قولوا لبو متعب ترى الشعب مقهـور ..... ياخـادم البيتيـن ... امسـك عصاهـا

الموضوع في 'السوق السعودي للأوراق الماليه' بواسطة أبو شهد, بتاريخ ‏8 نوفمبر 2006.

  1. أبو شهد

    أبو شهد عضو جديد

    التسجيل:
    ‏15 يناير 2006
    المشاركات:
    30
    عدد الإعجابات:
    0
    ضاعت فلوس الناس مع كل هامـور
    ومثلك يعرف البير ويعـرف غطاهـا
    من سي لاسوا وبين عاثر ومعثـور
    وسهمك وهو سهمك رمـوه بخلاهـا
    كيف اشكي العله على كـل دكتـور
    والطب عندك وانت تعـرف دواهـا
    ماخافوا الله خالـق النـار والنـور
    حتـى الأرامـل شاركوهـا بعشاهـا
    يا قلبي اللي فيـه نيـران وحـرور
    ضاقت علي دنياي وسكـر فضاهـا
    سوقك بلون الـدم باسبـاب مغـرور
    يضغط على سابـك وكسـر يداهـا
    بالعشر اواخر نرجي الذنـب مغفـور
    قامـوا علينـا قومـة ٍ مـا وراهـا
    واعمار صارت دمها اليـوم منثـور
    وخاب الرجا باعمار واللـي رجاهـا
    ياما بنينـا فوقهـا ابـراج وقصـور
    وراحت سدى والسوق دحدر معاهـا
    كم شاب قال ابغى اتزوج من الحـور
    وافلس وبيره جـف ماشـاف ماهـا
    وكم راعي اسره اصبح الصبح مفقور
    العيد بكـره واسرتـه مـا كساهـا
    وقمت اتفكر وادرس الراي والشـور
    قلت ازبن لصقر العروبـه 0ذراهـا
    بكلمه تجي من عنده اليوم مسـرور
    والسوق يرجع عشب يروي ظماهـا
    يادرعنا لا صـار بالكـون عاصـور
    كم صرخة ٍ للنـاس تسمـع صداهـا
    يالحر يابن الحـر والحـر مخبـور
    قاد الحرار الشامخـه فـي سماهـا
    ما يلحقك يا سيـدي شـك وقصـور
    لكـن رسالـه ياصلـك محتـواهـا
    حيثك ابونـا والرجـا فيـك موفـور
    عدل شمـل كـل البـلاد وغشاهـا
    جوني يعزوني على السوق ماجـور
    قلت البقـا بالشيـخ يطفـي لظاهـا
    ويرد لون السوق عشبي ويخضـور
    مثل علـم دار السعـو د وصفاهـا
    خيرك عميم وشاكر الناس مشكـور
    ومزن الحيـا عـم البـلاد وسقاهـا
    انت الرجا بعد الولي تدفـع الجـور
    واسلم عساك تدوم وتحمـي حماهـا










    القصيده للشاعر

    عبد الرحمن المرخان
     
  2. سليمان الضيف

    سليمان الضيف موقوف

    التسجيل:
    ‏11 يناير 2006
    المشاركات:
    1,912
    عدد الإعجابات:
    0
    مكان الإقامة:
    الــكــويـــت
    قصيده جميله جدا وصح لسان الشاعر ...

    وشكرا لك اخي الكريم لنقلك مثل هذه التحف :)
     
  3. دكتور

    دكتور عضو جديد

    التسجيل:
    ‏1 سبتمبر 2005
    المشاركات:
    385
    عدد الإعجابات:
    0
    يابو شهد سوقك اليوم أكله خابور

    وعود الكساب يشنا و يندب ثراها



    رجينا بحسه نملك أموال وقصو

    واليوم ليت روسنا تسلم من تلاها



    ضغط وسكر وشي ماهو بمخبور

    ويقال فلان مسهوم علته وش دواها



    ليت بصري ما تعنى و شد الكور

    وليتنا ما بعنا الغنم كان اليد من وراها



    أبو متعب ما قال حط راسك بتنور

    من تلى العير ملزوم يصبرعلى.... بلاها
     
  4. أبو شهد

    أبو شهد عضو جديد

    التسجيل:
    ‏15 يناير 2006
    المشاركات:
    30
    عدد الإعجابات:
    0
    مشكورين على الردود الجميلة