حل ازمة القروض

[سعود 33]

السلام عليكم

مشكور اخوي علي الموضوع والاقتراح

بس انا عندي تعليق علي حلك

الي فهمته من حلك ان الحكومه تدفع المديونيه

وتقاصد عليهم المديونيه

كلام جميل بس شنو يستفيد منه الي مو مديون ؟
ولا شي
وشنو تستفيد منه المشاريع الحكوميه والخدمات العامه ؟
هم ولا شي

بحلك هذا لا المواطن الي مو مطلوب استفاد ولا الخدمات تطورت والمديون
يتم مديون
منو الوحيد المستفيد من الحل ؟
المستفيد الوحيد البنوك
يعني ماتوقع منه اي فايده الا تخفيف القصد
يعني ماعندكم مشكله الدوله تدفع وماتكون فيه تطوير للخدمات لان المبلغ الي تبون فيه التطوير اندفع للبنوك
والمواطن الي مو مطلوب ماستلم شي
وين المشكله لو الدوله سددت المديونيه بدون تقصيد عليهم مدام المطالبين بعدم اسقاط القروض يبون او يتعذرون بالخدمات العامه او الي يطالبون بالمساوات ماستفادو شي الا انهم حرمو المديون من تسديد دينه من الدوله


قـــــــــــــــــلبي كــــــــــويتي

 

[silent_wind]

ايي والله الكويت مثل عين عذاري تسقي البعيييييييد وتخلي القريببب الي اهم اهلها والله حاله نعطي مصر او لبنان او سوريا والاردن او اهم يكرهونا كررره او شايليين علينا ما ادري والله منو الي معطيهم قرض كأنهم اهم الي متنقصيين علينا , بصراحه لازم الناس تتحرك والنواب يسون لنا شي يالييت يطالبون اهم يسكرون الصندوق للتنميه الي ابتلشنا فييه

 

[bu3teeg72]

ايي والله الكويت مثل عين عذاري تسقي البعيييييييد وتخلي القريببب الي اهم اهلها والله حاله نعطي مصر او لبنان او سوريا والاردن او اهم يكرهونا كررره او شايليين علينا ما ادري والله منو الي معطيهم قرض كأنهم اهم الي متنقصيين علينا , بصراحه لازم الناس تتحرك والنواب يسون لنا شي يالييت يطالبون اهم يسكرون الصندوق للتنميه الي ابتلشنا فييه

صدقت والله جان زين يسكرون هالصندوق موليّه وفلوسه يعطونها حق مؤسسة رعاية الإسكان.. بس ما اعتقد تصير.

 

[Q8_]

والله حاله نعطي مصر او لبنان او سوريا والاردن او اهم يكرهونا كررره او شايليين علينا

هذة من علامات الساعة
من لعن آخر هذة الأمة أولها

هؤلاء مسلمين يا أخ
من قال لك أنهم يكرهوننا

حسبنا الله و نعم الوكيل

الناس كثر فيهم السفه و الخبال , و أصبحوا لا يميزون الحق من الباطل و العدو من الصديق

 

[Q8_]

الي يطالبون بالمساوات ماستفادو شي الا انهم حرمو المديون من تسديد دينه من الدوله

بالعكس اللي يطالبون بالمساواة ليست نيتهم أن يحرمون أخوانهم
نيتهم أن يستفيدوا مثلهم

 

[al7bebe]

عندي حل عملي وسلمي

عمل مسيره مضاهرة في كل منطقه من الكويت وتكون مركز نقطه التجمع عند كل نائب مجلس امه .
هذا هو الحل الاخير.

