سؤال لعملاء ( وفرة )

[شاري بايع]

السلام عليكم

سؤال لعملاء ( وفرة ) شرايكم فيها هل تستحق فتح محفظة فيها

وجزاكم الله خير

 

[أوتاد]

وعليكم السلام ورحمة الله وبركاته,,,,

كنت اتمنى ان الرد يكون من عملاء الوفره ..
بس دامك ماحصلت الرد ..بحطلك رابط واقرا,,وقرر ...

http://www.indexsignal.com/vb/showthread.php?t=49276

والله اعلم,,,
استخير وشوف اللي يناسبك,,,

بالتوفيق

 

[شاري بايع]

وعليكم السلام ورحمة الله وبركاته,,,,

كنت اتمنى ان الرد يكون من عملاء الوفره ..
بس دامك ماحصلت الرد ..بحطلك رابط واقرا,,وقرر ...

http://www.indexsignal.com/vb/showthread.php?t=49276

والله اعلم,,,
استخير وشوف اللي يناسبك,,,

بالتوفيق

الله يبارك فيك وما قصرت كفيت ووفيت

 

[mar019]

فيه شي افضل

في شركة قديمه بس ادارة جديد اصحاب الشركة قديمه باعو الشركة للاشخاص اخرين .

uicfx.com

هذا ليس دعايه بل مساعده اذا حبيت

انا جربتهم

 

[شاري بايع]

في شركة قديمه بس ادارة جديد اصحاب الشركة قديمه باعو الشركة للاشخاص اخرين .

uicfx.com

هذا ليس دعايه بل مساعده اذا حبيت

انا جربتهم

مشكوووووووووور و ما قصرت

وكثر الله من امثالك

 

[crgo]

ابعد عن وفرة والله يرزقك

السلام عليكم

سؤال لعملاء ( وفرة ) شرايكم فيها هل تستحق فتح محفظة فيها

وجزاكم الله خير

اخوي الكريم
العموله هناك عالية
البروكرية الموجودين سواء محمد غالي او وسام او مديرهم كبير البروكرية تامر وابن عمه الفاهي بناء علي تجربة والله علي كلامي شاهد مايهمهم الا العمولات اللي يحصلونها من العميل والاستراتيجية اللي عنده تودي علي الهيج(يعني فلوسك راحت عليك الا اذا دعمت وتبدا وانت مطلوب المبلغ الموجود) ويعدين لازم اتدعم واتدش سلسلة لها اول مالها اخر
وأخر عرض قدمه موظف المبيعات السابق والبروكر حاليا محمد غالي اني اعطيه 100 الف دولار ويضمن لي 90 واذا حصل فايده 110 يضمن ال100 الف والفائده تكون بالنص بيني وبينه غير الكوميشن اللي ياخذه بالطبع وهذا مو كلام علشان انا شايل عليهم اول محاوله للإساءه لهم لكن هذا الواقع واللي مو مصدق يروح برج الدوليه بشرق الدور السادس ويسوي نفسه مهتم وراح يفتح حساب عندهم راح يعطونك الشمس بيد والقمر باليد الثانية ورجاء خاص اللي يروح هناك بعد ما يخلص الموظف شرحه وكلامه الحلو عن الارباح انه يسأله عن خبرته بالسوق وشنو كان دوامه القديم علشان يعرف الشخص اللي راح يدير حسابه شنو علاقته بالموضوع وشنو اللي خلاه فاهم ومافي زيه بروكر

 

[khalid592]

وييييييييييه لهالدرجه الناس قاعدين يستخفون بعقول العالم (لاحول ولا قوه الا بالله )

 

[أبو أنفال]

بصراحه ياشباب انا فتحت عندهم حساب والحمدلله ماشية معاي

بس اذا تبيهم هم يديرولك حسابك اسمحاي اقولك غلطان لانهم فاهين
ومايعرفون بالسوق اي شي وبعدين ديرو بالكم تخلونهم يشتغلون بحساباتكم
اما اذا تبون تفتحون عندهم حسابات ماعليه عادي افتحوا عندهم حسابات

 

[سامي1973]

رد على بايع شاري

في البدايه اشكر الموقع على اتاحة الفرصه للرد على الاخ بايع شاري في هذا الموضوع الحساس

