المؤشر السعري في الطريق للهاوية

[المراسل2]

الاخ سبلندد من منتدى النوادي وهو محلل محترف بشر الجميع بأن في الغد سوف يكون ارتداد للمؤشر

وتاكيدا لكلامه حلف الريال براس المشرف العام للمنتدى

وهذا خبر جميل والشكر للجميع

 

[splendid]

الاخ سبلندد من منتدى النوادي وهو محلل محترف بشر الجميع بأن في الغد سوف يكون ارتداد للمؤشر

وتاكيدا لكلامه حلف الريال براس المشرف العام للمنتدى

وهذا خبر جميل والشكر للجميع

ما حلفت وراس المشرف ..

حلفت برؤس اعضاء التوادي ,, ووطبعا على سبيل المزح ...

==========================

الله يعطيك العافيه اخوي بو خليفه على حرصك واهتمامك باخوانك اعضاء

المنتدى ,, لكن اليوم اعتقد من قيمه التداول الكبيره اللي صارت + النزول

القوي اللي صار بالسوق اليوم ,, ووصول المؤشرين السعري والوزني

لاهدافهما والاغلاق فوق هذه الاهداف ,, كلها تعتبر دلائل على قرب الارتداد

والتغير في اتجاه مؤشرات السوق ...

واعتقد ان اليوم صار معانا تاكيد لقاع لموجه الثانيه ,, وهي موجه تصحيحه

لصعود المؤشر من 9227 الى 10592 نقطه ... والتغير الحاصل في مؤشر

RSI يؤكد هذا الشي ..

والله اعلم

ولك تحياتي اخي ابو خليفه ...​

 

[ChuCky]

خطير جدا​

 

[المراسل2]

طيب شنو راي الاخ سبلندد بما يقوله الاخ شاكي ؟؟

هل سيبقى عند رايه الاول او لديه ملاحظات على كسر الترند التاريخي لسنة 2003

 

[wawwaw]

ابو خليفه الحين واصل مؤشر 9,588 نقطه وسوق لحد الان لم يقفل (

شنو تشوف مستقبلا​

 

[Fayez]

احب اشكر الاخ بو خليفة على رايه القيم اللي ما حسينا فيه الا اليوم ولذلك اطلب من الاخوة المشرفيين رفع تقييم الاخ بو خليفة

الله يجزاك الف خيييييير

 

[bo fawaz]

مع احترامى للجميع

توقع الاخ ابوخليفه بنزول المؤشر وتعرض اللتعليقات ساخره وفى النهايه
صدق باالى قاله والله يوفقه ان شاء الله

سؤالى للاخوان الى سخروا منه شنوا ردكم الحين

تراء ماتسوى تتشمت بناس واخر شى تطلع على خطا موحلوة بحقك

لو انتقد واحد ويطلع على حق ينقص وجهى واتاسف ومالى وجه اكتب
مرة ثانيه فى المنتدى

ليش الواحد يحط نفسه فى موقف بايخ

 

[abbass]

المهم يا بوفواز بماذا تنصح الان ؟

 

[bo fawaz]

والله ياعباس مايبيلها نصيحه
احترام وجه نضر الغير بدون استهزاء وتجريح

 

[wawwaw]

ابو خليفه ليت طافي اضاهر نايم

حكيم بو خليفه

 

[سهمكووو]

السوق نزل الرقم الكبير اليوم

لايقاف تداول الاجيليتي والوطنيه

ومن المعروف تأثيرهم على قراءات المؤشر

فان شاء الله تعالى عند عودة تداول الشركتين ما اعتقد يكون النزول قوي اذا كان فيه نزول

والمتوقع بعد اعادتهم للتداول راح يكون هناك نوع من الاطمئنان والارتفاع الخجول

الوضع معقد جداً دخول الجانب النفسي اي التأثير النفسي ايضا على المؤشر

 

[جاد جدا]

المؤشر السعودي ارتداد من 20000 الى 8000 احتمال يرد مؤشرنا الى 6000

 

[عكس التيار]

حذركم الغالي بوخليفة جزاه الله خير وغيره من المخلصين

و نصيحتي : اللي يبكي على فلوسه

هل بكي على تضييعه صلواته ؟

خل تضيع الدنيا باللي فيها ،بس احرص على دينك لا يضيع

 

[النــاقــد]

(

الصراحة يا شباب تنقال

بيعووووووووووووا قبل لا تدبسوووووون

وانا ناصح لكم ولكن شكلكم ما تحبون الناصحين


وشارت بتكام اللهجة الكويتهندية :d

في شغلة مو قادر افهمها !