 

[بوكر]

وطني حبيبي

اخواني واخواتي

في العشر الاواخر من رمضان زارنا ابورميه في الدوانيه

اول ماقعد قدمناله القهوة وبعد ماخذينه اخبارة

اول سؤال سألته للأخ ابو رميه

هل اسقاط القروض فيها مساواه بين الشريحه المقترضه والشريحه الغير مغترضه

اجابني بجواب دبلماسي

قال : اشجاب المقترض للغير مقترض

تعجبت من الرد هاذا قلتله اشلون اشجاب هاذا الى هاذا

قال انا اقولك وراح اضربلك مثال

قلت تفضل

قال ابي اضربلك مثال تذكر لمه يطيحون الفوائد عن المتقاعدين
قلت نعم

قال اذا الحكومه اسقطت الفوائد عن جميع المتقاعدين ومائسقطت الفوائد عن عشر بالميه من المتقاعدين
هذي فعلن مافيها انصاف ولاكن اذا اسقطو الفوائد عن جميع المتقاعدين هاذا انصاف مائه بالمائه

وبعدين سكت

انا مابردت حرتي لأنه الجواب نوعن ما مائقنعني

سئلته قلت والي ماعليهم اقروووض هذوله مو مظلومين

قال مظلومين ومو مظلومين

قلت اشلون

قال بدال افلوس اهل الديرة تروح حق الدول الي برة مثل الي يومين يهددون حدودنا والي يحرقون سفراتنا يوم حرب امريكا على الاعراق تكون في ديرتنا احسن

عاد قالي انت عليك قرووض قلت الحمد لله ماعلي ولا شي حتى سيارة الحمد لله

قالي ليش ماعرضت الحكومه لما عطو اعراق ولبنان واليمن ....الخ

اشمعنا عارضت لما الافلوس بدال ماتروح برة حق افلان وفلنتان تصير حق الشعب

بعدها مافتحت حلجي
لأنه كلامه صح صح صح

لأنه الديرة هاذي فيها حسد في بعض الفئات ولا اقول الكل والله حسد مو طبيعي شوف البورصه وحكم طبعن مو الكل بعض

احد الحظور سئل ابورميه قال زين والغير مغترضين قال لازم انطالب لهم بشي مو عشان غير مغترضين لا لأنه عندنا فائض بالميزانيه

هاذا الحديث الي صار بيني وبين النائب ابو رميه

وشكراً​

 

[سليمان الضيف]

اخواني واخواتي

في العشر الاواخر من رمضان زارنا ابورميه في الدوانيه

اول ماقعد قدمناله القهوة وبعد ماخذينه اخبارة

اول سؤال سألته للأخ ابو رميه

هل اسقاط القروض فيها مساواه بين الشريحه المقترضه والشريحه الغير مغترضه

اجابني بجواب دبلماسي

قال : اشجاب المقترض للغير مقترض

تعجبت من الرد هاذا قلتله اشلون اشجاب هاذا الى هاذا

قال انا اقولك وراح اضربلك مثال

قلت تفضل

قال ابي اضربلك مثال تذكر لمه يطيحون الفوائد عن المتقاعدين
قلت نعم

قال اذا الحكومه اسقطت الفوائد عن جميع المتقاعدين ومائسقطت الفوائد عن عشر بالميه من المتقاعدين
هذي فعلن مافيها انصاف ولاكن اذا اسقطو الفوائد عن جميع المتقاعدين هاذا انصاف مائه بالمائه

وبعدين سكت

انا مابردت حرتي لأنه الجواب نوعن ما مائقنعني

سئلته قلت والي ماعليهم اقروووض هذوله مو مظلومين

قال مظلومين ومو مظلومين

قلت اشلون

قال بدال افلوس اهل الديرة تروح حق الدول الي برة مثل الي يومين يهددون حدودنا والي يحرقون سفراتنا يوم حرب امريكا على الاعراق تكون في ديرتنا احسن

عاد قالي انت عليك قرووض قلت الحمد لله ماعلي ولا شي حتى سيارة الحمد لله

قالي ليش ماعرضت الحكومه لما عطو اعراق ولبنان واليمن ....الخ

اشمعنا عارضت لما الافلوس بدال ماتروح برة حق افلان وفلنتان تصير حق الشعب

بعدها مافتحت حلجي
لأنه كلامه صح صح صح

لأنه الديرة هاذي فيها حسد في بعض الفئات ولا اقول الكل والله حسد مو طبيعي شوف البورصه وحكم طبعن مو الكل بعض

احد الحظور سئل ابورميه قال زين والغير مغترضين قال لازم انطالب لهم بشي مو عشان غير مغترضين لا لأنه عندنا فائض بالميزانيه

هاذا الحديث الي صار بيني وبين النائب ابو رميه

وشكراً​

يعطيك العافيه اخوي بوكر ...

