الحظ الاقشر

الموضوع في 'إستراحة المنتدى' بواسطة عفار, بتاريخ ‏10 يونيو 2003.

  1. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    أبوفهد

    كيف حالك

    نبا نشب النار والداعى يجى

    والدله لنا زمان عنها ماذقنا هيلها

    أسمع ياطويل العمر هالشاعر وش يقول حظه أمتردى

    ونطق هالبيوت

    لاطاح حظى نخيت 00 العزايم
    00000000000000000000اللى أتنومسنى على شهب الايام
    اللى لها من فضل ربى عظايم
    00000000000000000000فى ساعتن فيها البلاوى00تخطام
    ماعمر ياحظى قضيت اللزايم
    00000000000000000000لامصدر أحلامى ولامصدر00 ألهام
    لاجا مجال الجد مالك00همايم
    00000000000000000000ألقاك00فى كل المشاوير 00نوّام
    من عامك اللى طاف كلك قسايم
    00000000000000000000ياطول صبر اللى طلع حظه أخمام
    لوتنشرا ياحظ مارد 0000 سايم
    000000000000000000000مارد أنا بالعون من جاك سواّم

    وش رايك يابوفهد

    لو تنباع الحظوظ بكم تبيع حظك

    انا عن نفسى

    مانى بايعه ماهو حبن فيه حتا لو طلع أخمام

    بس ودى اخليه شماعة الفشل عندى

    لانه مصيبه لامن فشل الواحد على من بيحط السبب

    :D :D :D
     
  2. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    صح لسانك

    دله عامره يابو عبدالله ومشتاقين لك .....اخوك ومن يوم الاربعاء الماضي

    تحت لحفي ... الحراره والصداع والم الصدر ما هو راضي يخف ..... وانا

    امس من شده التعب ما قدرت اكتب المقال وخليت اخوي طارق يكتبها بالنيابه عني ...

    اليوم ان شاء الله باروح اسوي التحاليل .... لان الاعراض اللي احس فيها

    تشبه اعراض الحمى الشوكيه اللي صابتني من سنتين ( ابعدها الله عن

    الجميع ) ... في الختام يابو عبد الله خل دلتك العامره على ركزتها واذا

    الله كتب لي صحه .. فانا بارجع اشربها باذن الله .... واذا بغينا نعرف وين

    الحظ فهو بالرجوع لكم سالم غانم ...

    اخوك / خالد
     
  3. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    طهور يابوفهد

    وخطاك السو

    وماتشوف شر ياطيب

    وأنشاء الله غانم وسالم

    ورجعتك لنا قريبه

    يابوفهد
     
  4. المؤشر

    المؤشر المشرف العام مشرف

    التسجيل:
    ‏30 أغسطس 2001
    المشاركات:
    6,691
    عدد الإعجابات:
    67
    مكان الإقامة:
    الكويت
    ما تشوف شر يا بو فهد
     
  5. طموح

    طموح عضو نشط

    التسجيل:
    ‏1 مارس 2002
    المشاركات:
    348
    عدد الإعجابات:
    0
    أسأل الله العظيم رب العرش العظيم أن يشفيك ياأبا فهد وماتشوف شر إن شاءالله
     
  6. عجيم

    عجيم عضو جديد

    التسجيل:
    ‏1 أغسطس 2002
    المشاركات:
    531
    عدد الإعجابات:
    0
    الله يجعل حظك رجوع يالشمعه

    والله يجعله طهور انشاءالله

    ولا باس طهور انشاءالله
     
  7. تركي

    تركي عضو جديد

    التسجيل:
    ‏5 مايو 2003
    المشاركات:
    55
    عدد الإعجابات:
    0
    اتمنى لك الشفاء العاجل انشاالله يااخوي خالد

    انشاالله تكون شوية برد وتعدي
     
  8. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    شكرا لجميع الشباب ....انا بخير ولله الحمد واقدر اعض فخذ بعير وهو يركض .....

