اكثر ما يخسر المتداولين الجدد هو الطمع والجشع واحد ربح 40 دينار وشاف غيره ربحان 400 دينار حاول يقلده راح فيها وخسر اذا عندك 10 آلاف او اكثر اشتر سهم بقيمة 2000 دينار الى 3000 مثل سهم بوبيان وحدته 2500 بسعر 510 وما فوق اعرض اللي شريته بسعر 520 واقضب باقي فلوسك في الاحتياطي العام اذا بعت ربحت 50 دينار اطلع من السوق وتعال باجر اذا ما بعت تعال بكره اعرضه ب 520 مره ثانية اذا ما انباع خله استشمار وانساه تعال بكره لنفس السهم اللي عندك اول ما يفتح السوق واطلب مع الطالبين فرضا كان مطلوب 510 اطلب وياهم واول ما يعطونك اعرضه ب 520 لو لقيت الطلبات على سعر 500 نفس الطريقه اطلب وياهم واعرضه تكه وحده فوق يعني 510 فرضا عطوك وما شروا منك تعيد الكره مره ثانية تطلبه على سعر 495 واول ما يعطونك تعرضه 500 اذا عطوك راح يكون خلص راس مالك وتكون شغلتك الايام القادمه تعرض وبس الطريقه هذى ناحجه بالاسهم اللي ترددات سعرها تكون متقاربه وتقدر تعرف الشيء هذا من النظر الى البيانات التاريخية للسهم واسعار تداولاته خلال الثلاث اشهر الماضية من خلال موقع البورصة وحاول في البدايه تشتري وتعرض بطريقة وهمية اشتغل على سهم واحد فقط اشتر واعرض وشوف النتيجه بعد شهر الصبر زين والعجله من الشيطان المهم انك تربح مو مهم كم تربح ولا تقرأ جرايد ولا تسمع كلام احد ولاتقول لاحد انك ماشيء بالطريقة هذي عشان ما يغير دربك
الطريقه جيده ولكن أفضل إن يكون فاصل الشراء أكبر ... يعين لو شاري على 530 يعرض على 540 ويطلب على 510 بحيث لو اشترى يقدر يبيع الكميه كلها على 530 ويكون ربحان 50 ... ولكن يراعي نقاط الدعم والمقاومه فيتجنب الشراء عند نقاط المقاوم أو قريب منها ويشتري أول مجموعه قريبه من الدعم ... والشباب ما شاء الله في المنتدى ما يقصرون في تبيين نقاط الدعم والمقاومه لجميع الأسهم، يعني ما يحتاج يحسبها حتى ...
يعنى اشترى السهم عشان خمسين دينار و اذا عرضتا مانباع ونزل على 50 فلس اخليه و اصير مستثمر , مايصير جزاك الله خير فى شى اسمة ايقاف خساره و هذا عيب اغلب الناس تشترى باتجاه واحد و لا يحسب حساب الاتجاه الثانى انا ناهيك عن السهم و القطاع ولاكن اتكلم عن ميكانيكيتة الطريقة مافى شى اسمة اشتر و اذا نزل عليك صير مستثمر لازم تحدد هدفك قبل الدخول مضارب او مستثمر ماتخلى السهم يفرض عليك الشى هذا ممكن تكون طريقتك مربحة فى اوقات بس لابد انك راح تنصاد بيوم مثال لو علي قولتك هذى الطريقة صحيحة يعنى الخليجى كان يتذبذب 435- 445 لو كنت تبى تاخذة منا تكة وحده وماعطاك اياها صرت مستثمر غصب والحين كسر الدعم شنو استفدت لما وصل 325 !! لازم تعرف الدعم الى حاميك وينا ولا تقلل من شئنا بس فيحالة انك تقولى انا محلله تحليل اساسى وعارف اهدافة المستقبلية مثلا 600 فلس اقولك اى امسك بس بتضارب بهل طريقة بتخسر وخصوصا الوضع ترا يحتاج مضارب من عيار رفيع وليس مسمى مضارب