سلملي على بو رميه وعطه هالأقتراح وقول له بهالحاله الكل مستفيد .. البنوك والدوله والشعب

 

[almoress]

اناا مع الاخوان يلي رفضوا اسقاط القروض،،،لوا يحطون الفلوس بمشاريع بني تحتيه ومستشفيات اطفال وجامعات وحل مشاكل المرور وانشاء انفاق افضل من اسقاط القروض يلي تفيد فئه تعاني من هوس الاقتراض وشكرا

عفوا بس مجرد سؤال


الأخ كويتي ؟؟


إذا كانت الإجابه بلا


فالموضوع يخص الكويتيين فقط


وشكراً

 

[windc]

أسقاط القروض قرار غير حيم أطلاقا
أسقاط القروض قرار يتسم بعدم العدالة.والفساد هو عدم العدالة ؟
أى متخذ قرار حيم يقبل بذلك؟؟؟؟؟

 

[windc]

أسقاط القروض قرار غير حكيم أطلاقا
أسقاط القروض قرار يتسم بعدم العدالة.والفساد هو عدم العدالة ؟
أى متخذ قرار حكيم يقبل بذلك؟؟؟؟؟

وشكرا

 

[bu3teeg72]

عفوا بس مجرد سؤال


الأخ كويتي ؟؟


إذا كانت الإجابه بلا


فالموضوع يخص الكويتيين فقط


وشكراً

إنت قاعد تتكلم مثل بوش.. يا تصيرون معانا يا إنكم ارهابيين

 

[سليمان الضيف]

أسقاط القروض قرار غير حيم أطلاقا
أسقاط القروض قرار يتسم بعدم العدالة.والفساد هو عدم العدالة ؟
أى متخذ قرار حيم يقبل بذلك؟؟؟؟؟

يعطيك العافيه ...

اتوقع انك ما قريت الموضوع الرئيسي ...

 

[سليمان الضيف]

السلام عليكم

مشكور اخوي علي الموضوع والاقتراح

بس انا عندي تعليق علي حلك

الي فهمته من حلك ان الحكومه تدفع المديونيه

وتقاصد عليهم المديونيه

كلام جميل بس شنو يستفيد منه الي مو مديون ؟ ما استفاد لكن استفادوا اخوانك اللي لعبت فيهم البنوك وكل يومين زايده عليهم الفوائد
ولا شي
وشنو تستفيد منه المشاريع الحكوميه والخدمات العامه ؟ اي مشاريع ؟ تقصد القطارات اللي بحطّونها ؟ واللا البنيه التحتيه ؟ واللا ناطحات السحاب ؟؟ اها يمكن تقصد مدينة بوبيان الصناعيه .. عسى ماشر !!هم ولا شي

