المشتري صباح اليوم .. غبي أم ذكي ؟؟

[stillhamad]

طبعا الأشاعات واصله بتايا .. أنه السوق اليوم قوع وما راح يرفع راسه .. والمؤشر لو يشوفه دراكولا يطيح غشيان من الوناسه ..

المهم

هل سيكون الشراء اليوم هو غباء أم ذكاء وأقتناص فرص ..

وخصوصا أن النزول الذي سيحدث اليوم سيكون هبوط غير مبرر كما يراه البعض كما حدث في حرب لبنان علي سبيل المثال ..

شاركوا بهذا الأستفتاء ينوبكم ثواب ..

 

[سليمان الضيف]

الله يعينك اخوي ليلحين حمد على هالسوق ...

 

[stillhamad]

الله يعينك اخوي ليلحين حمد على هالسوق ...

والله أخوي أبو محمد شسوي .. لم تتبقي وسيله للخروج منه ألا وأتخذتها .. لعل وعسي أن أجد واحد أبن حلال أكسر خاطره ويلقي ألي بتيوب النجاة ..

مساحل وساحلت .. غشمره وتغشمرت .. تقلقس وقلقست .. نغزات ونغزت .. لعب دور المسكين ولعبت .. لكن علي قولة المصريين غلب حماري ..

الدور الحين علي الله ثم عليك .. تبيني أساحلك حاضر .. تبيني يوم وترك أعزمك علي قهوه .. مطعم .. سينما .. ما عندي مانع .. تبيني أسجل صوتي وأنا أبجي وأترجاك وأدزه لك أيميل هم ما عندي مانع ..

المهم أرد راس مالي .. تبي تعطيني فلوس تعادل خسارة راس المال وتفكني من السوق .. هم خير علي خير .. و ما ضاع مال من صدقه .. وأنت مبين عليك أبن حموله وتحب الخير للناس ..


المهم لا تدعني وحيدا في هذه الغابه المليئه بالوحوش والذئاب البشريه ..

ما تفوتنيش أنا وحدي افضل أحايل بيك .. وما تخليش الدنيا تلعب بيا وبيك ..

 

[سليمان الضيف]

ههههههههه آسف للتأخير بس كنت افتر بين 15.000 فرصه ,, شركات السوق الأمريكي ..

حجي ما حسيت بالفرق اللا لما جربته ,,,

مشكلة اسواق البعارين للأوراق الماليه عفوا اسواق الخليج للأوراق الماليه كلها هواش بين الكبار ( او بمعنى أصح يتظاهرون بأن هناك مشاكل ) للضحك على الذقون ولسلب ما لديك من اموال بحجّة المشاكل اللي بينهم واذا صك السوق راحو يتغدّون ويا بعض !

تدري المشكله وين ؟ المشكله فينا احنا اللي داشين معاهم بين ارضهم وجمهورهم لو نتركهم ونروح عند الأوادم اللي قاعدين يشتغلون صح ويتفاهمون بلغه وحده اللي اهي الشارت وسوق عالمي ومفتوح للجميع يعني بلا فلان بلا فلنتان يلعب بالسهم وكل شيء واضح ومواقع تعطيك القوائم الماليه لأي شركه وتوقعات الأرباح وما إلى ذلك من امور واللي تحتاج اسواقنا الموقره اجيال عشان توصل لمستوياتهم ,,,

حجي خلني ترى اللي فيني كافيني والله لو اسولف مني لي باجر ما نخلص ...

لكن الزبده انسى موضوع الأسواق الخليجيه لمدة سنتين على ما يصحصحون شوي

وبالتوفيق اخوي ليلحين حمد

 

[stillhamad]

ههههههههه آسف للتأخير بس كنت افتر بين 15.000 فرصه ,, شركات السوق الأمريكي ..

حجي ما حسيت بالفرق اللا لما جربته ,,,

مشكلة اسواق البعارين للأوراق الماليه عفوا اسواق الخليج للأوراق الماليه كلها هواش بين الكبار ( او بمعنى أصح يتظاهرون بأن هناك مشاكل ) للضحك على الذقون ولسلب ما لديك من اموال بحجّة المشاكل اللي بينهم واذا صك السوق راحو يتغدّون ويا بعض !