    نرجع لموضوع ابو عبد الله ... الحظ الاقشر ... انا ملاحظ ان معظم من يشكي من الحظ هم من شرب من كاسه الين قال بس ... بمعنى ان معظم الناس تظن ان الحظ مجافيها وانا اعتقد من وجهه نظري ان معظم الشكاوي مبالغ فيها ... حادثه انا عايشتها ... احدهم في احد البنوك وتحديدا في اروقه صالات التداول .. كان ماخذ زاويه .. ويون بصوت مسموع ...( آه يا القهر ... آه يا الحظ الردي ) ... طبعا انا اعرف الرجال بوجهه وما ني قادر اسأله او اواسيه خايف احرج الرجال ... على اي حال قابلت شخص اعرفه وهو يعرف الرجال زين ... قلت عسى ما شر وش فيه .. قال ابد خسر 65000 دولار ...قلت الله يعوضه ... الخساره في الحال ماهي في المال .. ضحك وقال بس نفس الزلمه كاسب قبل اسبوعين ضعف هالمبلغ ... لا وازيدك من الشعر ديوان .. ترا يملك مركز تجاري ما يقل قيمته عن 20 مليون ريال ....!!!! بصراحه وبعد هالمعلومه عرفت ان ما يحش من الحظ الا اللي حش من خيراته بالمخرف والملاس والا ايه يا سي العفار ...؟
     
  9. عجيم

    عجيم عضو جديد

    التسجيل:
    ‏1 أغسطس 2002
    المشاركات:
    531
    عدد الإعجابات:
    0
    الحمد لله على سلامتك يابوفهد...

    وش يقول سي عفار في الرجال اللي فوق :)
     
  10. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    الحمد لله

    على سلامتك يابوفهد

    الله يهداك يابوفهد وش قرب هذا من هذاك فرق السما عن القاع

    هذا مركز تجارى قيمته بعشرين مليون

    وهذاك بقاله فتحتين على شارع فرعى بوسط حاره كلها:)) )

    عط الشاعر

    المركز التجارى وشوف وش راح يسوى

    ياشيخ والله أليملالك جدرانه قصايد عن الحظ السعيد

    ماهو مثل خوينا اللى يون الله يصلحه

    ويخليله مركزه التجارى

    أبوبقاله لوخسر 10000

    ماراح يمرح الليل

    لتشوفه أيتقلب مثل اللى قارصه الداب

    والبقاله دخلها على قدها

    أما ابومركز تجارى لو خسر أيجارات المحلات تعوضه

    ولاّ وش رايك ياعجيم

    تراك فالسالفه

    لاتطلع خشمك منها



    :D
     
  11. عجيم

    عجيم عضو جديد

    التسجيل:
    ‏1 أغسطس 2002
    المشاركات:
    531
    عدد الإعجابات:
    0
    حاضر افا عليك يابوعبدالله

    وانا علي صبغ الرش اللي بيكتب فيه على الجدران:D


    افا والله عليك حتى ان ما كفاه الصبق

    والله لا اجيبله قلم شيني اللي ماينمحي










    :) :)
     
  12. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    أنفدا ذا الخشم

    طلع وطلّع معاه باقى أعضاء الجسم كلها

    مابقالك شى فالسالفه

    الله يعينا على ابوفهد

    أشوى العصر

    بيستلمنا

    حنا وراعى البقاله

    :D :D
     
  13. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    يا عجيم

    يا عجيم احكم بيني وبين ابو عبد الله ...

    انا اتصور ان الانسان مهما عطاه الله يبقى في نفسه ان حظه ردي ...
    سواءا عنده مركز تجاري والا كشك سجاير ... دايم حنا نظن اننا ماش مجافينا الحظ ... ودايم نقول المقوله المشهوره ( يعطي الحلق اللي ماله ودان " اذنين " ) ... زميل في المستشفى العسكري شغلته طبيب نفساني ... الملاحظ ان الاعداد على عيادته ا هائله .... كل رجال وحرمه ما يطلبون الا هاللحيه الغانمه ... لدرجه ان الاطباء الثانين يندبون حظهم الاغبر اللي جاب لهم هالبليه و ضربهم الحسد والغيره وبدا الفار يلعب في عبهم ... المهم مره من الامرار كنت عنده في البيت وقلت يابو عادل وش السر في تفوقك ما شاء الله ... قال ما اخبي عليك يا خالد تراه امر بسيط ما تصدقني ... قلت قول وخلني احكم ....

    قال كل مريض ومريضه يجي عندي اقول ... شكلك مظلوم وحظك ردي ..وهذا ما يحصل الا للشخص الحساس مرهف الاحساس وفي الغالب يكون كريم وىعتمد عليه .. وانت وانتي اللي مثلكم ما يعيش في هالزمن الاقشر .... طبعا المريض او المريضه يقول ايه هذا الكلام العدل ... هذا الدكتور والا بلاش ..... والا ايه يا سي العفار ...؟