بحلك هذا لا المواطن الي مو مطلوب استفاد ولا الخدمات تطورت والمديون
يتم مديون صح وهذا اللي ابي اوصل له ! ان المسأله يكون فيها شوية عدل ... ما يصير الحكومه تكافئك لأنك غلطان ؟ ولا يصير اخوانا الغير موافقين على مبدأ تخفيض القسط يكافئون الحكومه بالدفاع عنها ضد اخوانهم !!
منو الوحيد المستفيد من الحل ؟
المستفيد الوحيد البنوك
يعني ماتوقع منه اي فايده الا تخفيف القصد طيّب شنو بيضرك انت ياللي مو مديون بهالحل !!!!! سبحان الله يعني ماعندكم مشكله الدوله تدفع وماتكون فيه تطوير للخدمات لان المبلغ الي تبون فيه التطوير اندفع للبنوك لا ماعندي ولا عندك مشكله لما الدوله تصحح خطأها كاملا غير منقوص من الشعب لي المرفقات العامه ؟؟
والمواطن الي مو مطلوب ماستلم شي
وين المشكله لو الدوله سددت المديونيه بدون تقصيد عليهم المشكله لما انا وانت وغيرنا رحنا البنك ناخذ التورّق او القرض كنا حاطين حسابنا بندفع لي النهايه وما يصير نغلط ونبي احد يدفع عنّا ؟؟ شنو اللي تغير يعني يخليك ما تدفع مديونيتك !! وتكون بهالحاله ما ظلمت اللي مو ماخذ قرض مدام المطالبين بعدم اسقاط القروض يبون او يتعذرون بالخدمات العامه او الي يطالبون بالمساوات ماستفادو شي الا انهم حرمو المديون من تسديد دينه من الدوله


قـــــــــــــــــلبي كــــــــــويتي

بالتوفيق

 

[nabeels8]

تحليل إخباري: وافقت على حضور الجلسة الخاصة بعد تأكدها من جديتها
جبهة حكومية- برلمانية صلبة تمنع إسقاط القروض وتوقف المساومات


11/11/2006 كتب عبدالمحسن جمعة:
يبدو ان الحكومة وبعد جهود طويلة على الصعيدين البرلماني والاعلامي قد نجحت في تشكيل جبهة حكومية- نيابية صلبة في مواجهة الدعوات والمطالبات النيابية والشعبية بزيادة الرواتب وتخفيف اعباء الديون واسقاط القروض عن المواطنين.
ولم يكن اعلان النائب د. ضيف الله بورمية الثلاثاء الماضي في المهرجان الشعبي الذي اقامه في شأن اسقاط القروض بموافقة الحكومة على حضور الجلسة المرتقبة لبحث هذه القضية والذي لحقه بعد اقل من 24 ساعة تصريح من رئيس اللجنة المالية والاقتصادية البرلمانية النائب احمد باقر بأن قضية زيادة الرواتب للموظفين ليست اولوية لديها، لتأكيد تشكل تلك الجبهة البرلمانية التي تقدر ب15 نائبا من تيارات وكتل برلمانية بالاضافة إلى أعضاء الحكومة البالغ عددهم 16 وزيرا بالاضافة الى رئيسها ليكون المجموع 31 عضوا يمنعون تمرير تلك القوانين الشعبية او الشعبوية في الدورة او عند ردها من الحكومة، كما يرى احد النواب المعارضين بشدة لزيادة الرواتب وتخفيف اعباء القروض او اسقاطها.
ويذكر مصدر برلماني ان الحكومة وافقت على طرح موضوع اسقاط القروض بعد تيقنها من ان نوابا معارضين لهذا الأمر سيكون لهم كلمات اثناء المناقشة العامة قوية في رفض هذه الاقتراحات ومساندة الموقف الحكومي بصلابة في هذا الشأن، من دون ان يترتب على الحكومة اثمان تذكر تسددها لأحد او اضطرارها الى الضغط على النواب المحسوبين او المقربين منها، والذين لا تثق الحكومة في قدرتهم على تحمل الضغوط الشعبية والصمود معها حتى النهاية خاصة بعد الثمن الباهظ الذي دفعوه شعبيا لمواقفهم في قضية تعديل الدوائر الانتخابية.
وترتكز الحكومة في جبهتها تلك على ما تعتبرهم مفاتيح رئيسية برلمانية معارضين لزيادة الرواتب واسقاط القروض او تخفيف اعبائها عن المواطنين بصلابة على حد وصف المصدر البرلماني، ومنهم رئيس اللجنة المالية احمد باقر وعضواها ايضا النائبان فيصل الشايع ومحمد المطير ونواب اخرون، بالاضافة الى اعتبار الكتلة الوطنية بجميع اعضائها ستقف موقفا مؤيدا لها من دون تحفظ، بالاضافة الى عدد من النواب من توجهات مختلفة مازالت مواقفهم غير محددة او يتعمدون ابقاءها ضبابية بينما يكنون مواقف ضد اي مشاريع ذات كلفة مالية على الدولة.
وترى مصادر برلمانية ان تشكل تلك الجبهة الحكومية- البرلمانية وتأكد جديتها بجرأة اللجنة المالية بإعلانها ان قضية زيادة الرواتب لم تعد اولوية لها، سيمكن الحكومة من عدم الدخول مع بقية النواب المؤيدين لزيادة الرواتب او اسقاط القروض في مساومات وتمسكها ببديل واحد هو الشركات الاستثمارية الثلاث التي تقدمت بها مع امكان تقديمها بعض التنازلات في ادخال تعديلات عليها ترضي اطرافا نيابية مختلفة.

