العزب

[عجيم]

بوفهد وبوعبود

ترى فيه خوش برنامج على ال ام بي سي

يوم الاربعاء

من تقديم العزب واعتقد ماني متاكد ان الثاني شنوف الهرشاني




مستدعيهم احد الامراء

وجمع من شعراء السعوديه

وسالت العزب في احدى المناسبات وذكر لي اسم الامير

لكني نسيته مع الاسف






































































































بس الله من شرهه

 

[خالد فهد السلوم]

البارح

البارح شفت الاعلان فى ال م ب سى .. ومعهم شعار معروفين

مثل هذال وغيره .....

اما الشرهات !!!!!!!!!!!! يا عجيم فهي بنزين الشاعر ... ماعوب زي

اول الرموش وتوابعها ...

 

[عجيم]

نعم بوفهد

الشرهه هي بنزين الشاعر

وها الايام اذا الشرهه مهيب بنزين خصوصي ولا ماتمشي (شد الشين)

الشاعر



ومعروف عن بو عبدالله (العزب)

خفة الدم وهو صاحب نكته

ويوم قال السالفه ماخلت من المداعبه منه

يقول والكلام للعزب

اول مادخلت المنطقه وانا راجع من الرياض لقيت لوحات

الاعراس في كل محل

وقلت لا عز الله راحت الشرهه على العانيات

 

[عفار]

على طارى الشرهات

يالربع

اعرف شاعر شاب وشعره ماشاء الله عليه

فلته

لكن فيه ميزه ماهى بزينه

وجه مغسول بمرقه

وأذا تبون الصراحه أن الميزه هذى وفى الوقت هاذا وعند مثل الناس

هذولا

تعتبر ميزه ممتازه وتوكل عيش أبورصيص ماهو بشاور أبوحبه أصغيره

المهم

الشاعر هذا تعرّف على أحد الاشخاص اللى لهم حضوه عند احد الامراء

ونشب فى حلقه

كل يوم أنا عندى قصيده دخلنى على الامير

بالعربى بذ خفاه

قام الرجال وماقصر قال له

ترا الوعد يوم الاربعاء فى رماح طق الترويشه وأضبط المرزام

والله الله بالطاقيه اللى ناشبتن للاذانى

قال الشاعر أزهلها

ويوم جا يوم الربوع يالربع

دخل شاعرنا على الامير وهل القصيده عنده

وكانت قصيده والحق يقال أكثر من رائعه وقام الامير ومحطه 37000

ريال سعودى بالدولار قريب 10000

يقول يالعفار لما رجعت للبيت ونا مبسوط طرت على فكره جهنميه

ومن صباح الله خير

وأنا أتناوش الخطاطيين حقيين حى الصالحيه

وأتعاقد مع هاك البنغلاديشى

أنه يقوم ويخط لى القصيده بلوح رخامى كبير

رخام أصلى يابوفهد

ويقول ونا أعزم رقفيقى اللى دخلنى على الامير وأذبح له

هاك الشاه الى تبيض الوجه

وبعد العشاء قلت يافلان مافيه ألا سلامتك

أبيك أتدخلنى على الامير مره الثانيه

عندى هاللوح الرخامى ومكتوب فيها القصيده وبهديها على اامير

ونبيك تفزع لنا

الرجال قبل على مضض

وبعد أسبوع ياطويل العمر ألا التلفون يلعلع

قال ياشاعرنا ترا موعدك يوم الربوع فى رماح

يقول

وادخل على الامير ولوحى الرخامى معى عرفنى الامير

وضحك

وقال

عطو شاعرنا مايستحقه وهديته قبلناها

ويمحطنى 10000

على أن الفكره تكلفتها 1000

شاه ولوح رخامى وعرق البغلاديشى

المهم

يقول وأنا أرجع للبيت

وتطرى على بالى فكره اخرى جهنميه

وأروح من صباح الله خير الى جريدة الجزيره

وأقوم بنشر القصيده بربع صفحه

تكلفتها

4000

ريال

ولما أطلعت فى الجرايد أتصلت على صاحبنا وقلت له

خل الامير يقرا القصيده

أبكم نبهوه عليها ترانى جايكم

الأسبوع الجاى فى رماح

يقول

ياالعفار هالمره ماستحيت لانى حسيييت أنى راعى محل

طبعا

الشخص ذاك

حياوى قال الله يحييك

يقول

ونا اروح للامير وأنا فى بالى شى ثانى هالمره ماعاد أبى أفلوس

أبى الخوه

يقول ونا اخذ جريدتى معى وأبروزها بهاك البرواز اللى مايحتاج

وأنا أدخل عليه وأسلم

قلت

ياطويل العمر هالمره ماجيت أبى أفلوس ودراهم اليوم أبى خوتك

ضحك الامير وقال

لا

تبيى خوتى

هين

الامير ماقال هالكلام لكنى حسيت أنه قال هالكلام

من خلال السياق القادم للقصه

قال

الامير

خلاص رح لفلان وخله يكتبك من ضمن الخويا

وبعد ماقام

الامير

وناحط ثوبى فى فمى وطيران على سعد وكيل الامير

وبعد السلام

والسواليف الزينه

قال أتصل علينا بعد أسبوع قلت ماشى

وجا الاسبوع وأتصلت قال الاسبوع اللى بعده

المهم

جمدنى شهر كامل

وبعد الشهر أتصلت وقال تعال

وأنبسطت وأنا أروح له والفرد فى جنبى لانى كنت ضامن الشغله

لكنى تفاجئت

وأذا بسعد

يطلع شيك فيه أيضا 10000

ويقولى

الامير يسلم عليك ويقولك لوحطيناك خوى ماعاد نلقا اللى نكدّبه

على أعيالنا

توكل على اللله

 

[خالد فهد السلوم]

اولا

اولا :-

السرد جميل ... والتواتر يشد القاريْ ... واسلوبك يابو عبدالله يضيف

الى جمال الواقعه الشى الكثير ....

انا يابو عبد الله اغبط الانسان اللي وجهه مغسول بمرق على قولتهم

لان الحياوي هذي الايام ... مثل اليتيم على مائده اللئام ....

 

[عفار]

بالعكس يابوفهد

حضورك فى السالفه يعطيها طعم خاص

ونكهه خاص

ومن دونك ومن دون الاخوان مال السوالف طعم

 

[طموح]

(الامير يسلم عليك ويقولك لوحطيناك خوى ماعاد نلقا اللى نكدّبه على عيالنا)


:

 

[ميثاق]

ارحب ارحب بالشرهاااااات الي يبي شرهتي يسجل عند المشررف

 

[عجيم]

وهذا اخر الانتظار

لقاء مع شاعرين

ومحاورتين يغلب عليها الخجل

والباقي سامري

هذا يقول سامري حوطي والثاني يقول لا من عنيزه

لا ماعتقد ان مضيفهم بيقول كلام الامير اللي في رماح

(الامير يسلم عليك ويقولك لوحطيناك خوى ماعاد نلقا اللى نكدّبه على عيالنا)




لان سمي العود غير