كيفية عمل الستوب لوز ؟

[أبوخالد]

السلام عليكم .. إخواني

أرجوا المساعده لإيضاح كيفية عمل الستوب لوز في الأميريتريد فماذا أضع في الحقل رقم 1 price والحقل رقم 2 Act price .

 

[أبوخالد]

أعوذ بالله ..
والله لو إني طالب سلف إن كان سلفتوني .. معقوله ما فيه أحد نفسه خفيفه يجاوب.

 

[ice_pilot]

هههههههههههههههه
ابو خالد انا اضحك لأن وانا والله جالس ابي ارد عليك الا وطالع لي ردك الثاني.

يا خوك عين خير والشباب هنا والله ثم والله ما يقصرون وزي ما انت عارف اليوم خميس والناس مريحين وباقي وقت طويل على التداول يعني ما فيه بالمنتدى الا المطافيق اللي زيي (مزحه).
عزيزي انت توك عضو جديد وتوك داخل السوق ولازم انت تقرأ وتقرأ وتقرأ لان هذي البدايه الصحيحه الواحد اذا حط في راسه شي لازم يسويه ، والمنتدى فيه خاصية البحث تقدر تحط اي كلمه من سؤالك وتبحث عنها ويجيب لك كل الكلمات المتعلقه ، عموماً يا عزيزي وحبيبي ابو خالد مالك في طول الهرج وانا والله انصح مو اتفلسف واتمنى لك الخير .
هذي رابط لموضوعين من اهم المواضيع عن السوق الأمريكي واحد للأخ ابو ابراهيم (free trader ) تلاقيه مع المواضيع المثبته وهذا الرابط
http://www.indexsignal.com/vb/showthread.php?t=42211

والثاني للأخ سهيل الدراج ومتأكد ان فيه انواع الأوردرات وجواب سؤالك بس مو فاكر اي صفحه وهذا رابط الموضوع
http://www.indexsignal.com/vb/showthread.php?t=47978

وخلك (كول) وابشر بالخير وانا اخوك

ابو راشد

 

[FreeTrader]

اسف على التاخير وسامحنا اخوي بوخالد ما شفت الموضوع الا الحين

عاده انا اعمل الاتي
اضع في الخانتين نفس الرقم او السعر الي ابيه
طبعا تكون فاتح خانه stop limet

لكن تقدر مثلا تحط في خانه price سعر الستوب لوز الي في وقتها تبي الامر ينكشف بالسوق

و رقم 2 تحط سعر البيع الي انت ناوي تبيع عليه

مثال
في رقم 1 تقول اذا السهم نزل الى سعر 3 دولار اكشف امر الستوب لوز الموجود في رقم 2
في رقم 2 تكون انت وضعت سعرك وهو مثلا 3.1 ومتى ما وصل السهم للسعر 3.1 راح يبيعون لك

لذلك انا من عادتي اني اضع الرقمين نفس الشي لاضمن البيع الفوري من وصول السعر
اتمنى تكون اجابتي واضحه
وسامحني مره ثانيه على التاخير

 

[أبوخالد]

هلا والله بالطيبين ..

أخوي.. ice_pilot و أستاذنا free trader ويعطيكم العافيه ..وهذا العشم فيكم .. والا انا الله يكفيكم الشر كنت اتداول في الأسهم السعودية وجاني إعصار إسمه ج م ا ز وجاب عاليها واطيها وقلت أجرب في الأمريكي .

 

[أبوخالد]

أستاذنا Free Trader

عملت الخطوات اللي قلت لي عليها لكن الطلب تم رفضه Order Canceled: Rejected by Market وش السبب ؟ الله يعطيك العافيه .

 

[أبوخالد]

Free Trader
أرجوا انك تطول بالك علي إتبعت الخطوات بالضبط ولكن هذا اللي صار معي
Please be aware that this security has special margin requirements.
Sell 400 shares of TRMS (TRIMERIS INC COM)
Last: 9.65, Bid: 9.63, Ask: 9.65, Bid/Ask size: 200X600

ويقول ان الطلب مرفوض والحل الله ينور عليك..

 

[FreeTrader]

يمكن انت حاط الستوب لوز قريب؟ من السعر ؟

وتأكد انه الطلب يكون limit
وليس market

 

[أبوخالد]

يحفظك ربي أخوي Free Trader والله أنا حاط البيع 10 والستوب لوز 9.30 هل ترى إنهم قريبين من بعض ؟ لكن اعتقد ان الموضوع له علاقه باسهم معينه والمارجن .
وش رايك مهوب كني صرت أفتي في الأسهم ؟

 

[FreeTrader]

يحفظك ربي أخوي Free Trader والله أنا حاط البيع 10 والستوب لوز 9.30 هل ترى إنهم قريبين من بعض ؟ لكن اعتقد ان الموضوع له علاقه باسهم معينه والمارجن .
وش رايك مهوب كني صرت أفتي في الأسهم ؟

بعيد يا خوي
يعني ممكن السهم الى9.3 بس ماراح تضمنه انه يرجع الى 10 !!!
يعني ممكن ينزل عليك اكثر وهو ما باعلك اي شي هذا الخطر بعينه وعلومه

 

[أبوخالد]

بعيد يا خوي
يعني ممكن السهم الى9.3 بس ماراح تضمنه انه يرجع الى 10 !!!
يعني ممكن ينزل عليك اكثر وهو ما باعلك اي شي هذا الخطر بعينه وعلومه

اللآست 9.69
الستوب لوز 9.30
البيع 10

هل إجرائي خطأ ..؟المشكله ماهي في الاستراتيجية اللي انا اتبعتها من حيث تقديري للسعر الصحيح. انا سوالي لماذا الطلب يتم رفضه.

 

[أبوخالد]

مشكور اخوي Free Trader

فعلاً تم قبول الطلب ويعطيك العافيه .