الاخ بايع شاري لست اعلم ان كنت عميل لدى هذة الشركه ام لا ام انك سمعت من الناس وان كلامك هو قيل عن قال ام انه مدعوم بمعلومات صحيحه جمعتها بنفسك والسؤال الثاني هو لما تختبئ وراء هذا الاسم المستعار عرف عن نفسك امام الناس كي تكون لهم الحجة على اصحاب الشركة وموظفيها اذا ارادوا ان يسائلوهم في المعلومات التي طرحتها
ما اعرفه عن الشركه ان الموظفين فيها يعطونك معلومات عن السوق ويعلمونك كيفيه التعامل مع الاحداث ومن ثم يدعونك لنفسك حتى تبيع وتشتري بنفسك فكيف يكون الموظف فيها لايهتم بغير العمولات من الممكن ان يكون هناك موظف سيء في اي شركه وليس بالضرورة كل موظفي الشركات سيئين للدرجة التي وصفت ,انا لست ادافع عنهم ولكن ليكن تفكيرنا بشكل موضوعي فهذا
المجال فيه كثير من المشكلات إن كان من ناحية العملاء او الموظفين فالعملاء في بعض الاحيان عندهم مشكله الطمع فهو يعتقد انه بيوم او يومين سوف يصبح بيل غايتس, بعض العملاء وليس كلهم
فترى عنده ربح وكلما طلب منه البروكر اغلاق مراكزه اعتقد العميل ان الموظف يلهث وراء العموله
من ناحية اخرى وهل للموظف غير العموله ام ان العميل يعتقد ان هذا الانسان يقدر ان يعيش بدون مردود مادي من عمله فالافضل له ان يدع هذا العمل ويذهب ليعمل في شيء اخر ,من ناحيه اخرى بعض البروكريه لا يهمهم غير العمولات كما ذكرت وعنده استعداد ان يحرق الدنيا من اجل دينار واحد ولكنك وضعت البروكريه جميعا في خانه واحده وهذا خطأ إن سمحت لي ان اصحح لك
في النهايه ارجو من الاخوه متصفحي هذا المنتدى ان يسألو عن الشركة جيدا كي يعرفوا ان كل عميل يراجع الشركة يعرض عليه حضور دورة تدريبيه قبل الخوض في السوق حتى يقرر وقتها هل هو قادر على العمل بنفسه ام يحتاج مساعده من احد ام يقرر عدم خوض التجربه فمعلوماتي تقول ان ما يديره موظفو الشركه لا يتعدى 25 بالمئه من حسابات العملاء .طبعا هذا مع احترامي لرأي الأخ بايع شاري الذي هو حر في طرحه.وفي الختام اشكر المنتدى الموقر على كونه منبراً للرأي الحر والسلام عليكم ورحمة الله وبركاته.

 

[ابوعامر]

من واقع تجربه افشل شركه لان فرق النقاط عالي جدا واذا سلمتهم حلالك الله يخلف عليك واقسم بالله ان اثنين من عيال عمي عندهم وطلعوا صفر وبعدين اللي موجودين فهم للشارتات ضعيف جدا ولايحدد لك الدخول او الخروج لان هذي مهمته وبعدبن شركه قبرصيه واغلب الناس ينصحون من قبرص وشركاتها

 

[صوت الأمه]

مشكوووووووووور و ما قصرت

وكثر الله من امثالك

الصراحه شركه ثقه الناس الي فيها يخافون الله وسال ناس يداولون فيها

الشركه في شارع احمد الجابر عماره كيربي فوق مطحنة عدن فقابل ديوان المحاسبه بيجانب بنك ابو ظبي الوطني
تليفون 2421244 او 2426266

 

[أبو أنفال]

السلام عليكم ورحمة اللة وبركاته



اول شي انا متعامل في شركة وفرة والكلام الي بقوله لكم هوعبارة عن نصيحه لاغير

شركة وفرة بكل صدق وامانة مافيها خوف من ناحية انك تودع عندهم فلوسك وتتداول عن طريقم سواء العمولة الي ياخذونها عاليه اولا مالنا دعوة لنا فقط بامانتهم

اما اذا انت توريد البروكرية يشتغلون بحسابك( فانت غلطان جدا جدا لانهم بصراحه مايعرفون شي ولا يعرفون التداول بالسوق واغلب عملياتهم الناجحه بالحظ وانا م جربهم

وشكرا لكم الله يوفقكم اجمعين

 

[أبو أنفال]

السلام عليكم ورحمة اللة وبركاته



اول شي انا متعامل في شركة وفرة والكلام الي بقوله لكم هوعبارة عن نصيحه لاغير

شركة وفرة بكل صدق وامانة مافيها خوف من ناحية انك تودع عندهم فلوسك وتتداول عن طريقم سواء العمولة الي ياخذونها عاليه اولا مالنا دعوة لنا فقط بامانتهم

اما اذا انت توريد البروكرية يشتغلون بحسابك( فانت غلطان جدا جدا لانهم بصراحه مايعرفون شي ولا يعرفون التداول بالسوق واغلب عملياتهم الناجحه بالحظ وانا م جربهم

وشكرا لكم الله يوفقكم اجمعين

 

[صوت الأمه]

الصراحه شركه ثقه الناس الي فيها يخافون الله وسال ناس يداولون فيها

الشركه في شارع احمد الجابر عماره كيربي فوق مطحنة عدن فقابل ديوان المحاسبه بيجانب بنك ابو ظبي الوطني
تليفون 2421244 او 2426266
وموقعهم ه, www.uicfx.com