدكتور ضيف الله بورميه يقوول (( ياكثر الحساااد بالكويت ))
واحد من الاخوان كاتب يطيحون القروض عن العراق اذا الحكومه شايفه جذي بس انا ضد اسقاط القروض عن الكويتيين ؟؟!!
يا اخوان والله موضوع القرووض فيه اجر ياخي قول الله لا يبلانا ويفك كربتهم
لا تطالع واحد ماخذ سياره والا واحد ماخذ قرض عشان يسافر فيه ,, هذول اربع اسنيين بالكثير ويسدد قرضه , طالع واحد باني بيته وقصرت عليه الفلوس واكل معاشه الاجار وطق قرض يكمل بيته وصار مطلووب لبنك ومطلوب للاسكان والمصاريف كثرت عليه ,واخر الشهر مايقدر يسدد تصوور فرحة هالانسان لما تطيح عنه القروض !!؟
شوف واحد بنته والا ولد والا امه فيه الخبيث الله يكفيكم شره وراح وراح لصحه ودوها والا ودوه برا وقالوا ماكو فايده منه ورده الكويت وشافه قدامه كل يوم يموت الف مره قدام عينه والله ياخذ قرض وقرضين وثلاثه ويوديه كل دول العالم بس عشان يدور له علاج لو انه يدري ان مكو علاج بس لازم يسوي له شي ,, واحد معاشها ضعيف البيت يبي مصروف والمدارس مصروف والديره صايره ناار والمعاشات زادوا خمسين وولعت الديره كل شي غالي ليتهم ما زادوا هالخمسين ,, بعدين 45 الف (رب اسره) مطلوب القاء قبض يعني هالناس عندها فلوس وما تبي تسدد ؟؟!! والله لو عندهم يسددون ولا هالحاله الي عايشين فيها ؟؟ ممنوع من السفر واذا شاف تفتيش شوي والا يوقف قلبه , ومعاملات واقفه ؟؟ ,,
كلنا نحب الكويت بس اذا الحكومه ما طيحت القرووض تتصورون انها جاده تبي تعدل الديره ؟؟ وينها من زمان ما عدلتها والا قبل كانت دوله فقيره والحين على سالفة القروض صارت غنيه والفلوس الي عندها يالله تكفي شي واحد يا القروض يا تطوير البلد ؟؟!! غير منطق ! اسغفروا ربكم وقولوا الحمدلله على كل حال وكلنا مسلمين عيال ديره وحده واخوان
وبعدين مافيه واحد بالكويت مو مطلوب واذا مو مطلوب اخوه والا واحد يصير له والا حتى واحد من ربعه ويتمنى له الخير تمنوا الخير لاخوانكم وطالعوا الناس المتضررين من الديون لا تشووفون الشوي الي ماخذين قرووض فسقه .
استغفر الله ,, استغفر الله .. استغفر الله .. اللهم ارحمنا وعافنا واعفوا عنا