 

[صايدها]

يبه نبي تطووووووووووووير مانبي طراروه وطراطير
اللي اخذ قرض يتحمل قرضه ماحد قاله ياخذ قروض ويزحم نفسه بالديون
مو كافي الحكومه تدفع رواتب لناس عطاله بطاله .... والله قهر .. حتى باوربا ماصارت ....
كل الدول اللي حوالينا سبوقنا وحنا كل همنا الركضه ورا الفلوس
تبون الصج 3 ترباع الشعب عاله على الحكومه
وحرام نظلم المنتج بالمستهلك اللي كل همه نفسه وبس
نبي مشاريع وتطوير وتقدم نبي مشاريع تنفع الكويت بالاول ونطاول الدول المجاوره اللي من كم سنه كانت هي عروس الخليج والحين بسبب طمع الشعب صارت ؟؟؟؟؟ مانا قايل لان الكويت قدها وراح ترجع لسابق عهدها وتبقى هي عرووووووووووووس العالم كله ....

 

[stillhamad]

يبه نبي تطووووووووووووير مانبي طراروه وطراطير
اللي اخذ قرض يتحمل قرضه ماحد قاله ياخذ قروض ويزحم نفسه بالديون
مو كافي الحكومه تدفع رواتب لناس عطاله بطاله .... والله قهر .. حتى باوربا ماصارت ....
كل الدول اللي حوالينا سبوقنا وحنا كل همنا الركضه ورا الفلوس
تبون الصج 3 ترباع الشعب عاله على الحكومه
وحرام نظلم المنتج بالمستهلك اللي كل همه نفسه وبس
نبي مشاريع وتطوير وتقدم نبي مشاريع تنفع الكويت بالاول ونطاول الدول المجاوره اللي من كم سنه كانت هي عروس الخليج والحين بسبب طمع الشعب صارت ؟؟؟؟؟ مانا قايل لان الكويت قدها وراح ترجع لسابق عهدها وتبقى هي عرووووووووووووس العالم كله ....

درينا الكويت عروس بس منو العريس

لأن كل عروس محتاجه عريس علشان تصير عروس .. ومن غير عريس ما كو عروس .. :

 

[جاد جدا]

خوش فكرة

 

[ahmad_q8]

ياريت جميع معارضي إسقاط القروض يشدون حيلهم إذا وافقت الحكومة على إسقاط ديون العراق و لا أبوي مايقدر إلا على أمي .

 

[bu3teeg72]

ياريت جميع معارضي إسقاط القروض يشدون حيلهم إذا وافقت الحكومة على إسقاط ديون العراق و لا أبوي مايقدر إلا على أمي .

يا ليت الجميع يوقف بوجه الحكومة إذا ارادت أن تسقط ديون العراق.. هالسالفة ما فيها مع اسقاط القروض أو ضد.. بس عاد أتمنى نشوف بوسترات ومنشورات مثل ما قاعدين يسوون ألحين.