الحين انا اللي فاهمه من تحليلك انك "استنتجت" ان المؤشر في طريقه للهاوية عن طريق الرسم البياني و دلالاته و بياناته , عدل ؟

انزين ... هل افهم من هذا ان لا علاقة لأزمة الافصاحات على السوق ؟

وان كل هذا الهبوط الحاد الحاصل في السوق هو عبارة عن "حركة تصحيحية" حالها حال غيرها من الحركات التصحيحية رغم شدتها ؟

اللي اسمعها و اعرفه ان السوق نازل بسبب ازمة الافصاحات فاشلون قدرت "تصيد" هذا النزول ؟

و شاكر لك اخوي.

 

[كرباج]

في شغلة مو قادر افهمها !

الحين انا اللي فاهمه من تحليلك انك "استنتجت" ان المؤشر في طريقه للهاوية عن طريق الرسم البياني و دلالاته و بياناته , عدل ؟

انزين ... هل افهم من هذا ان لا علاقة لأزمة الافصاحات على السوق ؟

وان كل هذا الهبوط الحاد الحاصل في السوق هو عبارة عن "حركة تصحيحية" حالها حال غيرها من الحركات التصحيحية رغم شدتها ؟

اللي اسمعها و اعرفه ان السوق نازل بسبب ازمة الافصاحات فاشلون قدرت "تصيد" هذا النزول ؟

و شاكر لك اخوي.

ليس لأزمة الإفصاحات دخل في النزول و التحليل الفني يرتبط بإمور عدة منها على سبيل المثال لا الحصر : توقيف الخسائر من بعض المحافظ والصناديق والأفراد عند نقاط دعم معينة تستوجب الخروج \ ضغط وترهيب عند هذه المناطق للتجميع على المدى البعيد \ نهاية تصريف تحتاج لفترة أطول في التجميع غير مشجعة للشراء .... الخ
والعكس صحيح
عمليات الشراء الكبيرة من قبل الخرافي في الفترة السابقة ساعدت في تماسك السوق فترة بسيطة !

 

[اقتصادي 2005]

التحليل التقني ماله شغل بالأساسيات. هو يبين لك انه في نزول أو صعود بدون الأسباب... بس وين الي يسمع!!​

 

[adany2005]

أولا اشكر كل من احترم وجهة نظري

ثانيا اسمح وتجاوز عن كل من انتقد وجهت نظري


وبالنسبة لسؤال اخونا الغافي

نقول لاشيئ جديد عن ما ذكرته بالتحليل الاول

والاهداف تأتي تدريجيا إذا ما استجد شئ

اذا كسر 9900 الهدف 9500 واذا انكسر ال 9500 فالهدف 9200

هلا اخوي بوخليفه
الحين المؤشر تتوقع يرتد من اخر هدف حطيته ولا اكو اهداف جديدة
مع الشكر

 

[ابو خليفه]

هلا اخوي بوخليفه
الحين المؤشر تتوقع يرتد من اخر هدف حطيته ولا اكو اهداف جديدة
مع الشكر

اولا احب اشكر كل من Fayez و bo fawaz و عكس التيار وباقي الإخوة على شكرهم ودعائهم لنا

وبالنسبة للمؤشر الصراحة الى الان ما في شي واضح

لكن ارتداده من 9240 هذا شي طيب ونتمنى عدم كسر ال 9000

واذا اتضح لنا امر واضح ماراح نبخل عليكم ان شاء الله

 

[المستفسر]

لا والله ابو خليفه اهدافه صحيحه وتحليله ممتاز لكن طبعا يقصد هو المضارب اليومى انه يطلع ويشترى باسعار ارخص لكن المستثمر ما عليه خوف نزول عادى وطبيعى وفى مناطق قويه انشاء الله وانا متفاءل ب 9860
انشاء الله يرتد قبلها لكن ياسوا حال ما اعتقد يكسر 9530
بالمختصر المفيد ما فيه نحشه للمستثمر الا اذا كسر 9266
هنيه القبه هههههههههههههههههههههههههه:

السلام عليكم

يهمنى اسمع رأيك اخوى الكابتن

كأنها بينت رياح 8444

 

[المستفسر]

السلام عليكم


للرفع