تدري المشكله وين ؟ المشكله فينا احنا اللي داشين معاهم بين ارضهم وجمهورهم لو نتركهم ونروح عند الأوادم اللي قاعدين يشتغلون صح ويتفاهمون بلغه وحده اللي اهي الشارت وسوق عالمي ومفتوح للجميع يعني بلا فلان بلا فلنتان يلعب بالسهم وكل شيء واضح ومواقع تعطيك القوائم الماليه لأي شركه وتوقعات الأرباح وما إلى ذلك من امور واللي تحتاج اسواقنا الموقره اجيال عشان توصل لمستوياتهم ,,,

حجي خلني ترى اللي فيني كافيني والله لو اسولف مني لي باجر ما نخلص ...

لكن الزبده انسى موضوع الأسواق الخليجيه لمدة سنتين على ما يصحصحون شوي

وبالتوفيق اخوي ليلحين حمد

قواك الله اخوي ابو محمد .. أنا بالفعل أفكر جديا بالمضاربه في أسواق اليوراينيوم والزئبق الأحمر ..

علي فكره أعتقد الأن وبعد أن طاحت الميانه لك أن تناديني بحمد حاف وماله داعي الرسميات ومناداتي بللحين حمد ..


..

 

[سليمان الضيف]

ونعم فيك اخوي حمد ,,,

وعسى الله يوفقنا وياكم ان شاء الله

 

[Q8 Stock]

السلام عليكم

بشر حمد
بطشت فيهم ولا بطشوا فيك ..!!
وشنو طلع القرار الصبح
ذكي ام غبي ..!!

 

[أوتاد]

السلام عليكم ورحمة الله وبركاته...

الاخ حمد الله يكون بعونك ويعوضك خير ....

بس دامك خسران ليش قاعد تزيد كمية اسهمك ...؟؟

ليش ماتحول لمجال ثاني ...

استشير واستخير ... والله يكتبلك اللي فيه الخير

موفق

 

[Q8 Stock]

كانه في ردود تنكتب وتنحذف ..!!

 

[أوتاد]

نعم انا كتبت رد وحذفته ...

وكان من ظمنه عن العملات ...وماحبيت انصح فيها ...

وكان فيه رد بعد شفته وانحذف ..عاد ليش ما ادري ...ووقت الارسال واحد ..

 

[ASHgaR]

ماشالله عليك بو علي طمني شخبار صاحبنا
ترى انصح فيه عد فترة بعدين اجل على طول


بالتوفيق انت وللحين حمد

 

[Q8 Stock]

هلا اشقر

اجل حاليا ماميش :d
بعديين راح اسير عليكم بالامريكي :d :d

 

[ASHgaR]

نــســتــقــبــلك ونــفــرش طــريــقــك بــالــورد

.. يسرنا تواجدك بيننا وانضمامك معنا ....

.. وبكل ما تحمله معاني الشوق نتلهف لمسيارك علينا ..

.. فمرحباً بك تراحيب المطر إذا هلت ..

.. وهـلا بـك عـدد نجوم السماء وأكثر ..

.. عدد ما غرد الطير ..

مرحباا فيك .. بكل كلمه ومعنى ..

 

[Q8 Stock]

من طيب اصلك
الله يحييك ويبقيك
احرجتنا والله

 

[سليمان الضيف]

هلا اشقر

اجل حاليا ماميش :d
بعديين راح اسير عليكم بالامريكي :d :d

الحين انتا كدا ابهامك لفووووووء

 

[مضاربجي2006]

الأخ الظريف الحبيب حمد والله أنا من المتابعين لمشاركاتك الجميلة في هذا المنتدى الجميل ولكني استوقفتني عبارة ان الاشاعات وصلت بتايا !!!!!!! واصدق لو نضع فلوسنا في السحوبات أحسن من السوقََ!!!!!!!!!!! والسلام ختام

 

[stillhamad]

السلام عليكم

بشر حمد
بطشت فيهم ولا بطشوا فيك ..!!
وشنو طلع القرار الصبح
ذكي ام غبي ..!!

