الحرامي الضعيف

الموضوع في 'إستراحة المنتدى' بواسطة ابوخالد, بتاريخ ‏3 يونيو 2003.

  1. ابوخالد

    ابوخالد عضو جديد

    التسجيل:
    ‏1 سبتمبر 2002
    المشاركات:
    400
    عدد الإعجابات:
    0
    مكان الإقامة:
    الرياض
    يادكتور وياعفار وباقي الاجاويد
    ترى اخوكم مجرد ناقل
    بس والله اني رحمت هالمسكين

    هذي الله يحييكم ويسلمكم ويخليكم لعين ترجيكم قصه زوج وزوجته كانوا عايشين في قمه الرومانسيه والحب

    وكانت الزوجه مدرسه وراتبها زين (مع الإعتذار لجميع الإخوة ممن زوجاتهم مدرسات) .

    وهذا الزوج جاء يوم من الايام وهو طفران ...

    ماهنا زود دراهم الله يخلف وحصل زوجته توها مستلمه المعاش و هو اللي ينبسط

    و يوم طلعت من البيت . نقز للدرج اللي فيه الدراهم .. والقط سبعه الاف ريال فقط لا غير

    المهم درت زوجته .. وازعلي واطلعي لبيت اهلها

    ونادت اخوها وتمردس ببطنه وماخلى فيه عرق صاحي والله لا يوريكم ...

    لكن الزوج بعد ماصحى وصحصح و استصح

    قال هالقصيده اللي كلها شجن وعاطفه بعد ما هجرته زوجته بدون عوده

    اتمنى تنال اعجابكم و لكم تحياتي









    لي زوجة حبه يتــل المعــاليق ***** عرسي عليها العام باول شباطي



    من روحته والزاد بالبيت ماذيق ***** ولا اميز العلم القوي والخراطي



    بياض وجهه من بياض الغرانيق ***** وخدودها ياخوي مثل الطمــاطي



    والصدر يزهابه عذاب العشاشيق ***** والردف زامي فوقة الخصر واطي



    ومدرسه مع زين كل التخاليق ***** وزود على هذا تعـرف الخياطي



    وجابت رويتبها وصفـقت تصفيق ***** تسـعة الاف كلهن بالمــغاطي



    وصكت عليه بغرفته بالصناديق ***** وغطت على صندوقهن بالبساطي



    وديتها تشري قدور واباريق ***** وانا انطلقت للبيت يم الشناطي



    واخذت سبعة الاف معهن تلاحيق ***** وخليت انا الف وخمس معهن افراطي



    عرفت وقالت عندك اليوم ماليق ***** واللة لوتربط برجلي ارباطي



    وانا عرفت اني توهقت توهيق ***** يااللة يارب اتهديـن الصراطي



    وقالت لخوها كل شي بتوثيق ***** وجاني حلال القوم راع النشاطي



    ثمن ضربني ضربة تييبس الـريق ***** وقام وفرشني فرشتة للــسماطي



    وقام يتوطاني بليا ترافيق ***** و! يرجد علي ويمسحن بالبلاطي



    وا وجس بصدري عقب ضربه حشاريق ***** قمت اتنفس عقبها من اباطي



    لي تسعة ايام وانا بي تشاهيق ***** عجزت اسولف كن فيني اصقاطي



    براسي صعارير اسواة الزرانيق ***** ومضارب بالبطن مثل المقاطي



    ولا ضاق صدري قمت اجمع طوابيق ***** و الى توسع قمت اجمع قــواطي



    انا احمد اللة بدّل الضوق بالضيق ***** والهم من راسي نزل للمواطي
     
  2. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    الماديات

    للاسف يابو خالد الماديات اصبحت تاثر على حياتنا وقيمنا واشياء كثيره

    وين ايام الاجداد اللي الناس قلوبها سمحه وغنيه ... والقصه هذي

    تتكلرر كثير يابو خالد وبالضبط مع اختلاف الاسماء .
     
  3. fahad 1972

    fahad 1972 عضو جديد

    التسجيل:
    ‏8 مايو 2003
    المشاركات:
    46
    عدد الإعجابات:
    0
    هذا والله الهيبي القشر.....................................@@@@@

    بس يبو خالد ( جعله مهوب نصيبك النسيب القشر )


    و يو منه محتاج القشر وراه مكلم بنت الحلا ل (( وهداها بالكلام الزين ))

    والحريم يبو خالد اضحك عليهن ابكلمتين(( والله مشافت عيني مثل

    زينج )) تجيك من اقصاها ......


    الله يستر على خلقه............................
     
  4. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    وجهن يستاهل

    فوق سواته اللى زى وجهه

    رايح

    يقصد فيها وويصفها بالشعر بعد

    هذا وجعان

    يابوخالد

    زين سوت فيه

    وطمحت

    والله ماتنرد له ألا بعشرة شرايا



    :) :D


    على شان ماعاد أيتعودها