لا القرار ولله الحمد طلع موفق لكن نتايجه لم تظهر بعد كون السوق اليوم ما ساعد شوفة عينك .. ودي أقول شنو الشركات اللي أخذتها بس خاف الورده sprite يكرهني أذا عرف أساميها

السلام عليكم ورحمة الله وبركاته...

الاخ حمد الله يكون بعونك ويعوضك خير ....

بس دامك خسران ليش قاعد تزيد كمية اسهمك ...؟؟

ليش ماتحول لمجال ثاني ...

استشير واستخير ... والله يكتبلك اللي فيه الخير

موفق

والله اختي الكريمه فكرت أني أطلع من السوق ودوخته و أشوفلي بسطه بسوق الحريم أبيع فيه ديرم وفقس وعلج ماي .. راس مالهم بين ومربحهم بين وأن طاحوا بجبدي ما يحتاج أبرد عليهم وأزيد الخساره .. وما راح يختربون لو قعدوا ألف سنه . .. بس المشكله اللي يبيعون كلهم حريم .. قلت هم مو مشكله ألبسلي شيله وعبايه و محد يعرفني بس المشكله شلون أتفاهم مع الحريم ...

ماشالله عليك بو علي طمني شخبار صاحبنا
ترى انصح فيه عد فترة بعدين اجل على طول


بالتوفيق انت وللحين حمد

الله يوفقك وحنا الله يوفقنا .. الناس واجد وكم للحب طراده تسلم يا الأشقر

الأخ الظريف الحبيب حمد والله أنا من المتابعين لمشاركاتك الجميلة في هذا المنتدى الجميل ولكني استوقفتني عبارة ان الاشاعات وصلت بتايا !!!!!!! واصدق لو نضع فلوسنا في السحوبات أحسن من السوقََ!!!!!!!!!!! والسلام ختام

انت الجميل اخي الحبيب وكلك ذوق .. ولا تحاتي الفلوس أخي العزيز الفلوس وصخ دنيا .. بس وصخ حلو .. وصخ جميل .. وصخ رائع .. يا حلوه من وصخ .. ويا زينه من وصخ .. جان زين لو يحصلي شوية وصخ دنيا جان وزعت هالوصخ علي الفقراء والمحتاجين .. والباجي أوصخ نفسي فيه ..

 

[سليمان الضيف]

لا القرار ولله الحمد طلع موفق لكن نتايجه لم تظهر بعد كون السوق اليوم ما ساعد شوفة عينك .. ودي أقول شنو الشركات اللي أخذتها بس خاف الورده sprite يكرهني أذا عرف أساميها

والله اختي الكريمه فكرت أني أطلع من السوق ودوخته و أشوفلي بسطه بسوق الحريم أبيع فيه ديرم وفقس وعلج ماي .. راس مالهم بين ومربحهم بين وأن طاحوا بجبدي ما يحتاج أبرد عليهم وأزيد الخساره .. وما راح يختربون لو قعدوا ألف سنه . .. بس المشكله اللي يبيعون كلهم حريم .. قلت هم مو مشكله ألبسلي شيله وعبايه و محد يعرفني بس المشكله شلون أتفاهم مع الحريم ...



الله يوفقك وحنا الله يوفقنا .. الناس واجد وكم للحب طراده تسلم يا الأشقر



انت الجميل اخي الحبيب وكلك ذوق .. ولا تحاتي الفلوس أخي العزيز الفلوس وصخ دنيا .. بس وصخ حلو .. وصخ جميل .. وصخ رائع .. يا حلوه من وصخ .. ويا زينه من وصخ .. جان زين لو يحصلي شوية وصخ دنيا جان وزعت هالوصخ علي الفقراء والمحتاجين .. والباجي أوصخ نفسي فيه ..

ههههههههههههههه والله ضحكتني وذكرتني بواحد الله يرحمه يوم قالوله الفلوس وصخ دنيا .. قال ياليت من جدعن بهالبلاّعه !

 

[malek]

ن الطبيعي أسهم بسعر بلاش وموبقيمتها الحقيقية ، طبيعي أشتري إذا عندك فلوسك .

 

[بوراشد جروب]

هلا اشقر

اجل حاليا ماميش :d
بعديين راح اسير عليكم بالامريكي :d :d

حياك الله ...

ناطرينك على أحر من الجمر

وبعدين أبيك بكلمة راس